¹ Nítorí ìwọ kò ní àwáwí kankan, ìwọ ènìyaǹ, ìwọ tí o ńdájọ́, nítorí ohun tí ìwọ ńdájọ́ ní ti ẹlòmiràn ìwọ ńdá ara rẹ lẹ́bi. Nítorí ìwọ tó ńdájọ́ ńṣe àwọn ǹkankan náà. ² Ṣùgbọ́n àwa mọ̀ pé ìdájọ́ Ọlọ́run wà sí òtítọ́ nígbàtí ó bá dé sórí áwọn ẹnití wọn ńṣe ǹkan bẹ́ẹ̀. ³ Ṣùgbọ́n ìwọ ro èyi, ìwọ ènìyaǹ, ìwọ tí o ńdájọ́ ẹnití ńse àwọn ǹkan bẹ́ẹ̀ biótilẹ̀jẹ́ wípé ìwọ ńṣe ǹkankan náà. Ǹjẹ́ ìwọ yóò bọ́ lọ́wọ́ ìdájọ́ Ọlọ́run bi? ⁴ Tàbí ìwọ rò wípé kékeré ni ọrọ̀ àánú Rẹ̀, ìlọ́ra ìjìyà Rẹ̀, àti sùúrù Rẹ̀? Ìwọ kò mọ̀ pe àánú Rẹ̀ yẹ kí ó darí rẹ sí ìrònúpíwàdà? ⁵ Ṣùgbọ́n gẹ́gẹ́bí ìyigbì àti àinírònú pìwàdà ọkàn èyí tí ó ńmú ọ kó ìbínú pamọ́ di ọjọ ìbínú, èyí tí íṣe, ọjọ́ ìfihàn ìdájọ́ òdodo Ọlọ́run. ⁶ Òun yóò san fún ẹnìkọ̀kan gẹ́gẹ́bí àwọn iṣẹ́ ọwọ́ rẹ̀: ⁷ sí àwọn gẹ́gẹ́bí ìdúrósinsin, àwọn iwà tó dáráa ti ó ni ìyìn, ọlá àti àìdibàjẹ́, Òun yóò gba iyè àìnípẹ̀kun. ⁸ Ṣùgbọ́n sí àwọn olùwá-ti-arawọn-nìkan, àwọn tíó ńṣe áìgbọràn ṣí òtítọ́ ṣùgbọ́n ṣe ìgbọràn sí àìsòdodo, ìbínú àti ìbínú gbígbóná yóò wáá. ⁹ Ọlọ́run yóò mú ìpọ́njú àti ìdàmú sórí gbogbo ọkàn ẹni tí ó ńṣe ibi, àkọ́kọ́ sí àwọn Júù, àti sí àwọn Gíríkì. ¹⁰ Ṣùgbọ́n ìyìn, ọlá, àti àlàáfíà ni yóò si ẹnikẹ́ni t'ó ńse rere, àkọ́kọ́ sí àwọn Júù, àti sí àwọn Gíríkì. ¹¹ Nítorí kò sí ojúsàájú pẹ̀lú Ọlọ́run. ¹² Fún gbogbo iye ènìyàn tí ó bá ti ṣẹ̀ làíse nípa òfin yóò parun làíse nípasẹ̀ òfin, àti gbogbo àwọn tó bá ṣẹ̀ nípasẹ̀ òfin ni a ò dá lẹ́jọ́ nípasẹ̀ òfin. ¹³ Nítorí kì í ṣe àwọn olùgbọ́ràn sí òfin ni ó olódodo níwájú Ọlọ́run, ṣùgbọ́n àwọn olùṣe òfin ni a ò dáláre. ¹⁴ Nítorí àwọn Kèfèrí, àwọn tí wọn kò ní òfin, ńṣe nípa ara àwọn ǹkan ti òfin, àwọn wọ̀nyí jẹ́ òfin sí ara wọn, bí ó tilẹ̀ jẹ́ pé wọn kò ní òfin. ¹⁵ Nípasẹ èyi wọn fihàn pe àwọn ìṣe èyítí òfin ńbèère fún a kọọ́ sínu ọkàn