¹ وبعدا شفت وحش خارج من البحرمعه عشرة قرون وسبعة رؤوس، وفوق القرون حقه عشرة تيجان، ومكتوب فوق رؤوسه أسماء كفر. ² والوحش هذا اللي شفته يشبه النمر، بس معه أرجل نفس أرجل الدب، وفم نفس فم الأسد. وجاب له التنين قوته وعرشه وسلطة كبيرة. ³ وشفت واحد من رؤوس الوحش كأنه فيبه جُرح مميت، بس الجرح القاتل اتباخر، فكُل العالم استغربوا ورجعوا تبعوا الوحش. ⁴ والناس عبدوا التنين لانوه جاب للوحش قوته، وعبدوا الوحش وقالوا: "منوه اللي يشبه الوحش؟ ومنوه شيقدر يقاتله؟"

⁵ والتنين سمح للوحش بأنوه يتكلم كلام الكبر والكفر، وجاب له الحكم لمدة اثنين واربعين شهر. ⁶ فقام يكفر بالله، ويسب اسم الله وبيته واللي يسكنوا بالسماء. ⁷ وأعطوه القدرة يقاتل الصالحين ويهزمهم، وأعطوه القوة على كُل قبيلة وشعب ولغة وأمة. ⁸ فعبدوا الوحش كُل الناس اللي يسكنوا بالأرض اللي ما كتبتش أسماءهم يوم ماتأسس العالم في كتاب حياة الكبش اللي ذبح. ⁹ اللي معه اذان يسمعنا: ¹⁰ اللي يشتي يُسجن، يروح للسجن، واللي يشتي يُقتل بالسيف، فبالسيف شيقتل. وهنا يبين صبر الصالحين وإيمانهم. ¹¹ وبعدا شفت وحش ثاني خارج من الأرض، ومعه اثنان قرون نفس قرون الكبش، بس يتكلم نفس التنين. ¹² وعمل كُل قوة الوحش الأول قدام التنين، فخلي الأرض والناس اللي ساكنين بالأرض يعبدوا الوحش الأول اللي شُفي من الجرح حقه المميت. ¹³ والوحش الثاني صلح معجزات كثيرة، حتى أنوه نزل لهبه من السماء للأرض قدام الناس. ¹⁴ فخدع الناس اللي ساكنين بالأرض بالحاجات اللي فعلها قدام الوحش الأول. وخلي الناس يصلحوا تمثال للوحش الأول اللي جُرح جرح مميت بس ما متش. ¹⁵ وأعطوه الوحش الثاني قوة يجيب روح لتمثال الوحش الأول، حتى التمثال رجع يتكلم، ويمد يده ويقتل كُل اللي يرفضوا السجود للتمثال. ¹⁶ وصمل الكُل، صغار وكبار، أغنياء وفقراء، أحرار وعبيد، يعملوا علامة على يدهم اليمنى أو على جبهتهم. ¹⁷ وما يقدرش واحد يبيع أو يشتري إلا لو كانت علوه علامة الوحش أو رقم اسمه. ¹⁸ ولابد من ذكاء هنا: اللي يفهم يحسب رقم الوحش فهو رقم إنسان، والرقم هذا ستمية وستة وستون.