¹ Wak'tu Yesus udah mere prentah ka kedua balas anak buah-Ya,Ia ampus dari ngaan ntuk ngajar wan bekotbah ka kota-kota mpu'ya. ² Ntu nyan,wak'tu Yohanes,nang ada ka penjara,nangar gawe-gawe Kristus,ia madah pasat nyuruh anak buah ya, ³ lalu betanya ka-Ia,"apekah Kau nang aytak na,ato aruskah orak kitu nunggu nang lain ya?" ⁴ Yesus njawab wan madah ka mpu'ya,"Ampuslah wan bere taulah ka Yohanes ape nang kau nangar wan kau nele, ⁵ nang buta nele,nang mongkok bejalat,nang sakin kusta litahirkan ⁶ Lalu,liberkatilah orak nang angin kesingkak kana-Ku." ⁷ Lalu,laka mpu'ya ampus,Yesus mole ngomong ka orak banyak tentang Yohanes,"Ape nang kau mao nele ka padang belantara nang lisioh abos? ⁸ Kau ampus ntuk nele ape?Seorak nang bebaju alus?Mpu'ya nang bebaju alus na ada ka istana-istana raja. ⁹ Ntuk nele apekah kau ampus?Seorak nabi?Ya,Aku madah ka kau,ia bahkan labih aya dari pada seorak nabi. ¹⁰ Sabab,ialah orak nang tentang ya udah tetulis:'Tele!Aku ngirim utusan-Ku ndului-Kau.Ia nang nak nyiapkan jalat ntuk-Kau ka kadam-Kau.' ¹¹ Aku madah nang sebanar ya ka kau,ka ntara mpu'ya nang libranak oleh mbini,angin ngkala tampil orak nang labih aya dari pada Yohanes Pembaptis.Tapi,nang paling amuk dalap Kerajaan Surga,labih aya dari pada ia. ¹² Dari jaman Yohanes Pembaptis samapi sekarang,Kerajaan Surga nderita kekerasan,wan orak-orak nang kejam na nyuruh ngan paksa. ¹³ Sabab,babis nabi wan Hukum Taurat bernubuat sampai jaman Yohanes. ¹⁴ Lalu,kalo kau mao nerima ya,ialah Elia nang atak na. ¹⁵ Sape nang ada kelinga ntuk nangar,haruslah ia nangar ya! ¹⁶ Tapi,ngan apekah nak Akiu mbandingkan generasi ntu?Mpu'ya na macam muda-muda amuk nang duduk ka tampan-tampan umum,nang nyaru kawan-kawan ya, ¹⁷ lalu madah,'Orak kia nyioh suling ntuk kau,tapi kau angin nari.Orak kitu nyanyi lagu dukacita,tapi kau angin beduka.' ¹⁸ Kae'na Yohanes atak angin makat,wan angin cocok,wan mpu'ya madah,'Ia kerasukan roh jaan.' ¹⁹ Tapi,wak'tu Anak Kleno atak lalu makat wan cocok,lalu mpu'ya madah,'Tele,seorak nang rangka wan pemabuk,kawan rombong ngorok pajak wan orak-orak bedosa .'Tapi,hikmat libanar oleh nang ligawe ya." ²⁰ Laka na,Yesus mole ncela kota-kota tampan Ia ngawe nang paling bnayak mujizat kae'na mpu'ya angin betobat. ²¹ "Celakalah kau,Khorazim!mpu'ya udah lama betobat ngan makai kabung wan abu. ²² Tapi,Aku madah ka kau bahwa wak'tu ari penghakiman,Tirus wan Sidomn labih bisa nanggong ya dari pada kau. ²³ Lalu,kau,Kapernaum,nak kau ninggi sampai ka meramang?Angin,kau nak liturut ka dunia orak mati,sabab kalo mujizat-mujizat nang tejadi ka ntara kau na tejadi ka Sodom,kota na tatap ada sampai ari ntu. ²⁴ Tapi,Aku madah ka kau bahwa wak'tu ari penghakiman,tanah Sodom na bisa nanggong ya dari pada kau." ²⁵ Wak'tu na Yesus ngomong,"Aku memuliakan Kau,Bapa,Tuhan atas meramang wan bumi,kalo Kau munyi babis ntu dari orak-orak nang bijaksana wan tau,wan madah ya ka muda-muda ²⁶ amuk na.Ya,Bapa,kae'na macam ntulah nang bisa ka kadam-Kau. ²⁷ Segala jukun nang linyolo ka-Aku oleh Ama-Ku.Wan,angin seorak pun nang nao Muda na selain Ama ya;angin seorak pun kanal ka Ama selain Anak wan tiap orak nang li ngendaki Sang Anak ntuk madah ya. ²⁸ Ataklah ka-Aku,babis nang latih lesu wan berbeban baran,wan Aku nak mere kau kelegaan. ²⁹ Pikollah kuk nang Kumasang,wan belajarlah dari-Ku kae'na Aku lamah lamun wan randah ati,lalu kau nak ngulih ketanangan dalap jiwa kau. ³⁰ Sabab,kuk nang Kumasang na angin ngonyoh wan baban-Ku ringan."