¹ وبعدين شفتو ملاك نازل من السماء، وبيده مفتاح الهاوية وسلسلة كبيرة. ² قيد فيبه التنين، اللي هو الحية القديمة، يعني إبليس أو الشيطان، وسجنُه لمدة ألف سنة، ³ ورجم فيبه للهاوية وقفل علوه، وختم المدخل فوقه، عشان ما يضل الأمم،لما تنتهي الألف السنة، بعد كذا لابد ما يخرج فترة قصيرة .

^{4 5} هذي هي القيامة الأوله، أما بقية الأموات ما شرجعوش للحياة إلا لما تنتهي الألف السنة. ⁶ مبارك ومقدس من كان له نصيب بالقيامة الأوله،الموت مالوش سلطة عليهم،إنما شيكونوا كهنة لله والمسيح، وشيحكموا معه لمدة ألف سنة. ⁷ ولما تنتهي الألف السنة ، يخرج الشيطان من سجنه، ⁸ يخرج عشان يضل الأمم اللي بزوايا الأرض الأربع، جوج وماجوج ، ويجمعهم للحرب، وعددهم كثير مثل رمل البحر! ⁹ فيطلعوا لوجه الأرض كله، ويحاصروا معسكر المؤمنين من كل جهة، والمدينة المحبوبة،فنزلت نار من السماء وأكلتهم. ¹⁰ وإبليس اللي كان يضللهم، رجم فيبه لبحيرة الناروالكبريت، اللي فيبه الوحش والنبي الكذاب، هناك بيتعذبوا ليل ونهار، لأبد الآبدين. ¹¹ وبعدين شفتو عرش كبيرأبيض،هربت السماء والأرض من قدام الجالس علوه،وما بقي لهم أثر. ¹² وشفتو الأموات ، كبار وصغار، واقفين قدام العرش.وفتحت الكتب، وبعدين فتح كتاب ثاني هو كتاب الحياة، وحُكم على الأموات بحسب أعمالهم المكتوبة بالكتب. ¹³ ورجم البحربالأموات اللي كانوا فيبه،وسلّم الموت والهاوية الأموات كانوا معهم، وحُكم على كل واحد حسب أعماله. ¹⁴ ورجم بالموت والهاوية لبحيرة النار، هذا هو الموت الثاني. ¹⁵ واللي اسمه موش موجود بكتاب الحياة، يُرمى فيبه لبحيرة النار.