¹ Wa Pharisees e aloalo auri vairi ila wa gerao Jerusalem na geve alu makea Iesu. ² Ila na geiari wa ia gena disciples vairi bread geganiria ila imari wara mamilori, eia wara, noai gevuliri imari. ³ (Pe wa Pharisees e Jews maparari wara noai geg- anigani nia penerao ila imari gevuligirana, repana ila na gerogoani geva ripari geria tradition uma kuinerana. ⁴ Pene Pharis- ees ge lavu uleni market kapurana raonai, ila noai geganiganini penerao ila gerikuni mauiri, ila imarana gauiavogo genapa au- nagirana ila na gegapirana uma elerana, emaina ila na gevuli kunerana egau vairi era cups, plates, pots, copper vessels, e ma vairi ila geganigani agirana gauria.) ⁵ Wa Pharisees e aloalo aurana gerena- gia Iesu, "Ragau na goi na disciples noai geala auni e tradition rai na uma kuinera- na geva ripamai veaina, namu ila na bread pege ganiria raonai imari noai gevuliria?" ⁶ Namu Iesu na evailari ila, "Isaiah nara eilagavuao (prophesied) veraleva wa mui mauliwapatou (hypocrites) uma mui. Evea- ina ealoao, 'E aunilimalima na geva namakuni mururi pipigarana, namu ila kutouri wa avapai. ⁷ Ovaria airupualiai ila na geva namaku nia, teaching wa ila aunilimalima geria ua- magiraorai.' ⁸ Mui na golealirana (abandon) e Palau Velegaua gena rova (commandment) pe mui na gorogo gaugaurana wa aunilima- lima gemui tradition." ⁹ Iesu nara mae vailari ila, "Ari veaina mui noai goririwani e Palau Velegaua gena commandment na mui na pogo rogoa gemui tradition! ¹⁰ Na Moses eilaiwa, 'Pono vegapirage goi amamu e inamu elerai,' pe, 'E riai nara pene ilagi ravaria ia amana e inana ia wa vealapau ia pene warega.' ¹¹ Namu goi poilaiwa, "Pene au apuna na evailara ia amana pa inana, "Ragau ve- aina veva avari go rawaliri rau eleku na e Corban'" (e wa eveaina, 'Evevenio e Palau Velegaua elenai'), ¹² pe goi nara mapo- ono variriwa ia na gauapua pene alara ia amana pa inana elerai. ¹³ Mui na goala nia Palau Velegaua gena rori noai ganina na wanana mui na tradition wara mui na gova auna aunarao. Pe eveairi gauri iavo- go mui na goalarana." ¹⁴ Ia na mae gogorao wa uma pe evail- arao ila, "Igo amonagiku, mapara mui na, pe pigo ripa (understand). ¹⁵ Nanai gau apua na aunipara gaukeruna nara pe-ene vamiloa pene eroaoani ia auniparana rao- nai. Eia wa ragau eroaraini auniparana ia eva galamania." ^{16 17} Wanana Iesu na ekaliwaniri wa uma maparana pe ia eve roaoao numa raonai, gena disciples na gerenagia ia wa parable. ¹⁸ Iesu neiwao, "Mui veaina maina roai goripara? Mui na noai goiani wara ragau apua pene roawaioa au apua auniparana keruna na pe-ene vagalamara ia, ¹⁹ re- pana wagau pe-ene veroaoa ia kutounai, namu wagau pene veroaoa nuana raonai pe wanana pene veroarai eve gau aravani avapai?" Gaurai e rori Iesu na evailaria ila ganigani gauri makairi veraleva (clean). ²⁰ Ia neiwao, "E wa ragau eroarainia au apua raonana valu ia wara eva galamani. ²¹ Pe au apua raonana, ia kutouna na, gemiani evil uamagiria, maporaga, lema, vevagivunu, ²² vewapalema, vema au, wickedness, wapatou, sensuality, mana eaileani, vevaraga wapau, vevarage, auga- ua. ²³ Egalama gauri maparari geroarai nia wara gauraona nara, pe eila nara geva galamarana aunilimalima." ²⁴ Ia elaio wa kapu ekaliwania pe erao eve kwarao Tyre e Sidon region rai. Wanai ia everoaoa numa apunai, pe ia euamagio uma pigene ripa ia ariai, namu ia no pige- ne vamalaripa. ²⁵ Pe auna auna, waiana mo vavine apuna ia nauna iaoiao raonai demon ealuwai eamonagi Iesu aunawara, evavine erao pe eve eoalio Iesu gagena repanai. ²⁶ Wanai evavine wara Greek, wa Syrophoenician geria kalakala. Ia nara enogiao Iesu na pere giuraia wa demon ia nauna iaoiao na raonai. ²⁷ Iesu na evailarao evavine, "Na iaoiao igo vaganigani kunero. Pe na iarava na iao iao gena bread na igo toua pe igo gaioara waga elerai." ²⁸ Namu e vavine nara evailarao Iesu, "Unamu, Velegaua, eveaina e waga na e table kapulenai geganirana e melo kimuki- muri geria bread ripiripiria." ²⁹ Ia na evailarao e vavine, "Repana goi na eveaina poilagia, goi wara po free pono roa. Wa demon pe roarai goi naumu iaoia- o na raona na." ³⁰ E vavine elavu ulewai gena numai pe eve rawaliao nauna emao bed ranai, pe demon eroarai. ³¹ Wanana ia mae roaraio Tyre region na, pe Sidon na eroa vanagi erao Galilee rawapara na penerao Decapolis region nai eve kwarao. ³² Wanai uma na au apuna gevairaoa ia ne amonagiwai (deaf) pe ene rori egauawai, pe ila na genogia Iesu nara pere vavara imana na pere napara eia au- niparanai. ³³ Pe eau gevaipauao uma raorana wa geregari, Iesu imana ririrana enapau eau eganai, pe ia eatiuru pe enapao murunai. ³⁴ Pe Iesu eairageo kupai, ragi eiviliao, pe evailao eau, "Ephphatha," wa neiwao, "Ono vekeo!" ³⁵ Vaganavagi ia egana eveala pao, wa meau ia maranai emiawai emalagao, pe ia ipo erori namanamao no- ai gauwaua. ³⁶ Iesu na e order rai ila na uma apua pige-ene vailavenia. Namu ia nara maere order wairi ila, epe ila na vogovagi ge ilagi lovolovoa wai. ³⁷ Ila wara gekalilea iwa- vagi wai, negeiwai, "Ia nara egau maparari peva namari. Ia na egapupu auri peva ilari pege amonagi e noai gerori auri peva ilari pege rori."