7 ² Ban boe Zeriko la, Azoze tõm na bʋraasɩ Ayi tẽŋa n lɛm Bɛtɩ Avɛnɩ n boe Betɛlɩ wẽntule gɔbga bɔba yetɩ ba vẽesɛ bɩsɛ so’olʋm ẽŋa. Tɩ ba sɛŋɛ ka bɩsɛ Ayi tẽŋa. ³ Dee leme wa yele Azoze yetɩ: « La ka tarɩ yõorɔ tɩ fʋ tõm sʋdaasɩ la wuu : bʋraasɩ tʋsayi bɩɩ tʋsatã mã’a seke mɛ wʋn yãŋɛ Ayi». Da namsɛ nẽrba la wuu se’ere n soe la, bɛ’ɛba la ãn na fẽe. ⁴ Bɛla la masɛ wʋ sʋdaasɩ tʋsatã n sẽŋɛ ka zɛbɛ la tẽŋa la. La Ayi tẽŋa nẽrba dige ba mɛ tɩ ba zoe, ⁵ ba kʋ masɛ wʋ bʋraasɩ pitã la ayoobɩ. Ba ze’ele la tẽŋa la yaŋa nõorʋm dige ba halɩ ka paagɛ Kebarim zẽ’e-kirŋam na. Tɩ dabeem daan kẽ nẽrba la tɩ ba bʋraanɛ ba’asɛ. ⁶ Tɩ Azoze ãasʋm a futo dee lui dɩkɛ a nẽŋa võglɛ tẽŋa Nawẽnnɛ n ka tarɩ ba’asgɔ nõorɛ bĩŋre daka la nẽŋa, bɔna bilam halɩ ka paagɛ zaanõorɛ. Tɩ Ɩsrayɛlɩ nẽŋadõma mẽ ẽŋɛ bɛla mẽŋa, dee vaara tẽntõnnɔ yɛɛla ba zuto. ⁷ Azoze kaasɛ yelɩ: «Aa! Zuudãana, Nawẽnnɛ n ka tarɩ ba’asgɔ bẽm tɩ fõn yi botɩ nẽrba wã pãargɛ Zʋrdẽ kʋlaaga dooge, sãn dɛna tɩ fõn yetɩ fʋ basɛ tõma bɔ la Amɔɔrɩ dõma, dee botɩ tõma sã’am?. Tõma daan sãn weege nɩ bɔna mõgrɛ la ke bɔba sõa. ⁸ Lɛlɛɛ wã mam sosrɩ fʋ mɛ, Zuudãana mam tã’agɛ yetɩ bẽm [bo] Ɩsrayɛlɩ dõma n zoe ba bɛ’ɛba nẽŋam wã poorʋm? ⁹ Kana tẽŋa dõma la tẽŋa la nẽrba wʋn wõm mɛ, ba wʋn gilge tõma mɛ botɩ tõma yʋ’ʋrɛ bɔɩ tẽŋa zuo. Bɛla fõn wʋn ẽŋɛ la wane basɛ tɩ ba bãŋɛ fõn ke’eŋo?. ¹⁰ Nawẽnnɛ n ka tarɩ ba’asgɔ lerge Azoze yetɩ: «Isge! Bẽm tɩ fʋ ken võglɛ fʋ nẽŋa tẽŋa?. ¹¹ Ɩsrayɛlɩ dõma ẽŋɛ la tõon-be’ero. Ba ẽŋɛ sã’am na nõorɛ bĩŋre la tɩ mam daan ẽŋɛ bɔ ba la [tɩ mam daan bĩŋe la ba la]. Ba dɩkɛ la lɔg-sɛba tɩ mam daan yetɩ ba da dɩkɛ la, ba zũ ba mɛ sʋgɛ, dɩkɛ ba ẽŋɛ ba mẽŋa lɔgrɔ pʋam. ¹² Bɛla Ɩsrayɛlɩ dõma kãn le tã’aŋɛ yãŋɛ ba bɛ’ɛba, ba wʋn zoe mɛ ba nẽŋam. Seɛrs n soe la, ba boe la sɩbrɛ n de sã’aŋɔ pʋam Mam kãn ke bɔna la ya lɛ, ya sãn ka sã’an bõn-sɛka n boe ya tẽŋasʋka la. ¹⁴ Beere bulika,ya buuri woo wa’am mam Nawẽnnɛ n ka tarɩ ba’asgɔ nẽŋam. B u-sɛka tɩ mam wʋn pɔsɛ tɩ pɔsga la yõkɛ ba la. Bu-ẽŋa yire woo yire sẽnna tɔlla mam nẽŋam pɔsga la