¹ Paulo na Timoti, ababomfi bakwa Kristu Yesu, Kuli bonse abantu bakwa Lesa abashila muli Kristu Yesu abo ababa ku Filipi, nabakalamba na ba kaafwa. ² Ukusenamina kwingaba nenu necibote ukufuma kuli Lesa Tata wesu na Shikulu Yesu Kristu. ³ Ndatotela Lesa wandi inshita yonse namwibukisha, ⁴ lyonse, mu mapepo yonse ayandi kuli mwebo bonse ukupanga amapepo yandi ne nsansa ⁵ pamulandu wakuba pamo mu mbila-nsuma ukutula pabushiku bwakubalilapo mpaka nalelo. ⁶ Ninshininkisha pali ifi fyonse, ukuti uyo uwayambile umulimo uusuma muli mwe akakonkanyapo kukufikilisha mpaka nobushiku bwakwa Yesu Kristu. ⁷ Nacilinga kuli ne ukumfwa uyu musango pali mwe bonse pantu nalimikwata mu mutima wandi. Bonse mwaliba pamo nandi mukusenaminwa monse mukukakwa kwandi na mu kuipokolola kwandi kabili no kufikilisha kwa mbila-nsuma. ⁸ Pantu Lesa ekambone wandi, ifyo ndemufuluka mwebo bonse namu nkumbu shakwa Kristu Yesu. ⁹ Eico ili epepo lyandi: ukuti icitemwiko cenu cingakula mubwingi kabili mubwingi bwakwishiba no kwiluka konse ¹⁰ pakuti mwingakwata ukuseminisha ifiweme, kabili mwingaba abacishinka na aba kaele mpaka nobushiku bwakwa Kristu, ¹¹ ukwisulamo nefitwalo fyabulungami ubo ubufuma ukupitila muli Yesu Kristu kubukata na malumbo yakwa Lesa. ¹² Lelo ndefwaya imwe ukwishiba, ba wesu, ukuti ifyacitikile nebo fyalenga icine-cine ukulundulula imbila-nsuma. ¹³ Pali ci, iminyololo yandi muli Kristu yaishile ngo lubuto kuli bonse bakalinda wa cipango kabili naku muntu onse. ¹⁴ Abengi ba wesu balikwete ukukoseleshiwa muli Shikulu pa mulandu minyololoyandi, kabili balikwete ukushipa pakulanda icebo ukwabula umwenso. ¹⁵ Bambi cine-cine babilikisha Kristu ku mufimbila na kufikansa, kabili bambi kumufuma cumi. ¹⁶ Aba bacitila kucitemwiko, mukwishiba ukuti nabikilwa muno mukupokolola imbila-nsuma. ¹⁷ Lelo abantashi babilikisha Kristu mumisango yabukaitemwe, ayashalungama. batontonkanya ati bakalancusha ilyo ndi mu minyololo. ¹⁸ Nomba nindo? Cikulu kuti munshila shonse-cibe kumititile yabufi nangu kuyacishinka-Kristualashimikilwa, namuli ici nda cankwa, ¹⁹ pantu nalishiba ukuti ici cikaleta ipusukilo ukupitila mu mapepo yenu na mubwafwilisho bwa Mupashi wakwa Yesu Kristu. ²⁰ Kukabila kwandi nokusibila ukuti nshakasebane mu musango uuli onse, lelo mukupama konse, lelo nalyonse, Kristu ali nokusumbulwa mu mubili wandi, cibe ni mubumi nangu mukufwa. ²¹ Pantu kuline ukwikala ni Kristu no kufwa bunonshi. ²² Lelo ngandi nokwikala mu mubili, cilepilibula ukubomba kusuma muli ne. lelo nicisa icakusala? nshishibe. ²³ Pantu ndi uwatitikishiwa pali ififibili. Ubufwayo bwandi kufumapo nokuba na Kristu, ecawamishapo, ²⁴ lelo ukushala mu mubili cawamishapo pamulandu waimwe. ²⁵ Pakushininwa pali ci,ninjishiba ukuti ndinokushalakabili kakonkanyapo ukuba naimwe bonse, pakulunguluka kwenu ne nsansa mucicetekelo, ²⁶ pakwebati muli ne kuti mwakwata ifintu fingi ifyakuitakishishapo muli Kristu Yesu ilyo nkesa kuli mwe nakabili. ²⁷ Mulekuisunga fye mwebene mu musango uwayana ne mbila-nsuma yakwa Kristu, pakwebati cibe nkese mukumimona nangu nshilipo, nkalaumfwa pali mwe, pakuti mwingeminina ndi mu mupashi umo, namano yamo ukutulukushisha pamo ku cicetekelo ca mbila-nsuma. ²⁸ Mwitinishiwa mumucinshi nabo ababa abalwani benu. ici ecilangililo kuli bo kukonaika kwabo, lelo ku kupusuka kwenu-kabili ici ukufuma kuli lesa. ²⁹ Pantu calipelwe icafye kuli mwe pamulandu wakwa Kristu tekusuminafye muli ye, lelo nokucula muli ye, ³⁰ pakukwata ubulwi bumo bwine ubo mwamwene uli ne, nalelo muleumfwa muli ne.