¹ Pọ́ọ̀lù, ìránsẹ́ Krístì Jésù nípa ìfẹ́ Ọlọ́run, sí àwọn ènìyàn, Ọlọ́run, mímọ́ tí ó wà ní Éfésù, tí won se olóòtọ́ nínú Krístì Jésù. ² Ore ọ̀fẹ́ sí yín àti àláfià láti ọ̀dọ̀ Ọlọ́run Baba wa àti Olúwa Jésù Krístì. ³ Kí Ọlọ́run àti Baba Jésù Krístì Olúwa gba ògo, ẹnití ó ti bùkún wà pẹ̀lú gbogbo ìbùkún ti ẹ̀mí nínú àwọn ọ̀run nínú Krístì. ⁴ Ọlọ́run yàn wa nínú rẹ̀ láti ìbẹ̀rẹ̀ ayé, pé kí àwa lè jẹ́ mímọ́ àti aláìlàbúkù níwájú rẹ̀. ⁵ Ọlọ́run yàn wá síwájú àkókò fún ìsọdọmọ láti jẹ́ ọmọ nípasẹ̀ Jésù Krístì, gẹ́gẹ́bí ìfẹ́ inú rere ti ifẹ́ Rẹ̀ ⁶ Ìsọdọmọ wa yọrí sí ìyìn ògo ore - ọ̀fẹ́ Rẹ̀ tí ó fi fún wa lọfẹ nínú Ẹnití ó fẹ́ràn. ⁷ Nínú Jésù Krístì àwá ni ìràpadà nípa ẹ̀jẹ̀ àti nípa ìdáríjìn ẹ̀sẹ̀ wa gbogbo nípa ọ̀rọ̀ ore ọ̀fẹ́ Rẹ̀. ⁸ Ó tú ore ọ̀fẹ́ Rẹ̀ lé wa lórí pẹ̀lú gbogbo ọgbọ́n àti òye. ⁹ Ọlọ́run sọ di mímọ́ fún wa, ète ìfẹ́ Rẹ̀ ti o wà nínú ìpamọ́ gẹ́gẹ́bí ohun tí o wù ún, ti o si ti se àfihàn rẹ̀ nínú Krístì, ¹⁰ Pẹ̀lú èròngbà láti pinnu fún kíkún àkókò, láti mú ohun gbogbo papọ̀, tí ḿbẹ ní ọ̀run àti ní ayé lábẹ́ Krístì ti i se Orí. ¹¹ Nínú Krístì a yàn wá láti jẹ́ ajogún. Ati se ìpinnu síwájú àkókò gẹ́gẹ́bí ète Rẹ̀, ẹnití o se ìgbéjáde ohun gbogbo gẹ́gẹ́bí ìpinnu ìfẹ́ Rẹ̀. ¹² Ọlọrun yàn wa gẹgẹbí ajogún ìrètí nínú Krístì, kí àwa ba leè jẹ́ ìyìn ògo Rẹ̀. ¹³ Nínú Krístì, ẹ̀yin pẹ̀lu, nígbàtí ẹ ti gbọ́ ọ̀rọ̀ òtìtọ́, ìhìnrere ìgbàlà náà, ẹ ní ìgbàgbọ́ nínú Rẹ̀, a sì fi Ẹmi Mimo ti a sèlèrí se èdìdí yín. ¹⁴ Ẹnití o se ìdánilojú ogún tí a jẹ títí ìgbà tí a ó fi ogún náà sí abẹ́ ìsàkoso wa sí ìyìn ògo Rẹ̀. ¹⁵ Fún ìdí èyí, láti ìgbà tí mo ti gbọ́ nípa ìgbàgbọ́ yín nínú Olúwa Jésù àti ìfẹ́ yín fún gbogbo àwon ènìyàn mímọ́. ¹⁶ N kò tíì dẹ́kun láti dúpẹ́ lọ́wọ́ Ọlọ́run bí mo se n dárúko yín nínú àwon àdúrà mi. ¹⁷ Mo ń gbàdúrà pé kí Ọlọ́run Olúwa wa Jésù Krístì, Baba ògo, kí ó fún yín ní ẹ̀mí Ọgbọ́n àti ìfihàn ninú ìmọ̀ òun tìkálára Rẹ̀. ¹⁸ Mo gbàdúrà kí ojú inú ọkàn yín kí ó lè gba ìtúnríran, ki eyin kí ó lè mọ ìdánilójú ìrètí tí ó ti fi pè yín sí àti ọrọ̀ náà, ti ogún tí ó ni ògo láàrin àwon ènìyàn mímọ́. ¹⁹ Nínú àdúrà mi, mo béèrè wípé kí ẹ̀yin kí ó lè mọ títóbi agbára Rẹ̀ tí kó ní òsùnwọ̀n nínú àwa tí ó gbàgbọ́ gẹ́gẹ́bí síse isẹ́ títóbi nípa okun Rẹ̀. ²⁰ Èyí ni òduwọ̀n agbára kannà tí Ọlọ́run fi sisẹ́ nínú Krístì, nígbàtí Ó jíi dìde nínú àwọn òkú tí ó sì mú kí ó jòkó ní ọwọ́ ọ̀tún Rẹ̀ nínú àwon ọ̀run. ²¹ Ó mú kí Krístì jòkó rékọjá gbogbo ìsàkoso àti àsẹ àti agbára, àti ìjọba àti orúkọ kórukọ́ tí a lè dá. Krístì yóò se àkoso, kìí se ní ayé yìí nìkan ṣùgbọ́n, kódà ní ayé tí ḿbọ̀ pẹ̀lú. ²² Ọlọ́run fi ohun gbogbo sí abẹ́ ẹsẹ̀ Krístì, Ó sì fi I fún ìjọ gẹ́gẹ́bí Orí ohun gbogbo. ²³ Ìjọ jẹ́ ara Rẹ̀, kíkún ẹnití ó kún ohun gbogbo nínú ohun gbogbo.