2 ¹ Ban boe Sitimi tẽŋa tɩ Azoze n de Anuni dayʋa la, sʋgɛ mɛ tõm bʋraasɩ bayi tɩ ba ka guuse bɩsɛ tẽŋa la dee wa’am. A yele ba yetɩ: «Bãŋɛ ya so’olʋm la wuu n ãn se’em la gãne wuu Zeriko tẽŋa la». Tɩ ba paagɛ Zeriko kẽ Arahaabɩ n de pɔg-tutulga [ɩtɩ yalsɩ] yire gã’arɛ bilam yʋ’ʋŋɔ. ² Tɩ ba tẽegɛ Zeriko nãba tɩ Ɩsrayɛlɩ nẽrba n sige kalam yʋ’ʋŋɔ tɩ ba bãŋɛ tõma so’olʋm wã n ãn se’em. ³ Bɛla tɩ a tõm tɩ ba ka yele Arahaabɩ yetɩ: «Yõgɛ bʋraasɩ [ nẽrba] la n sige fʋ yire la bɔ tɔ, tɩ ba wa’am tɩ ba vẽesɛ bɩsɛ tɩ tẽŋã wã n ãn se’em». ⁴ Tɩ pɔka la sʋgɛ bʋraasɩ bayi la, dee lerge ba yetɩ: «Asɩra bʋraasɩ bayi zaan wa’am mam yire wa mɛ dee mam ka mi ban ze’ele zẽ’a. ⁵ La wẽnnɛ n kẽ’erɩ dee tɩ ba wʋn yʋ tẽŋa la yaŋa [kʋlɩnŋa] la ĩyã, ba lebe fõrgɛ mɛ, mam ka mi ban sẽŋɛ zẽ’a,babsɛ ba nan ka zãagɛ, ya paarɩ ba mɛ». ⁷ A daan botɩ ba zon na a gɔsgɔ zuo, tɩ a sʋgɛ ba a bɩrkayuusi [kẽnkã] pʋam tɩ a kuge gã’arɛ mĩ. ⁶ Tɩ Naba la n tõm sɛba la isge dɩkɛ zʋrdẽ kʋlaaga so-sɛka tɩ fʋ tãɩ wʋn doose pãrgɛ la nãma dooge la,babsra ba. La ba yese tẽŋa la,tɩ ba yʋ yaŋa ba poorʋm. ⁸ Ba ẽŋɛ nõor-ayɩla la Arahaabɩ Tɩ Arahaabɩ zom sãama la zẽam gɔsgɔ la dẽŋɛ ba wʋn gã’arɛ [gĩse]. ⁹ A Yele ba yetɩ: «Mam mi tɩ Nawẽnnɛ n ka tarɩ ba’asgɔ bɔ ya tẽŋ-ẽna mɛ: dabeem n yõkɛ tõma, la tẽŋa la nẽrba yɛm bɔɩ yãma ĩyã. ¹¹ Se’ere n soe la tõma wõn yãma n yese Ezipti tɩ Nawẽnnɛ n ka tarɩ ba’asgɔ botɩ mẽelŋɔ mõgrɛ la kʋɩ tɩ yãma dooge ẽ kɛ’ɛŋa.Tõma wʋn yãma n ẽŋɛ Amoriyẽ na-dõma bayi Asihõ la Aɔgɩ n daan diti nã’am zʋrdẽ doone ke bɔba wʋ Nawẽnnɛ n ka tarɩ ba’asgɔ n yetɩ ya kʋ ba se’em na mɛ. ¹⁰ Lan pɔsɛ la tõma n wõm yel-bãma tõma palɩŋa n ẽgrɩ tɩ tõma ka tara bʋraanɛ tɩ nẽra ka’ana wʋn zẽkɛ zuugo la ya lɛ. Se’ere n soe la, la de la ya Nawẽnnɛ n ka tarɩ ba’asgɔ la n de Nawẽnnɛ saazuum Nawẽnnɛ yire, la tẽn-gõŋɔ wã zuo. ¹² Lɛlɛɛ [Nanan] wã mam sosrɩ ya mɛ, pɔɩ ya la Nawẽnnɛ n ka tarɩ ba’asgɔ yʋ’ʋrɛ tɩ ya wʋ ẽŋɛ mam yir-dõma sõŋa wʋ mam ẽŋɛ ya sõŋɔ se’em na, dee bɔ mam dãalgɔ, ¹³ n pa’alɩ tɩ ya wʋ basɛ mam sɔ, la mam ma, mam sɔbi-bʋraasɩ la pɔgsɩ la ba yir-dõma wuu, dee wʋ ken gu tɩ ba da kʋ tɔ.» ¹⁴ wʋn sɔɔgɛ fʋ zẽ’eam,fʋ sãn tã’agɛ tɩ yetɔga la ka yese yẽŋa.Wakatɛ sɛka tɩ Nawẽnnɛ n ka tarɩ ba’asgɔ wʋn to’oge tẽŋa wã bɔ tɩ la, tõma wʋn tẽegɛ tɩ nõ-bĩŋre wã yelle dee wʋ ẽŋɛ fʋ sõŋa. ¹⁶ Arahaabɩ daan mɛ a yire zoole la tẽŋã la lalga zuo, a daan kẽ’erɩ la bilam. Tɩ a doose dakolle sike bʋraasɩ bayi la, la mĩ’a. ¹⁵ Tɩ a yele ba yetɩ sẽŋɛ ya tansɩ la bɔba tã’agɛ põsɛ sɛba n digri ya la, sʋgɛ ya bilam halɩ ka paagɛ dabsa atã daarɛ, tɩ ba kulum na dee. Bɛla, ya yãŋa tãɩ wʋn len doose ya sore lebe. ¹⁷ Tɩ bʋraasɩ bayi la lerge ẽ yetɩ: Wãna n wʋn basɛ tɩ tõma nõ-bĩŋre la yãŋɛ ẽŋɛ: ¹⁸ Wakatɛ sɛka tɩ tõma wʋn wa kẽ’era tẽŋa wã pʋam na, dɩkɛ mĩ-mõlga ẽna lʋ takol-sɛka tɩ fʋ botɩ tõma doose sige la, dee lagsɛ fʋ sɔ, fʋ ma,fʋ sõorɔ la fʋ yir-dõma wuu fʋ yire wã pʋam. ¹⁹ Nẽr-sɛka n gãŋɛ yaŋa yese, a kũm taalɛ wʋn bɔna la a mẽŋa zuo, a taalɛ ka boe tõma zuo, la, ba sãn kʋ nẽr-sɛka n weege bɔna la fõn yire wã pʋam, a dãana kũm taalɛ boe la tõma zuugo. ²¹ Fʋ sãn mõolɛ tɔg-sɛba tɩ tɩ tɔgɛ la taaba wã, nõorɛ la tɩ fʋ botɩ tõma bĩŋe la taaba la ka le bɔna. ²⁰ Tɩ a lerge ba yetɩ: «Ẽe, la ẽŋɛ wʋ yan yele se’em na,dee basɛ ba tɩ ba fõrgɛ,bilam mẽŋa tɩ a dɩkɛ mĩ -mõlga la lʋ a takole la.» ²² Bʋraasɩ bayi la daan kẽ la tãnsɩ la pʋam sʋgɛ bilam dabs-atã , halɩ ka paagɛ ba digriba la n lem wa paagɛ yire, ba daan ɛ so’olʋm na wuu so-rɔtɔ nõorʋm mɛ ka yẽ ba. ²⁴ Tɩ Bʋraasɩ bayi la lebe ze’ele tansɩ la zuugo sige, ka dooge zʋrdẽ la lebe Azoze zẽ’am, ka yele ẽ sɛla woo n ẽŋɛ la. ²³ Ba yele ẽ yetɩ: «Asɩra Nawẽnnɛ n ka tarɩ ba’asgɔ bɔ tõma tẽn-ẽna mɛ, se’ere n soe la [halɩ] [baa] so’olʋm na nẽrba wuu gõgrɩ mɛ la dabeem tõma ĩyã.