¹ Ó sì ṣe ní alẹ́ ọjọ́ ìsinmi, ní àfẹ̀júmọ́ ọjọ́kínní ọ̀ṣẹ̀, Màríà ará Mágdálà àti Màríà kejì wá láti wo ibojì náà ² Sìkíyèsi, ilẹ̀ ṣì mì gidigid, nítorí áńgẹ́lì Olúwa sọ̀kalẹ̀ láti ọ̀run, ó wá ó ṣì yí òkúta náà kúrò, ó ṣì jókòó lé e lórí ³ Ìrísí rẹ̀ dà bí iná, aṣọ rẹ̀ sì funfun bí ẹ̀gbọ̀n òwú ⁴ Àwọn ẹ̀ṣọ́ náà sì gbọ̀n jìnìjinì fún ẹ̀rù wọ́n sì dà bí òkú. ⁵ Áńgẹ́lì náà bá àwọn obìnrin náà sọ̀rọ̀ wípé "Ẹ má bẹ̀rù, nítorí mo mọ̀ wípé ẹ̀yin ń wá Jésù, tí wọ́n ti kàn mọ́ àgbélèbú. ⁶ Kòsí níbíyìí, ṣùgbọ́n ó ti jí dìde gẹ́gẹ́ bí ó ti sọ. Ẹ wá wò ibi tí wọ́n tẹ́ Olúwa sí. ⁷ Ẹ tètè lọ kí ẹ sì wí fún àwọn ọmọlẹ́yìn rẹ̀, 'Ó ti jí dìde kúrò láàrin àwọn òkú. Ẹ wò ó, ó ń ṣiwájú yín lọ sí Gálílì. Ibẹ̀ ni ẹ̀yin yóò ti rí i.' Ẹ wò ó, èmi ti so fún yín." ⁸ Àwọn obìnrin náà tètè kúrò níbi ibojì náà pẹ̀lú ẹ̀rù àti ayọ̀ ńlá, wọ́n sì sáré lọ sọ fún àwọn ọmọlẹ́yìn rẹ̀. ⁹ Kíyèsi, Jésù pàdé wọn ó ṣì wípé, "Àlàáfíà fún yín!" Àwọn obìnrin náà wá, wọ́n dì í ní ẹṣẹ̀ mú wọ́n sì sìn ín. ¹⁰ Jésù sì wí fún wọn pé, "Ẹ má bẹ̀rù. Ẹ lọ sọ fún àwọn arákùnrin mi kí wọn lọ sí Gálílì. Ibẹ̀ ni wọn yóò ti rí mi." ¹¹ Nígbà tì àwọn obìnrin náà ńlọ, sì kíyèsi, àwọn díẹ̀ nínú àwọn ẹ̀ṣọ́ náà lọ sínú ìlú láti sọ fún àwọn olórí àlúfàà ohun gbogbo tí ó ti ṣẹlẹ̀ ¹² Nígbàtí àwọn àlúfáà náà ti ṣe ìpàdé pẹ̀lú àwọn olórí tí wọn ṣì ti sọ ọ̀ràn náà pẹ̀lú wọn, wọ́n fún àwọn ọmọ ogun náà ní ọ̀pọ̀lọpọ̀ owó ¹³ wọ́n sì sọ fún wọn, "Ẹ sọ fún àwọn tí ó kù, 'àwọn ọmọ ẹ̀yìn Jésù ní òru wọ́n ṣì jí ara rẹ̀ gbé nígbà tí à ń sùn ¹⁴ Tí ìròyìn yìí bá dé ọ̀dọ̀ gómìnà, ẹ máṣe mikàn nítorí a ó bá a sọ̀rọ̀ láti má fìyà jẹyín." ¹⁵ Nígbà náà ni àwọn ọmọ ogun náà gba owó náà wọ́n sì ṣe gẹ́gẹ́ bí a ti sọ fún wọn. Ìròyìn yìí tàn kálẹ̀ láàrin àwọn Júù ó ṣi tẹ̀ síwájú títí di òní. ¹⁶ Ṣùgbọ́n àwọn ọmọ ẹ̀yìn mọ́kànlá náà lọ sí Gálílì, sí ibi àpáta náà tí Jésù ti sọ fún wọn. ¹⁷ Nígbà tí wọ́n rí i, wọ́n sìn ín, ṣùgbọ́n àwọn kan ṣe iyèméjì. ¹⁸ Jésù wá sí ọ̀dọ̀ wọn ó sì bá wọn sọ̀rọ̀ ó wípé "Gbogbo àṣẹ ni a ti fi fún mi ní ọ̀run àti ní ayé. ¹⁹ Ẹ lọ nítorí náà kí ẹ ṣì máa sọ gbogbo orílẹ̀ èdè di ọmọ ẹ̀yìn. Ẹ máa tẹ̀ wọ́n bọ omi ní orúkọ ti Baba, ti ọmọ, àti ti Ẹ̀mí mímọ́. ²⁰ Ẹ máa kọ́ wọn láti máa gbọ́ràn sí ohun gbogbo wọnnì tí mo ti pa láṣẹ fún yín. Ẹ kíyèsi, mo wà pẹ̀lú yín nígbà gbogbo, kódà títí ó fi dé òpin ayé.