³ Ulut Musei oli Israilo kar kizek nogo ne, ''Kaal cik odolahung Manyi iget utuguzo iciko. ¹ Itene ci enne torkonom ilinglinget, maje iteni een iten ci alile, iten wa ladu yubzento, alile ngati Manyi. Eeti ci ilingling itene neci ladu adai. ² Ma ladu niga atukulu gwoo imma ceezine cigok itene ci yubzento.'' ⁴ Ozozik Musesi oli Israilo velek, anek ne, "Gii ci odola Tamutadden necu. ⁵ Idimta muci cik Manyi, niga velek ol wak anyaku zinzeti cik anyiku. Anyaktak Manyi muci cik zurtenit wa mani, zurtenit wa vori, zurtenit wa mari een didik, ⁶ ima cik azetak zolek, cik gol ci mari een didik ki cik zolek, kar ki cik regek, ki rum wa azize azalkati; ⁷ ki ima cik mirkicak; ruce cik azanu abule kize mariye ki ruce cik tin wak lil wa adikire; keet ci irroco; ⁸ maal ci atukulene lambanya keet wa anyik maal ci vudento kotongol ki lotagong wa ongoli kemed, ⁹ biyen wak gidangik ki wak azize kartozik kize rum wa aime uni oko rok zoo ki rum wa zinzetinu.