8 أتذكر يسوع المسيح اللي قام من الموت ، واللي هو من نسل داود. هذا هو الإنجيل اللي أبشر به، 9 وألاقي الآلام علشانه، لدرجة اننا مسجون هنا مثل المُجرم. لكن كلمة الله ما تسجنش. 10 لهذا أنا أتحمل كل حاجة بصبرعلشان اللي أختارهم الله ، علشان يلاقوا، هم كمان ، على الخلاص اللي بالمسيح يسوع مع المجد الأبدي. 11 وما أصدق القول : " إذا كنا قد متنا معه ، فبنعيش كمان معه ، 12 إذا أتحملنا الآلام ، فشنملك كمان معه، وإذا انكرنوه، شينكرنا هو كمان. 13 إذا تركنا أمانتنا، شيبقى هو على أمانته، لانه ما يقدرش أنو ينكر نفسه. 14 ذكرهم بهذي الأمور،وحذرهم في محضر الله من الجدال لانه ما ينفعش بحاجة إنما يهدم السامعين. 15 ابذل كل جهدك علشان الله يرضى عنك ، وتكون خادم ما يخجلش من خدمته، وتفسر كلام الحق تفسير صحيح. 16 ابتعد عن الكلام الفارغ التافه، فاللي ينشغلوا به يزدادوا كُفر، 17 وتعليمهم ينتشر مثل السرطان بالجسم، ومنهم هيمنايوس وفيليتوس، 18 اللي هم ضلوا عن الحق، يقولوا أنو قيامة الأموات حصلت بالفعل، ويهدموا إيمان بعض الناس.
19 لكن الأساس المتين اللي وضعهُ الله يظل ثابت ، وعليه هذا الختم : " ربنا يعرف اللي هم له ." وكمان : " كل اللي يعبد ربنا ، لازم أنه يبتعد عن الشر.
20 في بيت كبيرة، فيها أوعيه من كل الأنواع. بعضها من ذهب ومن فضة ، وبعضها من خشب ومن فخار، بعضها علشان استعمال الكريم، وبعضها للاستعمال الوضيع . 21 فإن كان كل واحد يحفظ نفسه طاهر من هذي الشروراللي ذكرتها ، يكون إناء كريم مخصص لله، نافع لخدمة السيد، ومستعد لكل عمل صالح.
22 ابتعد من شهوات الشباب،واتبع الصلاح والإيمان والمحبة والسلام مع اللي يدعوا المسيح بقلب طاهر. 23 أبتعد عن المناقشات التافهة الغبية، فانت تعرف أنِه تسبب المشاكل. 24 وخادم المسيح ما يصحش له إنو يُخاصم ، بل لازم انه يشفق على الجميع وإنو يكون قادر إنو يعلم ، ويكون صابر، 25 ويصحح اللي يعارضونه بلطف، لعل الله يمنحهم أنو يتوبوا ويعرفوا الحق، 26 علشان يرجعوا لصوابهم ويهربوا من فخ إبليس اللي أصيدهم علشان يعملوا مشيئته.