7 بإمكان الإنسان أنه يسيطر على كل أنواع الوحوش والطيور ، وكل الكائنات اللي تزحف على الأرض او تعيش في البحر ، بل بالفعل هو سيطر عليها . 8 أما اللسان ، فما يُمكنش لأحد أنو يسيطر عليه ،هو شر لا يمكن التحكم فيبه ، وهو مليان سُم قاتل . 9 بُه نحمد ربنا وأبونا ، وفيبه نسب الناس اللي خلقهم الله على مثاله . 10 فمن لقف واحد يخرج الحمد واللعن ، هذا يا أخواني ما يصلحش أبداً . 11 هل ممكن أنو ينبع الماء العذب والماء المالح من نفس العين ؟ 12 او هل ممكن لشجرة التين أنو تجيب زيتون ؟ او لشجرة العنب أنو تجيب تين ؟ مش معقول يا إخواني! ولا الينبوع المالح يخرج ماء عذب . 13 هل يوجد بينكم من هو حكيم وفهيم؟ لازم أنو يثبت على ذلك بحياته الصالحة ، بأعمال يعملها بتواضع نابع من الحكمة . 14 أما اذا كان بقلوبكم غيرة مُرة وأنانية، فما تتفاخروش بها ، ولا تحاولوش أنو تنكروا الحقيقة . 15 هذي الحكمة ما تجيش من السماء، بل هي " حكمة" أرضية بشرية شيطانية . 16 لأنه أينما توجد الغيرة والأنانية ، توجد الفوضى وكل أنواع الشر.
17 أما الحكمة اللي تجي من السماء ، فهي طاهرة قبل كل حاجة ، ثم مسالمة ، لطيفة ، متفاهمة ، مملوءة بالرحمة والعمل الصالح، مافيهاش لا تحيز ولا نفاق . 18 والحصاد الصالح ينمو من بذور السلام اللي يزرعها اللي هم يصنعوا السلام.