¹ Ọ̀rọ̀ yí gbọdọ̀ jẹ̀ òtítọ́: Bí ẹnikẹ́ni bá fẹ́ láti jẹ́ alámòjútó, oun fẹ́ isẹ́ rere. ² Nítorínà alámòjútó gbọdọ̀ wà láì lẹ́bi. Ó gbọdọ̀ jẹ̀ ọkọ aláya kan. Ó gbọdọ̀ jẹ̀ oníwọ̀ntunwọ̀nsì, olórí pípé, omolúàbí, ẹni tí ń se àlejò. Ó gbọdọ̀ leè kọ́ ni. ³ Kò gbọdọ̀ jẹ̀ ọ̀mùtí para, oníjà, ṣùgbọ́n kí ó jẹ́ oníwà pẹ̀lẹ́ àti alálàáfíà. Kò gbọdọ̀ jẹ́ ẹni tó fẹ́ràn owó. ⁴ Ó gbọdọ̀ bójútó inú ile rẹ̀ dáradára, àwọn ọmọ rẹ̀ sì gbọdọ̀ gbọ́ràn sìi lẹ̀nu pẹ̀lú gbogbo ọ̀wọ̀. ⁵ Nítorí tí arákùnrin kan kò bá le è mójútó ilé ara rẹ̀, báwo ni yóò ṣe mójútó ilé Ọlọ́run? ⁶ Kò gbọdọ̀ jẹ́ onígbàgbọ́ titun, kí ó má baà gbéraga. Kí ó sì subú sínú ìdálẹ́bi bíi èsù. ⁷ Ó gbọdọ̀ ní ẹ̀rí tí ó dára pẹ̀lú ará àdúgbò, kí ó má baà bọ́ sínú ìtìjú àti pańpẹ́ èsù. ⁸ Àwọn díákónì, pẹ̀lú gbọdọ̀ lọ́lá, kìí se ẹlẹ́nu méjì. Wọn kò gbọdọ̀ jẹ́ ọ̀mùtí para tàbí olójú kòkòrò. ⁹ Wọ́n gbọdọ̀ pa òtítọ́ ìgbàgbọ́ tí a fi hàn mọ́ pẹ̀lú ẹ̀rí ọkàn tó mọ́. ¹⁰ Wọ́n gbọdọ̀ kọ́kọ́ di ẹni ìtẹ́wọ́gbà, nígbànáà wọ́n gbọdọ́ ṣe isẹ́ ìránṣẹ́ nítorí wọn kò lẹ́bi. ¹¹ Àwọn obìnrin lọ́nà kan náà gbọdọ̀ lọ́lá. Wọn kò gbọdọ̀ jẹ́ asọ̀rọ̀ òdì. Wọ́n gbọdọ̀ jẹ̀ oníwọ̀ntunwọ̀nsì àti olóòtọ́ ní gbogbo ọ̀nà. ¹² Àwọn díákónì gbọdọ̀ jẹ́ ọkọ oní ìyàwó kan. Wọ́n gbọdọ̀ le ṣe àmójútó àwọn ọmọ wọn àti ilé wọn dáradára. ¹³ Nítorí àwọn tì ó ti sìn dáradára gba orúkọ rere àti ìgboyà ńlá nínú ìgbàgbọ́ tí ó wà nínú Krístì Jésù. ¹⁴ Èmi ń kọ àwọn nǹkan wọ̀nyí sí ọ, mo sì ní ìrètí láti tọ̀ ọ́ wá láìpẹ́. ¹⁵ Ṣùgbọ́n tí ó bá pẹ́ mi, èmi ń kọ̀wé kí o ba le mọọ bí a ti ń wùwà láàrín àwọn ènìyàn Ọlọ́run, tíí ṣe ìjọ Ọlọ́run alààyè, òpó àti àtìlẹ́yìn òtítọ́. ¹⁶ Kò sí ẹnikẹ́ni tí ó le jiyàn wípé ìjìnlẹ̀ ńlá ni òtítọ́ ti Ọlọ́run ii hàn. " Ó fara hàn nínú ẹran ara, ó gba ìdáláre nípa Ẹ̀mí, àwọn ángẹ́lì rí i, wọ́n kéde Rẹ̀ láàrín àwọn orílẹ̀ èdè, asì gbà á sókè nínú ògo.