zẽ’a, ¹⁵ pɔsga n yõkɛ yi-sɛka la. Yir-ẽŋa bʋraaga woo bʋraaga sẽnna tɔlla mam nẽŋam pɔsga la zẽ’a, pɔsga n yõkɛ bʋraa-sɛka n de nẽra n tuuge, ẽn dɩkɛ sɛla tɩ mam yetɩ a da dɩkɛ la, ba yõ ẽn tarɩ [soe]sɛla wuu, se’ere n soe la, a sɩ’ɩsɛ la Nawẽnnɛ n ka tarɩ ba’asgɔ nõorɛ bĩŋre dee tõm be’em kãtɛ Ɩsrayɛlɩ pʋam». ¹⁶ Wiinbeere, Azoze isge la bulika supi, botɩ Ɩsrayɛlɩ dõma sẽnna tɔlla buuri woo buuri. Tɩ pɔsga la yõkɛ Zuda buuri. ¹⁷ Tɩ a botɩ Azuda buuri la yi-zuo woo yi-zuo woo tɔlla, tɩ pɔsga la yõkɛ Azɛɛra yi-zuo woo. Tɩ a botɩ Azɛɛra yi-zuo la yire woo yire tɔlla, tɩ pɔsga la yõkɛ Azabdi yire. ¹⁸ Tɩ a botɩ yi-ẽŋa bʋraaga woo bʋraaga sẽnna tɔlla, Akã n de Akarmi dayʋa, dee dɛna Azabdi la Azɛɛra yɩɩŋa, n de Zuda buuri la tɩ pɔsga la yõkɛ. ¹⁹ Tɩ Azoze yele ẽ yetɩ: « M dayʋa mam sosrɩ fʋ mɛ la Nawẽnnɛ n ka tarɩ ba’asgɔ n de ɩsrayɛlɩ Nawẽnnɛ yʋ’ʋrɛ, yele mam vẽelga vẽelga sɛla tɩ fõn ẽŋɛ la, da kãn sʋgɛ ma sɛla sɛla,tɩ la wʋn na’asɛ Nawẽnnɛ yʋ’ʋrɛ. ²⁰ Tɩ Akã lerge ẽ yetɩ: «La de la sɩra mam tuuge mɛ la Nawẽnnɛ n ka tarɩ ba’asgɔ n de ɩsrayɛlɩ Nawẽnnɛ . Mam n ẽŋɛ sɛla n wãna: ²¹ Mam yẽ la fu-tika n de fõŋɔ fuo n de Babilɔnɩ tẽŋa fuo, la zũuro bõolgɔ kɔbsi, la sãl-kille n de wʋ kɩlʋ pʋsʋka tɩ mam yɛm bɔɔra bah alɩ zo’oge, tɩ mam dɩkɛ ba. Lɔg-bãma mam pĩ ba la m fu-deego la tẽŋasʋka, tɩ zũurɔ la bɔna ba tillum. ²² Tɩ Azoze tõm bʋraasɩ tɩ ba sẽŋɛ Akã fu-deego la pʋam, tɩ ba sẽŋɛtɔtɔ sɩrɩ ka yẽ futika la n pĩ bɔna fu-deego la pʋam, tɩ zũuro la bɔna ba tillum. ²³ Tɩ ba dɩkɛ bawuu tarɩ ka bɔ Azoze, la Ɩsrayɛlɩ dõma la wuu, tɩ ba dɩkɛ ba bĩŋe Nawẽnnɛ n ka tarɩ ba’asgɔ nẽŋam. ²⁵ Azoze yele Akã yetɩ: «Bẽm tɩ fõn botɩ toogo paagɛ tõma? Nawẽnnɛ n ka tarɩ ba’asgɔ botɩ toogo paagɛ fɔ zĩna». Bɛla tɩ Ɩsrayɛlɩ dõma lobe ẽ na kuga kʋ, dee ken lobe a nẽrba la wuu la kuga kʋ, dee yõ ba kũm na. ²⁶ Dee yãŋa waagɛ kuga kuge a zuo, tɩ la ken bɔna wa paam zĩna. Bɛla poorʋm tɩ Nawẽnnɛ n ka tarɩ ba’asgɔ sũure sige. La doose la bõn-ẽŋa pʋam tɩ ba wi’ira zẽ-ẽŋa yʋ’ʋrɛ tɩ Akɔɔrɩ zẽ’e-peele. Yʋ-ẽŋa n boe dɛna a yʋ’ʋrɛ wa paam zĩna.