¹ E aloalo era Iesu Keriso kalakala na, ia David nauna, Abraham nauna. ² Abraham wara Isaac amana, Isaac wa Jacob amana, Judah ma walawala na amari Jacob. ³ Judah wa Perez e Zerah amari Tamar na eva walari. Perez wa Hezron am- ana, Hezron wa Ram amana. ⁴ . Amminadab amana Ram, Nahshon a- mana Amminadab, e Salmon amana wara Nahshon. ⁵ . Salmon ma Rahab nauri wa Boaz, Boaz ma Ruth na Obed pege vawala, Jesse amana Obed. ⁶ . Jesse nauna David ia vele apua, David magarawana Uriah th- aorana Solomon geva wala. ⁷ . Rehoboam amana Solomon, Rehobo- am nauna Abijah, Abijah nauna Asa. ⁸ . Asa nauna Jehoshaphat, Jehoshaphat nauna Joram, Joram wa Uzziah kalakalana. ⁹ . Uzziah nauna Jotham, Jotham nauna Ahaz, Ahaz nauna Hezekiah. ¹⁰ . Hezeki- ah nauna Manasseh, Manasseh wa Amon amana, pe Amon nauna Josiah. ¹¹ . Josi- ah kalakalana wa Jechoniah ma walawala na maluaneri ila wa pige giurairia Babylon na waoranai. ¹² . Babylon na gegiurao mulinai, Jecho- niah wara Shealtiel amana, Shealtiel kalak- alana wara Zerubbabel. ¹³ . Zerubbabel wara Abuid amana, Abuid wara Eliakim a- mana, pe Eliakim wara Azor amana. ¹⁴ . Azor wara Zadok amana, Zadok wa Achim amana, pe Achim wa Eliud amana. ¹⁵ . Eliud wa Eleazar amana, Eleazar wa Matthan amana, pe Matthan wa Jacob am- ana. ¹⁶ . Jacob wa Joseph amana. Joseph garawana wa Mary, evavine na Iesu evaw- ala, getharao Keriso. ¹⁷ . Kalakala mapa- rana fourteen Abraham na penerao David, wa nana David ri geurairia gerao Babylon ai kalakalari wa fourteen apuna, wa nana gerao Babylon ai wanana eve amai Keriso emi walao kalakalari wara fourteen apuna. ¹⁸ Iesu Keriso ewala olemana maparan- a eveaina. Ia inana, Mary, ia wa Joseph na evaolegavua pe pene garawara, namu ila roai ge mauli kou raonai, Mary ulinai me- lo apuna wara Vea Palauna iavuna nara e- magaio. ¹⁹ . Namu Joseph, Mary garaw- ana, ia wa mauli rakwarakwa auna pe ia na evavine pe-ene vamara ulana na, ia na euamagiao ila auri lualua pige aluvepa no poroporoai. ²⁰ . Pe ia na egau euamagi rawai, aneru apuna Velegaua thaonana emagai ia gena nivi raonai, neiwao, "Joseph David nauna, goi po-ono kali Mary ono gapia goi garaw- amu, repana na melo Mary inagenai pemi- a na Vea Palauna iavuna na. ²¹ . Ia melo apuna ene vawala, pe ia rarana pigo vaoa Iesu, ganina ia na pene vamauliri gena aunilimalima geria galama raorana." ²² . Egau maparari pige wala e rorigavu pene gugulu Palau Velegaua na prophet thaorana, eilagiao, ²³ . "Ono amonagi, vavine apua noai gemao kouagiao namu ia melo apuana ene vawala, pe ila na pige tharana pige gogoa Immanuel"- ethara ganina era, Palau Velegaua ia elerai." ²⁴ . Joseph mauna elaio pe Palau Veleg- aua gena aneru na niviai evailarao veaina ealao, pe Mary evaiao ia garawana. ²⁵ . Namu ia evavine ila noai gegenokou penerao evavine na emelo eva walao. Pe ia na rarana evaoao Iesu.