¹ Wanai wa Sabbath garona avanagio, Mary Magdalene e Mary wa James inana, Salome nara gevoiri riga (spices) wa pige rao agiri pe pige veriga Iesu auniparana. ² Pogipogi mo garo mamana week rao- nai, ila gerao wa tomb ai wa garo marana eve olewai raonai. ³ Ila wa geve vailawai, "Riai na ene vak- oi paua wa vau na geole gavua tomb?" ⁴ Wanai ila gerao e geairageo, ila gekali leao wa vau ikamu rauvagi gevakoi pauao. ⁵ Ila na tomb raona geiao pe wanai au apuna eve rapuao robe uloulo na eligoao, ealu ripana gena avanai, pe ila wa gekalio. ⁶ Eau na evailari ila, "Mui pigo-ono kali. Mui na goavuani Iesu, wa Nazarene, riai ge crucify auna. Ia pe laiwai! Ia enai noai au. Igo iara eava ariai ila na gevamaoa. ⁷ Namu igo roa, igo vevailaria ia gena disciples e Peter, 'Ia wae raoni mui vilamui na Galilee ai. Wanai mui na pigo veiara ia, e wara ia na evailamui veaina."' ⁸ Ila gerao pe geravu tomb nara; ila wa ge nukewai e gekalio. Ila na noai gevailari uma apua repana ila geuleo. ⁹ Wa pogipogi nai garo mamana week raonai, ia elaiwai mulinai, ia eve vaemeo mamana wa Mary Magdalene elenai, eia e Iesu na egiurairi demons seven evavine raona nara. ¹⁰ Ia erao pe evailari riai ia elenai, ila roge agiwai e mainivilowai. ¹¹ Ila geamonagi Iesu wa maulina pe ia wa evavine na eiara, namu ila wa noai ge- ve vauna aunao. ¹² Egau mulirai Iesu eve vaeme mageg- ela iraunai wa ila lualua elerai ila rogeroa raowai country ai raonai. ¹³ Ila gerao pe geve vailari disciples mapararia, namu ila noai geva auna aunari ila na. ¹⁴ Iesu mamulinai eve vaeme ila eleven elerai rogeovapeo table ai raonai, pe ia na eilagi ravarao ila noai geria vevauna auna e iagagaua kutouria, repana ila nara noai gevauna aunari wa ila riairana geiara ia wa elaiwai waregana mulinai. ¹⁵ Ia na evailari ila, "Igo roa alimapara maparanai, e valinamana (gospel) igo veilagilovolovoa penerao e creation maguguluna raonai. ¹⁶ Ia riai eve vauna aunani e ia mapene baptize ia wa pene mauli, namu riai neve- vauna aunani ia wara pene gavuvagi mauli raonai. ¹⁷ E signs wa pige roau riairi gevevauna aunani: Rau rarakuai ila na demons pige cast rairi. Ila pige rori karo irauirauai. ¹⁸ Ila imarana pige rogori ma (snakes), pene ila na pige niuri poison gauri veairia, wagau nara pe-ene varavaria ila. Ila imaria pige napau nakula umari elerai, wa ila ger- ia vivi pige nama. ¹⁹ Velegaua na ila erori veniri mulinai, ia wa egapirageao heaven raonai pe eve aluo Palau Velegaua imana ripana avanai. ²⁰ E disciples geroa kapu mapararai ge- ve preach wai, waraorai Velegaua ila geul- avunu kouwai pe word eguguluwai e signs wa geroa kouwai ilaria.