9 وبعدين قال لي الملاك :"إكتب : هنيئاً للمعزومين لوليمة عُرس الخروف" وقال كمان:"هذا كلام الله، كلام الحق." 10 فركعتو عند أرجُلُه عشان أسجد له،وقال لي :" إنتبه لا تسوي كذا، أنا عبد لله مثلك أنت و إخوانك المؤمنين اللي يشهدوا إنهم أتباع يسوع: إسجد لله، لإنو اللي يشهد ليسوع يكون فيبه روح النبوءة". 11 وبعدين شفتو السماء مفتوح،وشفتو قدامي حصان أبيض، والراكب فوقه اسمه "الأمين الصادق" لإنو يحكم ويحارب بالعدل. 12 عيونه كأنه نار ملتهب،وفوق رأسه تيجان كثير، ومكتوب فوق جبهته اسم ما حد يعرفُه غيره. 13 وكان يلبس ثوب مغمّس بالدم؛ واسمه "كلمة الله" 14 وكانوا يمشوا بعدُه جنود السماء راكبين فوق خيول بيضاء،ولابسين كتان أبيض صافي، 15 وكان يخرج من فمه سيف حد عشان يضرب فيبه الأمم ويحكمهم بعصا حديد، ويعصرهم مثل العنب بمعصرة غضب الله القادر على كل شيء. 16 ومكتوب على ثوبه وعلى فخذه" ملك الملوك ورب الأرباب".
17 وبعدين شفتو ملاك واقف بالشمس، يصيح بصوت قوي للطيور اللي تطير بالسماء: " تعالي إجتمعي من شان وليمة الله الكبير، 18 تعالي عشان تأكولي لحوم الملوك وقادة والأبطال، والخيول والراكبين فوقها، ولحوم كل البشر أحرار وعبيد ،وصغار وكبار".
19 وشفتو الوحش وملوك الأرض وجيوشهم يتجمعوا من شان يحاربوا الراكب فوق الحصان وجيشه. 20 فمسك الوحش والنبي الكذاب اللي عمل المعجزات قدام الوحش هذي المعجزات اللي خدع فيبها اللي قبلوا علامة الوحش، واللي سجدوا لصورته . رمي بالوحش والنبي الكذاب وهم أحياء لبحيرة النار والكبريت المشتعل، 21 والباقيين قُتلوا بالسيف اللي خرج من فم الراكب فوق الحصان، وشِبعت الطيور كله من لحمهم.