¹ Na Jeimisi, nana Godini danu dai maowere muneta amara Yesu Kerisonu waiya amara. Ya Isaraera uwara ya yanu su toitate orofa anika, anika anitaba yaba ariye sina wemate ya mui abua mutu tuwero (12) uwarabai ewe owawa abuamutunu ibi, ibi yanae odine. ² Nanu Kakamutu, imue gowo uwawe, daira urumu kekeiwereini, uraneta yaraneta yabai fafisu i baue yaru uwawe. ³ Ya iwata, yanu baimueta roma ui irue efiro, yanu baimueta Godibairo imufote inare kekei ufoita i yanu irau maowere muneta me mufoita. ⁴ Awe iyareta anika anika yabai fafiro i yanu totoma irau aiye rau imufoita, i da irau ibifoita.Eno ufoita i da yanu ba imueta kekeiwere ufisuba yanu ane ufoe ufoita i da irau aiye rau uteifoita. ⁵ Roma mui amarama iwata mufiye, Godibai wenauefiro, Godima iwata daiwere dabaue mafisu. Emema Godibai ane rao baue unu ufitate nui wefiyeita, Godi da duwa daufite aneba nui arara waitaya eno dawefisu ? Roma uma baue ane rao nui wefiyeita i mae mane ufisu. ⁶ Roma manana dauwate, anu baimueta imutada iroma wenaueya. Aina ainama manana uteifoita i da kou yowa ureure ibo oyauma mabutubutu utebasu enanari. ⁷ Iyari eno amara da eno da imufi, iyanu dai maowere muneta amara Yesu Keriso bairoma mui irau raorao damufisu. ⁸ Eno uweta amara da daira uweta sineta uweta amara nono danu imueta tuwere, da inare kekei utawa nono danu uweta sineta daiwere. ⁹ Uma ibene,bene ibeta oferi woufiyeita, i daira fafisu iyanu maowere muneta amara basiye meroma, nono danu ariyo ini nono danu wakiki basiye dafafiyeita. ¹⁰ Roma i rao faiyawere amara danu waiya maotowa ratu utasu, danu ubi da uifisu, nauwa ana wa utasute dorobi yarasu enanari ufisu koe ubarenaro. ¹¹ Iba kowa danu wakiki bobo amute basute koe yare bugara ute basu. Nauwa ana wa'a dorobi yare basute, nono danu araeta iro mesine basu. Iyari enanari, i raorao faiyawere amara danu darei abanaro anebe iro mesifisu. ¹² Ainama i daira ui irueta todifisu i da Godima we mairau ufite mawirofisu. Godima dabaue imataita uwara baue me sara maeta we bou ui rao umaba mafisu. ¹³ Mui amara ana eno dawe, "na Godima ui irusinua," Godi da, dairama ya ue irue erawa utebasu. ¹⁴ Ainama danu ueta sineta dairaroma iba dabairo daira ufisu, enoba dabairoma mayafawere sifisu. ¹⁵ Iba danu daira daiwere sifisu, i da idua uifisu. ¹⁶ Nanu kakamutu, iba meo daweya we. ¹⁷ I irau ueta sinetaini nono irau aiyerau imueta yesina ureroma arasu. I raorao yesina ario babairoma arasu.Iba dabairoma imueta mui,mui imutawa utebasute, nono imumu maowere, owere utawa utebasu. ¹⁸ Godima danu ba sina iyabairo matasuba, iba iyanu daira ueta sineta todifetema, nono irau anatai uwanasute ibasu enanari ibifeisi. ¹⁹ Ya yesina iwata, nanu unuma anikari kakamutu: I uwara yesina sasaratu weyawero naufita, nono adada ratu sina wefitate nono urane yarane da ufitate me rau ibifita. ²⁰ I daira uweta sineta uwara uma, Godinu irau aiye araeta maba utawa utaitate, nono munawa utaita. ²¹ Ibaue yanu daira uweta sineta iga buga todiyawete,nono daira imumunu uweta sineta damuawe. Iyanu irau uweta sinetama, Godinu irau sina mabarue mufite, ima iyanu imumu maowere mufisu. ²² Enoba Godinu sina naue waiya uwe mane uwawe, nono Godinu sina nautadama nautawari dauawe. Iyari eno sina naue nautawari uwara uma daira uweta sineta uwara, nono uma meo bobo uwara. ²³ Enoba i aina amarama Godinu sina nautasute, danu waiya utawa utasu i amara da enanari mui amarama danu ibo naitei ereta garasi fekaro erasu, i amara ibo. ²⁴ I amara danu torowa ereta garasi fekaro danu ibo naitei erasute tode anasute imue anana utasu. ²⁵ Roma i aina amarama Godinu tamuaru sina nautasute iroma irau aiye uweta sineta utebasu iye danu daira roma idua mawirotasu, nono i amarama irau mane utebasu iba Godima i amara ma irau aiye utebasu. ²⁶ Ainama eno imutasu, na Godi waiya amara ya weyadama nono danu bebetu yawotawa utasu i amara, danu toto ubarena roma meo webasu, nono danu Godinu waiya uweta, da irau me. ²⁷ Godinu waiya uwe gowo me kirabu utaita uwarama baba baya mesita aruma adarabuini nono wabu awetaboini yawoe gowo utada Godinu waiya uwe gowo utaita uwara uma ewe do dubonu uweta sineta enanari utawa utaita. Eno utaita iye Godima umanu toto irau aiye ya wasu.