¹ Ibaue, nanu unuma anikari kakamutu na yabaue totori daiwere utada ya emane baue wautane.Neiyemutu, nanu toto yaruini nono nanu waiya utautane inu maowere muneta ini mumau. Enoba iyanu dai maowere muneta amara Yesu Kerisonu ibiro inare kekei uwawe. ² Yudiaini Sinitikasi i weta fukayaima Yesu Keriso ba imueta darei taigorairo oisite uma urane yarane utawa usi. ³ Neiye ainama naini waiya gonuro utaitu amara, i aweta fuakayai unuto. I aweta fukayaima adinaro na unu torebisiro Godinu sina webitara enanari nono mui amara Keremitini nono mui uwaraini umanu ibi ibini, nono Godinu sina nautaita uwaranu ibi ibini Godinu ibene ibene bukaro ibinu. I uwaraini uma yesina Godinu waiya gonuro utebita. ⁴ Ewe sina eyawete enanari uwawe. Yesu Keriso bai ibada deina , yanu toto roma yaru daiwere utebiyawe. Nono wemaro nauawe. Yanu totoma yaru daiwere utebiyawe. Nono nana nanu bebetuma yaru daiwere wemau. ⁵ Iyanu dai maowere muneta amara fafiye baue basiye ratu sininiba eme yesina bairo ure nuda rau uwawe. ⁶ Mui raoraoba totori dauwawete, Godibai yanu wenauertaini nono we siboroini Godi bairo utada, nono yanu unu yesina emebai utada wema irau uwawe. ⁷ Nono Godinu ure nudama yanu imueta yesina mairau ufite, nono yanu toto yawoe gowo ufisu Yesu Kerisonu ibi roma. ⁸ Kakamutu, nanu duburo wemau sina da ewedaya eyawe, I ba irau aiye uweta sinetaini, mui uwaraba irau mane uweta sinetaini, me irau mane imuetaini, me ure nuda rau imuetaini, anema irauro Godi wema irau aiye rau uweta yana imue gowo uwawe. ⁹ Nanu sina yesina ana ere naue uite iwata sinite, nono munite eno ui, ewe raorao yesina uwawete, nono ure nudaGodima yaini ibene ibene ibifi. ¹⁰ Na yaru daiwere, iyanu maowere muneta amara bairo utautane, awoina yanu unu nabairo maitabaue nana Godibairo wema irau aiye utautane.Na ibai iwata. Ana adinaro nabaue imutebi. Roma i da abairo ubimeba ana nabaue me sara maeta damafasu. ¹¹ Na mui ane daira sina wetawa, nanu ibeta irau aba nono meyari iba totori were utawa utautane. Nanu ibeta daira were ya weyada kamena wetawa utautane. ¹² Na iwata ane rao nabairo me, nono na iwata ane rao nabairo tuwere. I darei faiyawere roma, nono i raorao yesina kiu ratuma iwata sine, anene umateimau, anene umate na ebe ufisu, anene umate me sara muneta we mumau. Na raorao meya eno imutada totori utawa utautane. ¹³ Na Yesu Kerisoma iwata daiwere nabai matasuba i raorao yesina meba uwe wasa umau. ¹⁴ Anene na kekei daiwere atanebautanero, na ma irau aiye utebaita. ¹⁵ Firifeni su uwara ya iwata, etera ubiro Godinu sina webe todete Masedoniya orofaro anero, na sosima me mae mataneta matawa uwe matanebisi. roma amanene naba matebi. ¹⁶ Ini na Tesaronaika suro ibitaraini, ana naba wabara taigorai, taigorai matebi. ¹⁷ Na i waka muneta baue imutawa utautane. Yana nabaue waka matawaba Godibai yanu me muneta waka mufoita, ibaue yaba imutada yaru daiwere utautane. ¹⁸ Na raorao yesina daiwere mune, nono faiyawere ibinu. Yana aneane raorao nabairo mata, mata i munete odero ibinu. Nono waoina yana Efafaditusi bairo mataro wourite are mai i raorao yesina nabairo ibinu. Yanu mata i rao da uroromu daiwere. Godima yanu mata uroromu rao erada, i da irau aiyeya eno we imutasu. ¹⁹ Godinu raorao yesina Yesu Kerisobairo ibinu enanari yabairo mafiye baue wautane. ²⁰ Awoina iyanu baba Godinu ibiroma me ibene ibene ibeta ariyo wema irau aiye ufene baue wautane. ²¹ Yesu Kerisonu ibiroma, Godinu tamuaru uwara yesina baue nanu yaru sina weyawe. I naini ibnita kakamutu, yaba ariye sina waita. ²² Godinu tamuaru sina nauweta yesina yabaue ariye sina waita. ²³ Yanu dai maowere muneta amara Yesu Kerisonu irau aiye maowere maeta yaini ibfiye baue wautane.