1
IESU loui avoe koto leleve ula da la lavigei ata vadeu mamoea anakale veleva solisito magu vusai vaki voleo velevai loale ke vavolo atala keu.
2
Isegeto mamoea anakale velevai tiale keu mamoea biagevela loisege biageu iviabe lou lohomegei tai. Ea nonave evisive lovai tai.
3
Geiti naliavale keu loi alavage mamoe kenenia daiai loisege biageu iviabe loui lohomegei tai. Ea nonave evisive lovai tai.
4
Au, au mamoe keneni lohomei tai eu unila tisege mamoevea lovai tai kotove evisive.
5
Isito mamoea ata vole ke ba lovai talivelu bele keu ata voleala keu.
6
IESU donau nona ke loui lavigelu igeto ea nonave ke evie solilu.
7
Ige IESU lavigei avoe nona leleve ula da la lavigei, dau mamoea anaka dala kou.
8
Ata volea memila di unila loale kea vavoloivale ataea laa, kea unila loevelu.
9
IESU lailoi anaka, atava deu loi kele velevai tiale keule mauliai isi tota ba tai lolivelu bele isi lovi kaolivelu bete.
10
Vavolo atau loale keule loi vavoloai kavei lehosivei isito da loale kele eale ukolikoli mauli kitae agisi ui.
11
Dau mamoe naliavale atau dua dalau dale di mamoelai voeleai. Ige vavolou ata keu ba agigelivelu bele.
12
Isito abo ata vole vai veiai vavuge aule mamoe nalievei isito tou toelau loige aule itaitai au maulite huhuaive. Isege tou toela keu mamoe uagevei lovegege igaligalia tilu.
13
Malaha keu itilu abo bei vavuvalelu mamoe huhuge solisi to amiga ula huhualu, mamoea mauli huhue solilu.
14
IESU loui avoe dau mamoe lohomegei oivale atau dua isi da di mamoe keneni huhualu ige ea da huuaevelu.
15
Kelate di mamau da huhualu isege da di mama huhualu ige da di mauli vai di mamoelai vaeavalu.
16
Di mamoe volea ata volea magu uvue uale ke da olai agigei agisi di magu ko igali uvue otovei, ige abo di nona evisi ige magu igali mamoe igali isi lohomegei oivale ata igali IESU.
17
Katealeluga di mamau dalu olalu da di mauli vai vaeavai voelealu, isi tota di mauli vai kobelaulu damiga isaive.
18
Atabeu ba daele vai talivelu bele isito da biegela di vuvunetele vai vaeavalu isi tota di vuvunetele va louai da vuvune ke di mama vileo valu.
19
Diuia ke evisi belala kitae alu koto ke tava evisive.
20
Ata moeagaea loui avoe keu silavaea toelau avoele ualela keu, ivogiveta malomaloalu laa vadeuluga nonave eviva.
21
Isege volea lou avoe nonave keu silavaea toelau avoele uale nonave olie solilu, au keleteale nii kelote ke nii alavai, au eule?
22
Vali voleo Diuia sisila valiu lolu, memila Diu atakeale Dielusalemae dabau loivavale kele abole Dubu hoeaseavagei.
23
Isege IESU Solominiu ou hedakave kela lavisi oiva.
24
Isege Diuia loi leleisi vovovalu isi belai avoe baito lo haive au au KELISO ala kou.
25
Ige IESU lavigei avoe memilaga da la haivelu igeto la davai lelevetie solilu, da di mamau ivile hau moeaga agelu.
26
Igeto laea ke vai lelevetie solilu keu kosealu laea ba di mamoe bele.
27
Di mamoeale di koto evisi daeo loevei isi da lovai.
28
Ige da ukolikoliai uale mauli ke vavege beu ba voelealivelu bele isi ata voleu ba dii adale butugei agilivelu bele.
29
Di mamala ata ke damuale keu ata kitae ata ko nenia uvule ialelu ata beu ba di mamau adau uvule butugei agisi talivelu bele.
30
Dau di mamati igali.
31
Ige Diuia ke evisi vule agisi ela kavai.
32
IESU lavigei avoe hau dua moeaga da mama vileo agisi la haiveale kela la ke vavalai vuleta da kavai?
33
Diuia laviai avoe loea haube vavalai aa kava solilu isito au atala amiga vai DILAVA toilage lo ke vavalai aa kavalivelu.
34
IESU lavigei avoe lai basu uvule nona vole abo kisaiale ke uvule DILAVA lalai loui avoe la kea DILAVA lalaea?
35
Au la ke nenia DILAVA olige oleluga DILAVAu nonau lolu ige Bukau nona ke leleve olisi.
36
Iale di mamala da letatavai da hanavage da vatae lolu, au ale, isege laea dalu loui kosealu, au DILAVAu ivila ke vai toelatisi loui kosealu dau DILAVA voo dala kou?
37
Daa dii mamau hau a solige momai daa vai lelevetievevale.
38
Isito ivaga daa dii mamau hau age vai lelevetive hauve ke ivaive. Laa daa vai leleve tie solialelu isito ba kele ivave dii mamau dati ulu isege dau di mamati ulu.
39
Kateige Diuia olai vatalai vai tai kotaevei igeto IESU adaeabe lelevai tilu.
40
Ige IESU kalevei tialeu Diodana e ke vavale Dioniu luta ata Babatisoeavele kela uevelu.
41
Ige ata moeagaea avoe loevelu isi laviai avoe Dioniu toanabe age solilu isito ata kolau Dioniu louva keu leleve.
42
Ata moeagaea vai leleve tievelu kela.