¹ v 1 Ǹjẹ́ sááju ohun gbogbo, mo rọ̀ yín pé kí ẹ má a bẹ̀bẹ̀, gbàdúrà, ṣìpẹ̀ àti dúpẹ́ fún gbogbo ènìyàn, ² fún àwọn ọba àti àwọn tó wà ní ipò àsẹ, kí àwa leè maa gbé ní àláfíà àti ìdákérọ́rọ́ ní ìwà bí Ọlọ́run àti iyì. ³ Èyí dára ósì jẹ́ ìtèwọ̀gbà níwájú Ọlọ́run Olùgbàlà. ⁴ Ó fẹ́ kí á gba gbogbo ènìyàn là àti pé kí wọ̀n sì mọ òtítọ́. ⁵ Nítorí Ọlọ́run kan ni ó wà, alárinnà kan ni ó sì wà làárín Ọlọ́run àti ènìyàn, ọkùnrin náà Krístì Jésù. ⁶ Ó fi ara rẹ̀ sílẹ̀ ní ìràpadà fún gbogbo ènìyàn gẹ́gẹ́bí ẹ̀rí ní àkókò tí ó tọ́. ⁷ Fún ìdí èyí, a sọ èmi tìkaraàmi di ìránsẹ́ ati àposítélì. Èmí ń sọ òtítọ́. Èmi kò parọ́. Èmi jẹ́ olùkọ́ àwọn Hélénì ni ìgbàgbọ́ àti ní òtítọ́. ⁸ Nítorínà, kí gbogbo ènìyàn níbi gbogbo máa gbàdúra àti kí wọ́n sì gbé ọwọ́ sókè ní àìsí ìbínú ati àríyànjiyàn. ⁹ Bákannáà, mo fẹ́ kí àwọn obìnrin máa wọ ara wọn ní asọ tí ó tọ́nà, ní ìwọ̀ntunwọ̀nsì àti ní ìkoraẹni-ní-ìjanu. kìí ṣe níti irun dídí, tàbí wúrà, tàbí ọ̀ṣọ́, tàbí asọ olówó-iyebíye. ¹⁰ Kí wọ́n máa wọ ohun tí ó tọ̀ọ̀nà fún obìnrin tó ń kéde ìwàbí-Ọlórun nípa iṣẹ́ rere. ¹¹ Óyẹ kí obìnrin máa kẹ́ẹ̀kọ́ ní ìdàkẹ́jẹ́ àti nínú ìgbọràn gbogbo. ¹² Èmi kò gba obìnrin láàyè láti kọ́ni tàbí ṣe ìsàkoso lé okùnrin lórí, ṣùgbọ́n kí ó máa gbé ní ìdàkẹ́jẹ́. ¹³ Nítorí Ádámù ni akọ́kọ́ dá kí, á tó dá Éfà. ¹⁴ A kò tan Ádámù jẹ ṣùgbọ́n obìnrin náà ni a tàn jẹ pátápátá sínú àìsedédé. ¹⁵ Síbẹ̀síbẹ̀, a ó gbàálà nípa ọmọ bíbí, bí wọ́n bá tẹ̀sìwájú nínú ìgbàgbọ́, àti ìfẹ́ ati ìwẹ̀nùmọ́ pẹ̀lú ọkàn tí ó péye.