¹ Nanu kakamutu, yanu baimuetaini, unuini mui amara bairo imutada nono iyanu dai maowere muneta amara Yesu Keriso bairo mikiratu daubiyawe. ² Iyari eno mui amara fuakayai yanu sina sina weta orofaro fafisisi, nono mui amara daini dai igabuga wau barufite fafisu. ³ Enoba i irau aiye kukui wau baruibeta amara efote, dabaue eno wefoita, "A arate ewe irauaiye yaureta orofaro are yauwa," roma nono i bgabuga wau baruibeta amara baue eno wefoita, "A eteraro etaeta inaribada nono are iyanu buri udiro yauwa eno wefoita i daira ufoita," ⁴ Iyari eno ufoita i da mui amara da irauro nono mui amara da dairaya weada eno ufoita? I da daira imueta imfote iba eno ufoita? Godi da eno utawa utebasu. ⁵ Nauwawe, nanu unuma anikari kakamutu, Godima i doduboro raorao tuwere me sara ibeta uwara imutada umanu baimueta dabairo imutaita uwara uma yesina danu urero aruma adarabu sifitate, danu webou ui raorao umaba mafisu? ⁶ Roma yana ewe doduboro raorao me sara ibinita uwaranu ibi wema daira utaita! I raorao tuwere uwarama yanu ibi wema daira utada ya yesina kotoro ibinita uwaranu basiye woure ane faraita? ⁷ I raorao tuwere bobo uwarama yanu maowere muneta amara Yesu Kerisonu ibi wema daira utaita. Iba ya we muni amaranu ibi wema daira utaita aba me? ⁸ Enoba, anene ufate, Godinu irau aiye tamuaru sina maba ufasu, Godinu bukaro eno ibinu; "anu torowa a unu utasu enanari anu neiyemutu baue eno ua," ana irau ua. ⁹ Roma anu iwata uwara baue irau aiye utasute, mui uwara baue irau utawa utasu, i da daira utasu. I daira utasu ba Godima wasu, ya yesina nanu tamuaru sina ma daira utaita, iba ya daira uwaraya wasu. ¹⁰ Iyari enoba, aina ainama Godinu tamuaru sina yawotebema nono mui miki tamuaru sina mafuruiyafisu, i amara da Godinu tamuaru sina yesina mafuruiyafisu. ¹¹ Enoba, ainama eno wefisu, " Awera bobo awetanu burubi da aniyawe, nono eno wei, mui amara da mauiyawe. Enoba a awera bobo awetanu burubi da anifasu, roma nono mui amara ma uifasu i da Godinu tamuaru sina yesina idua mafuruiyafasu. ¹² Iba ba sina mane weyada nono irau uweta sineta mane uwawe! Ya yesina iwata, Godima anama widu maworomi ufisu ubi tamuaru sina roma koto ufisuba irau mane uteibiyawe. ¹³ Godima yanu uweta sineta yesina erasuba, iba totori utawa urumu daiwere wofafisu i aina ainama totori utawa uwara bairo. Iduaya ya yesina eme aweta baue totori uwawero, iba Godima yaba totori ufite ya kekei waiya damafi. ¹⁴ Ide ane rao, nanu kakamutu, nanu sinaratu wemaro nauawe, mui amarama na Godibairo nau toto dai bairo mane nanu baimueta imutautaneya eno wefitema irau waiya utawa ufisu i da irau aba daira? Danu baimueta miki ratuma da ma wirofisu ? ¹⁵ Mui aruma ini amara uma irau yureta barueta me, igabuga, bude badewere bobo, nono uma iyeta bosari me i wabararo. ¹⁶ Enoba mui amara ana uma bairo eno wefasu, "Irau aiye yaru bobo aniyawete, yaru bobo ibiyawe, nono yaruma wate fafi." Iyari enoba mui irau yureta baruweta umanu ofe garau baue matawa ufoita, ide irau ufoita aba me? ¹⁷ Iyari eno taigorai darei roma, Godi ba imufote, ma waiya utawa ufoita i da yanu ba imueta uiyeta were. ¹⁸ Oidero mui amarama wefisu, "a Godi ba imutasuro, nono na Godinu ba waiya utautane." Anu Godinu waiya utawa ba imueta na maoweta uwaro emate, nono nanu Godi bairo waiya utautane ba imueta abairo maoweta uma. ¹⁹ Yana Godi taigorai ya eno imutaita i da irau; Iba i da irau. Roma Seitaninu daira imumu umaini Godibairo ba imutada nono iyarada ofe dada utebaita. ²⁰ Ya gogore bobo uwara, yanu unu Godi iwata sifoe utaita, iba yanu ba imueta waiya, i da ubi me? ²¹ Iyanu baba Eibaramu danu ba imueta baba Godi bairo odite, danu amara Aisiki, i we siboro uweta warafaro odiro Godima erite a irau aiye amara ya eno wei. ²² Eibaramu Godi ba imue gowo rau uite, iba danu amara Aisiki munite bosari we siboro uweta warafaro odiro, Godima erite Eibaramu da we mairau aiye ui. I deina imutaita ba me? ²³ Godinu adinaro yanaite ode bou ui bukaroma eno wei, enanari Eibaramuma eno ui. Eibaramu Godi kekei were ba imutebi ba, Iba Godima Eibaramu baue irau aiye amara ya eno weite, nono Godinu neiye ubi ya eno wei. Godinu bukaroma eno wasu. ²⁴ Ya imuawete, eyawe! Mui amara da irau aiye utasu i ba Godima a irau aiye amara ya wasu. Nono mui amara da Godi ba imutasute, nono irau utawa utasu, i da daira amara ya eno wasu. ²⁵ I Reiyabu da, me sara darei, dareiro inarebeta aruma,irau uweta ui. Josuama odiro bairo fasi amara fuakayai munite danu suro ma fiyare odite, nono mui dareiro odiro anisi. Eno uiba Godima erite da we ma irau aiye uite weiro, Josuanu su uwara Reiyabu ure ma uitawa uta. ²⁶ Mui amaranu imumuma anasuro, i amara da uitasu. Godi imutaisite ma,nono irau utawa utebaisi, i da iyanu ba imueta da uiyeta ari.