¹ Phoebe ni amakine, yakera daki yaki rogeima, auka Cenchreae dubu uhura ga ihihi mevara auki kima, ² yaka mage gahisa Rohi Bauge uhurahe. Dirava koita aenave uhura koitava ya nagate, renu yahegisa au gahara vare iaganiva yaka moimisa, Badivara auka koita mudago auki yahe gevenu renu da tagera aukamu da yaheganu. ³ Priscilla renu Aquila mage gahigeiyahe, yau gainage Keriso Iesu meve noki kia, ⁴ Di magurive dainehe yau magurivehe da anava. Yaukera daki mage gahigeima, renu beta davahu da, eduge Gentile dubu koitava yau bouge tage. ⁵ You yaga uhurehe dubu aubougi tage mage gahigeisa. Epaenetus mage gahisa di bamode, auka iditahaka isage vara Asia Keriso dainehe. ⁶ Mary mage gahisa, hai dainehe yaukamu huhu naganu. ⁷ Andronicus renu Junia mage gahigeisa, di sokuheya renu di vadibu yaga bamoduheya. Apostle yabera yau dibane hereavera, renu yauki urugoi Keriso dibane gahanu daka ihiegera. ⁸ Ampliatus mage gahisa, di bamode Rohi Bauge uhura. ⁹ Urbanus mage gahisa, Eriso uhura di me bamode Keriso mageve, renu Stachys, di bamode. ¹⁰ Apelles mage gahisa, Keriso riaga gahane. Aristobulus yaga koitatuhe ya mage gahigeisa. ¹¹ Herodian mage gahisa, di bamode. Narcissus yaga koitatuhe yabera Rohi Bauge dibanara mage gahigeisa. ¹² Tryphaena renu Tryphosa mage gahigeisa, Rohi Bauge meve kiare koitava ya. Paris mage gahisa di bamode, yaukamu Rohi Bauge meve dadaga kinu. ¹³ Rufus mage gahisa, Rohi Bauge raki ihiromonu, au neine renu di neine. ¹⁴ Asyncritus, Phlegon, Hermes, Patrobas, Hermes, renu ogo nana yau ruga mage gahigeisa. ¹⁵ Philologus renu Julia, Nereus renu au bamode maiago va, renu Olmpas, renu Dirava koitatuhe aubougi yau ruga mage gahigeisa. ¹⁶ Bebe mage gahigeisa horu aena anoano va. Keriso dubuve aubougi a mage gava. ¹⁷ Yakera daki ya hero gahigeima, di ogo nanuhe ya, yama koita beya yai maguri ve daure gahare koitava renu yai gumage daure gahiga koitava ya erageisa, ya uhuvaka mane yauka daure gahigavara. Ya negu yau ruta bouragohime. ¹⁸ Koita enavivi yabera Rohi Bauge Keriso meve kiki veitera, eduge yau vagata make gugera yauki anava. Yauka ga mage ragohisa renu avanage ragohisa, koita yau uhure daure gahisa. ¹⁹ Yau ga ihihi gumegera koita aubougi dibanara. Edainehege daki hegiri vime, yai ada, eduge da gahara varera yaka uhuvaka va mage ueragisa, renu riaga va daure eragisa. ²⁰ Dirava maive ra Diabolo mi au vasi derikahu sebosebo vara. Rohi Bauge Iesu Keriso hairera ya ruta goisa. ²¹ Timothy, di me bamode, Ya mage gahigeima, Lucius , Jason renu Sosipater, di me sokuheya. ²² Da, Tertius, daki ga o tore geima, renu ya mage gahigeima Rohi Bauge uhura. ²³ Gaius, di meve renu dubu aubougi biava, ya mage gahigeima. Erastus, ogo bauge muni tahakava kamuare, raki ya mage gahigeima, Quartus au ogonane ruta. ^{24 25} Negu oti ai, aukena ya hero gahigeisa da hari mage yaki rogevene renu Iesu Keriso hari mageve uhurahe, maguri isage gava hakivane ihihi veite renu erara veite idigei hakivanu, tau esebu dibana veite iaganiva. ²⁶ Era nomu bina dibana gahanu renu perovata gava toregevenu mata aubougi uhura, Dirava behibehi garehe, gabidadama ihihivana mage goisa-- ²⁷ oti Dirava uhanana biava, oti Iesu Keriso au, oti mage behibehi. Amen.