1 ¹ AZOZE Amoyisi n de Nawẽnnɛ tõntõnna kũm poorʋm, Nawẽnnɛ yele Azoze n de Anuni dayʋa, Amoyisi sõŋra yeti: ² Mam tõntõnna Amoyisi ki mɛ. Bɛla, lɛlɛɛ wã mãasʋm fʋ mẽŋa tarɩ nẽrba la wuu dooge zʋrdẽ kʋlaaga sẽŋɛ ka kẽ tẽn-sɛka tɩ mam bɔ’ɔrɩ Ɩsrayɛlɩ dõma la. ³ Wʋ mam n bĩŋe nõorɛ la Amoyisi se’em na. Mam bɔ’ɔrɩ ya zẽ’e-sɛka wuu tɩ ya wʋm taglɛ ya nãma. ⁴ Ya so’olʋm wʋn ze’ele la weem ka paagɛ Libã tãnsɩ, la mõg-kãtɛ yʋ’ʋrɛ n de Efratɩ, la Hitɩ dõma tẽŋa wuu halɩ ka paagɛ ko-kãtɛ yʋ’ʋrɛ n de Meriterane zanõrɛ bɔba. ⁵ Halɩ fʋ vɔm tɛka, nẽra nẽra kãn tã’agɛ yãŋɛ fɔ, se’ere n soe la, mam wʋn bɔna la fɔ, wʋ mam daan boe la Amoyisi se’em na. Mam kãn basɛ fɔ, mam kãn malɩn basɛ fɔ». ⁶ Yẽ bʋraanɛ dee ze’ele kãŋkãŋɛ, se’ere n soe la, fõn n wʋn botɩ nẽr-bãna kẽ tẽn-sɛka tɩ ⁷ Wen ze’ele kãŋkãŋɛ, tara bʋraanɛ gu’use dee sakɛ lɔɔ la tɩ mãm tõntõnna Amoyisi gʋlsɛ bɔ fɔ la, da bʋgɛ zẽ’a baa ayɩla. Tɩ bɛla tɩ fʋ wʋn yãŋɛ sɛla woo tɩ fʋ ɩtɩ pʋam. ⁸ Mõrgɛ karẽŋra lɔɔ gõŋɔ daarɛ woo, dee tɔgra a yelle wʋntɛɛnŋa la yʋ’ʋŋɔ, bɛla tɩ fʋ wʋn sakɛ dee ẽŋɛ sɛla wuu n gʋlsɛ la. Bɛla tɩ fõn ɩtɩ sɛla woo wʋn ẽŋɛ sõŋa tɩ fʋ yãŋɛ. ⁹ Mam bɔ fɔ nõ-ẽnam, tɩ fʋ yẽ la bʋraanɛ ze’ele kãŋkãŋɛ, da zoe dabeem dee da basɛ tɩ ba vũuse fo, se’ere n soe la, mam n de fɔ Nawẽnnɛ n ka tarɩ ba’asgɔ, mam wʋn bɔna la fɔ sɛla wuu tɩ fʋ ɩtɩ la pʋam. ¹⁰ Tɩ Azoze bɔ nẽrba la nẽŋadõma nõorɛ yetɩ: ¹¹ « Gile ya [kaagɛ ya] zẽ’a yele nẽrba la [bɔ nẽrba la] nõorɛ yetɩ: mãasʋm ya dia, se’ere n soe la, [tɩ kalam] dabsa atã daarɛ ya wʋn pãrgɛ la Zʋrdẽ kʋlaaga dooge sẽŋɛ ka to’oge tẽn-sɛka Nawẽnnɛ n ka tarɩ ba’asgɔ bɔ ya [bɔ’ɔrɩ ya]». ¹² Bɛla poorʋmAzoze yele Arubã buuri, la Agadɩ buuri, la Amanase buuri pʋsʋka [bu-pʋsʋka] yetɩ: ¹³ «Tẽegɛ ya Amoyisi n de Nawẽnnɛ n ka tarɩ ba’asgɔ tõntõnna n yele ya se’em na. [n bɔ ya nõorɛ se’em na] A yele ya yetɩ:[A bɔ ya nõorɛ yetɩ]Ya Nawẽnnɛ n ka tarɩ ba’asgɔ n bɔ ya tẽn-ẽŋa, dee yetɩ ya bɔna mi la sũ-yẽlga [la sũ-mã’asʋm]». ¹⁴ Ya pɔgba, ya kɔma, la ya dũnsi weege bɔna tẽn-sɛka tɩ Amoyisi dɩkɛ bɔ ya,la yãma sɛba n de zɛbzɛbrɩba, tolle ya toŋe zɛbrɛ toŋre dee botɩ ya sɔ-biisi la bɔna nẽŋam ¹⁵ Ka paagɛ wakatɛ sɛka tɩ ya Zuudãana n ka tarɩ ba’asgɔ wʋn bɔ ya wo’osgo, wʋ ẽn bɔ tõma se’em na , dee kẽ tẽn-sɛka a bĩŋe nõorɛ tɩ a bɔ ya la. Bɛla poorʋm ya tãɩ lebe tẽn-sɛka tɩ Amoyisi n de Zuudãana Nawẽnnɛ tõntõnna dɩkɛ bɔ ya ka kẽ’era bilam bɔba sɔna zẽ-ẽŋa n boe zʋrdẽ kʋlaaga dapɔa bɔba la. ¹⁶ Tõma boorɩ tɩ sakɛ fõn sɛla woo pʋam, wʋ tõma n daan sakɛ Amoyisi sɛla woo pʋam se’em na. ¹⁷ Zuudãana Nawẽnnɛ wʋn bɔna la ya, wʋ n daan boe la Amoyisi se’em na. ¹⁸ Nẽr-sɛka n sɩ’ɩsɛ fʋ nõorɛ dee ka sakɛ ba wʋn kʋ ẽ mɛ. yẽ bʋraanɛ dee ze’ele sõŋa.