wọn. Bẹ́ gẹ́gẹ̀ ni ẹ̀ri ọkàn wọn ńjẹ́rìí sí wọn, àti àwọn èrò wọn yálà ó ńfi wọn sùn tabi ó ńdábòbò wọ̀n ọ́n sí ara wọn ¹⁶ àti pẹ̀lú sí Ọlọ́run. Èyí tí yóò ṣẹlẹ̀ ní ọjọ́ tí Ọlọ́run yóò ṣè ìdájọ́ àwọn ohun ìkọ̀kọ̀ gbogbo ènìyàn, gẹ́gẹ́bí ìhìnrere mi, nípasẹ̀ Jésù Krístì. ¹⁷ Ṣùgbọ́n tí ìwọ bá pe ara rẹ ní Júù àti wípé o dúró nínú òfin àti wípé ò ńsògo nínu Ọlọ́run, ¹⁸ àti wípé o mọ ìfẹ́ Rẹ̀ àti pé o mọ ohun tí ó dára ju nítorí a ti ńkọ́ ọ nínú òfin; ¹⁹ àti tí ìwọ bá ní ìdánilójú pe ìwọ tìkálára jẹ́ a fi ọ̀nà han àwọn afọ́jú, ìmọ́lẹ̀ sí àwọn tí ó wà l'ókùnkùn, ²⁰ olùtọ́ni àwọn aṣiwèrè, olùkọ́ àwọn ọmọ kékeré, àti wípé ìwọ ní ìmọ̀ nípa òfin àti nípa òtítọ́, ǹjẹ́ báwo ni àwọn ǹkan wọ̀nyí ṣe ń dí ọ lọ́wọ́ bí o se ńgbe ayé rẹ? ²¹ Ìwọ tí ò ńkọ́ àwọn ẹlòmíràn, ṣé ìwọ kò kọ́ ara rẹ bìí? Ìwọ tó ńwàásù má ṣe jalè, ǹjẹ́ ìwọ kò ńjalè bìí? ²² Ìwọ tí o ńsọ pé ki ẹǹkan má se àgbèrè, ǹjẹ́ ìwọ ńṣe kò àgbèrè bìí? Ìwọ tí o kórira àwọn òrìsà, ǹjẹ́ ìwọ kò má a jalè àwọn tẹ́mpílì bìí? ²³ Ìwọ tí ò ńyayọ́ ìgbéraga nínú òfin, ṣé o ko má a tàbùkù Ọlọ́run nípa ìtàpà sí òfin? ²⁴ Nítorí tí "orúkọ Ọlọ́run di ẹ̀gàn láàrin àwọn kèfèrí nítorí yín," gẹ́gẹ́bí a ti ṣe kọ́ sílẹ̀. ²⁵ Nítorí ìkọlà nítòótọ́ ní èrè tí ìwọ bá pa òfin mọ́, ṣùgbón tí ìwọ bá rú òfin, ìkọlà rẹ di aláìkọlà. ²⁶ Bí, nígbà náà, ènìyàn aláìkọlà bá pa àwọn ìlànà òfin mọ́, ǹjẹ́ àìkọlà rẹ̀ a kì yóò gbà á bí i ìkọlà bíí? ²⁷ Ǹjẹ̀ ẹni tí kò kọlà kì yóò dá ọ lẹ́bi tí òun bá ńpa òfin mọ́ bíí? Nítorí pé ìwọ ní òfin tí a kọ sílẹ̀ àti ìkọlà, ṣíbẹ̀ṣíbẹ̀ ìwọ ńrú òfin! ²⁸ Nítorí ti kìí se Júù nípa ti ìwò òde nìkan, tàbí ìkọlà èyí tí ì se òde ti ara. ²⁹ Ṣùgbọ́n ẹni tí ṣe Júù ni ẹni ti inú, àti ìkọlà ni ti ọkaǹ, nínú Ẹ̀mí, kì í ṣe ní ti òfin. Ìyìn irú ènìyàn bẹ́ ẹ́ kò wá láti ọ̀dọ̀ ènìyàn ṣùgbọ́n láti ọ̀dọ̀ Ọlọ́run.