¹ E dainehe iaga bera mati veitera, Koita a, a koita be mati koita be gare vare, e uhurahe kiare karava yabera daure a moimovara. ² A koita be gare vare e era a kiare matava yabera. ³ Eduge ama anaisa, a koita a, A be yau gare vare yau enaki kara e kiare, atagemu e kara kobuga e kima. Ana Dirava berabe vanivahe beta sirisivanu? ⁴ Se ana au mageve anai avi gahigavanu, au huhu ihie mi orogare anana veitenu, renu au uhu berebeve. Ana dibana veitenu au mageve makavara aka uhu isage misa. ⁵ Eduge era ai uhu anana otare dodihegera renu uhu isage veite soruke ra, uhu bereba gamui ate vani Bauge orogare, renu vani era Dirava riaga gahare vanivara. ⁶ Auka maguri vare damunava ki goiragi ravara: ⁷ oti maguri mage gahava ya, matau gahigeisa, a daure veite gahava ya, auka maguri behi behive mohigeisa. ⁸ Eduge ogere yabenu yavahu yau mageve anava, ga riaga ihihi veite mati daure riaga gaha, huhu renu huhu daure vara yau ororovara. ⁹ Dirava ra daure renu isuke koita ya diabolo me kiare yau horuve ada maemavara, urugoi Jew yau renu Greek koita yau. ¹⁰ Eduge haira, matau renu mai ra mage kiare koitava ya ada gera, urugoi Jew yau renu Greek koita yau. ¹¹ Dirava ra be beta garegavara. ¹² Koita mudago yaberamu daure uhura siri ragohanu aena bera veite, renu yauka buda ragohira vara Aena bera veite, eige mudago daure uhura siri ragohanu eige aenava na idigeisa. ¹³ Ora beta aena ihare gahava yabera e dainehe yauka Dirava vairenehe magera, eduge aena va maguri ragohare koita va yabena mage misa. ¹⁴ Eige itahe koitava ya, Aena dibana veite, mata ada maguri mati aena va maguri gahare koitava ya, yauka aena uhurahe gera, eduge auke aena dibana veitera. ¹⁵ Online yauki maguri ragohi aena uhura yau sorukehe maemanu. Yauka mage renu daure dibana etage ki riaga gahanu, renu yau uhu anana ve daure se mage mohigeisa ¹⁶ vani va ge Dirava na koita aubougi yau norena meva berabe va visa, do ga rehe Iesu Keriso uhurehe. ¹⁷ Eduge a ami Jew roiare renu Aena vare renu Dirava moteagahare, ¹⁸ au gare dibana goiare renu riaga gahare badivara aka aena vagera aka riaga gahima; ¹⁹ Ana gahara vima aka erara veite gahava yabera aki yahe geima, vadibu uhura aka abagavara, ²⁰ uhuvaka veite gahava yau biagera, momona yau biagera, renu aka Aena uhura gera aki uhuvaka renu riaga dibana, eige orena kimena a maguri vima? ²¹ Uhuvaka bia a, Ana avahu a uhuvaka gahima? Vaho ra daure aki roma, Ana vahoima? ²² Aka roma be negu ni muduka vime, ana ni muduka vima ? Avanage iaga riaga gahigeime, ana dubu vahoima? ²³ Ami aena bia roma, ana Dirava riaga gahiga veitenu aena avanage riaga gahare dainehe? ²⁴ Eige "Dirava ihera Gentile yabera riaga gahiga veitera ai dainehe," yaukamu torevane.