1 ¹ زمان، الله كان يتكلم مع آباءنا بواسطة الأنبياء مرات كثير وبطرق مختلفة. ² لكن بالأيام الأخيرة ، كلمنا بواسطة ابنه اللي خليه مالك لكل شيء،وبواسطته خلق الكون كله! ³ فالابن هو ضياء جلال الله،والتعبير الصادق على جوهره،واللي يحافظ على كل شيء بالكون بكلمته القديرة،وبعد ما كمل يطهرنحنا بنفسه من ذنوبنا،جلس على يمين الله العظيم بالسماء. ⁴ ومكانته أعظم من الملائكة،والاسم اللي جابه له الله أعظم من أسمائهم. ⁵ لِمن من الملائكة قال الله مرة: "أنت ابني، انا اليوم خليتك ابن لي؟" ولا لمن قال الله:" شاكون أبوه ، وهو شيكون ابني؟" ⁶ لكن الله لما قدم ابنه للعالم ،قال:" كل ملائكة الله لازم تسجد له." ⁷ وبعدين قال على الملائكة:"خليتُ ملائكتك ريح، وخُدامك لهيب نار." ⁸ ويتكلم على الابن ويقول :" اللهم،عرشك أبد الآبدين،أنت بتحكم شعبك بالعدل، ⁹ أنت تحب الحق وتكره الباطل،عشان كذا عظمك الله إلهك أكثر من اصحابك،ودهنك بزيت الفرح." ¹⁰ وقال له كمان:"يارب،أنت اللي أسست الأرض من البداية،والسماوات عملته بيداتك، ¹¹ لكن كله بتنتهي، وانت باقي،كلها بترجع بالي مثل الثياب، ¹² وتبدلها مثلما تبدل الملابس،أما انت ماتتغيرش أبداً،ومافيش نهاية لحياتك." ¹³ وهل قال الله لأي واحد من الملائكة مثلما قال للابن:" إجلس على يميني،وبخلي أعدائك تحت ارجلك؟" لا. ¹⁴ فالملائكة هم أرواح تخدم الله،يرسلها الله عشان تخدم اللي بيحصلوا على النجاة.