¹ Tito, yabocu päinü ujutu juoächätürü teseta päü ji̧na̧á̧ jawatü ttü̧ja̧rü̧ tturuwo 'caächiätürü ttü̧ja̧ päü 'cuäopünä a̧mu̧cuä̧rü̧nü̧ adiunä̧tä̧ jȩtta̧ päü. ² Korotu ttutu'cumä ji̧yȩtȩí̧nä̧ surojumä pättü juiya päü ja̧á̧. Pä̧i̧cu̧nä̧ pää'chäcuäwä juiyünä ttü̧ja̧cu̧nä̧ o'catoiünä ttü̧ja̧rü̧ esewä̧rü̧nü̧ totta päü ja̧á̧ rü̧ä̧nä̧ micuäwätü 'cua̧ru̧nä̧ jo̧mȩnä̧. ³ Ujutumä tocu päü ji̧yȩnu̧ pä̧nä̧ tu̧jä̧ji̧ mo̧ro̧mä̧ amücuädocotü pinä̧tü̧jä̧, jarodinätü̧jä̧, re'tewächinä̧tü̧jä̧, tidepä ku'quecunä ka̧cui̧nä̧tü̧jä̧, suroju päümä tu̧wo̧jua̧á̧nä̧ ka̧cui̧nä̧tü̧jä̧ ku'cäwocünä̧tä̧, koroturu pä̧wä̧ juiyünä toäcuäwätä winätü̧jä̧. ⁴ Ja̧wa̧nü̧ ja̧á̧nä̧, Dios pääjimä i̧jȩpi̧nü̧ tu̧wo̧jui̧pü̧nä̧ adiu kä̧cuä̧wä̧ repeü pi̧jä̧ ttü̧ja̧rü̧, Diostä ji̧na̧á̧ ujuturu fäädinumä, ⁵ fäädinä̧ü̧jä̧, surojunä jȩtü̧ juiya päü jȩpä̧'chu̧ tu̧ji̧nu̧ ji̧yȩta̧á̧cu̧ re ru̧ju̧nä̧ toinä̧jü̧, suroju päü tu̧wo̧jua̧á̧nä̧ jȩtu̧ttu̧ fädinäüjä̧ tucu icu surojüttü ta̧cua̧ru̧wa̧ ja̧rȩpa̧ ju̧nä̧ tu̧ja̧ päü Diosttü ä̧cuo̧mȩnä̧ adiwä a̧cua̧ru̧wa̧nä̧. ⁶ Ja̧ü̧mä̧ ujutunä micuäwünä tu̧ru̧wa̧ Jesucristo i̧mi̧nä̧ tu̧ji̧pi̧ya̧ru̧ päü, ⁷ surojura̧á̧ juoächinä̧tu̧ taánä re kä̧cuä̧wo̧cu̧ra̧á̧. Ja̧wa̧nü̧ ja̧á̧nä̧ rä̧bȩwi̧nä̧tü̧jä̧ chutäcü jinä yotute päiünä jo̧mȩnü̧ ka̧cu̧ tta̧ä̧rä̧tü̧jä̧ kä̧cuä̧wä̧ i'cotä. ⁸ Pi̧yȩ jidäwäjimä jueu wȩnȩ ja̧á̧. Ja̧wa̧ta̧nü̧ pi̧yȩ wȩnȩmä̧ yabocu jicuäwa päüsä Diosrü esetinä̧tü̧ pätü 'cuäopünä adiutä jȩpü̧ koroturu fättäda päü. Pi̧yȩmä̧ adiwä juäi koroturuínä fäädaáttü. ⁹ Ja̧wa̧nü̧ ja̧á̧ttü̧ koro micuäwocu wȩnȩnä̧mä̧ ja̧wa̧ta̧nü̧ cuä̧do̧tu̧mi̧nä̧ tti̧mi̧í̧nä̧ pää'chümä curowäwätücuä, Weäwä wȩnȩ tu'cuinä, ja̧ü̧ wȩnȩmä̧ micuäwocü fääduinä fäädocü ¹⁰ Ya̧tȩ awaruwärü 'cä̧ȩpu̧ icua päü amücuädürümä, todärenä jicuäwomenä uarodüttümä, räepü icuätucuiru ¹¹ . Jua̧á̧nü̧ wa̧mä̧ cu̧wo̧juä̧cu̧ isopäiünä wȩnȩmä̧ ku'cocu, surojutä jȩpü̧, ja̧wa̧nü̧ ja̧á̧ttü̧ chutä a̧mü̧nä̧tä̧ suroju juoächü. ¹² Artemascu jü̧ttü̧í̧nä̧ Tiquicocu jü̧ttü̧í̧nä̧ ucu cu̧jo̧mȩcu̧ wedomenä̧mä̧, doächü cuichattü päüsä Nicopoli ütawiyaraá, pȩnȩtä̧ chu̧jo̧po̧ä̧cua̧sä̧ pi̧yȩ a̧ȩnä̧mä̧ ¹³ . Ja̧wa̧ta̧nü̧ weäwä wȩnȩ wo̧juä̧wä̧sa̧ Zenasru̧i̧nä̧, Apoloruínä tti̧chä̧cuä̧ recuä rü̧jü̧mä̧ o'cajuiyünä fääditü. ¹⁴ Ja̧wa̧ta̧nü̧ ujutucu Cristorü esetinä̧tümä̧ ttu̧wo̧juä̧cha̧ päü ja̧á̧ koroturu recuä ru̧jä̧ü̧rü̧ fäädü. Ja̧wa̧nü̧ ja̧á̧ttü̧, pa̧á̧nü̧ jȩtto̧mȩnä̧mä̧, u̧wä̧ju̧ wä̧ju̧nä̧ ttiyäcuotü. ¹⁵ Tito, ¡ttucu kä̧tü̧mä̧ o'catoiünä tettäwäcüjä. Ja̧wa̧ta̧nü̧ tawaruwä ujuturu tta̧'cua̧nä̧ repeäturuinä teäwi. Dios micuä juiyünä iyinümä ucututäcü ka̧ päüsä.