¹ ''Tamufwileukucita imilunga, kabili tamufwile ukusumbula icimpasho icabaswa nangula icaimikwa ica mabwe, kabili tamufwile ukubika conse icabaswa pelibwe mu calo cenu no kuyafukamina, pantu nine Yahweh Lesa wenu. ² Mufwile ukusunga ama sabata yandi no kucindika umwakushila mwandi. Nine Yahweh. ³ Nga mwaendela mufipope fyondi no kusunga amafunde yandi no kuyabela, ⁴ lyena nkamupela imfula munshita yaiko, icalo cikalekufunya ifisabo fya ciko, kabili ifintu fya mu mabala fikalekufunya ifinsabwa nsabwa fya fiko. ⁵ Ukupela kwenu kukalakonkanyapo na kunshita mukalekusombola imyangashi. kabili no kusombola imyangashi kukalekufika na na kunshita yaku byala. Mukalekulya umukate wenu no ku kwikuta no kwikala mu mu mutelelwe uko mukacita ubwikashi mu calo. ⁶ Nkapela umutelelwe mu calo: mukalekulala panshi ukwabula icakumitinya. Nafumya inama shonse ishabusasa ukufuma mu calo , kabili ulupanga ta lwaka pitemo mucalo cobe. ⁷ Mukafulumuna abalwani benu, kabili pantashi yenu ku lupanga. ⁸ Ba sano muli mwe bakafulumuna abali umwanda, kabili abali umwanda bakafulumuna abali imyanda ikumi: Abalwani benu bakawa pantanshi yenu ku lupanga. ⁹ Nkalosha pali mwe no bubile no kuleka mukafyane nokumifusha; nkafiklishe icipangano candi na mwe. ¹⁰ Mukalya ifilyo ifyatatilwa kale. Muli nokufumya ifyakulya uwakutila pantu mukafwaya incende ya busomboshi ubupya. ¹¹ Nkabika Ihema pakati kenu, kabili nshaka mupate. ¹² Nkendapakati kenu nokuba Lesa wenu, kabili mukaba abantu bandi. ¹³ Ninebe Yahweh Lesa wenu, uwa mifumishe mu calo ca Egypito, pakuti mwiba abasha babo. Ndiputwile umunyololo we koli lyenu no kuleka mulekwenda abakololoka. ¹⁴ Nomba nga tamwakalekumfwa kuli ne, nokukanabela aya yonse amafunde, ¹⁵ kabili nga mwakana ifipope no kupata amafunde yandi, ukuti mukane ukumfwila amafunde yandi yonse, nomba mwatoba icipangano candi- ¹⁶ Nga mwacita ifi fintu, elyo nkacita ifi fintu kuli mwe: Nkalea umwenso pali mwe, amalwele ne mpepo iyiknaula amenso no kusha imibili yenu iya ondoloka. Mukalekubyalila imbuto ulwisha, pantu abalwani benu ebakalya ubusomboshi bwenu. ¹⁷ Nkabika icinso candi pali mwe, kabili mukacimfiwa na ba lwani benu. Abaume abamipata bakamiteka kabili mukabutuka, nelyo tapali nouko mipepeka. ¹⁸ Nga panuma ya ifi fintu fyonse tamumfwile kuli ne elyo nkamikampula imiku cine lubali ukucishapo pa membu shenu. ¹⁹ Nkatoba icilumba cenu mumaka yenu. Nkacita imyulu pa mulu wenu nge cela ne calo cenu nge cela ca mukuba. ²⁰ Amakayenu yakonaika apafye, pantu icalo cenu tacakafumye ubusomboshi bwa ciko, kabili ne fimuti fyenu mu calo tafyakatwale ifisabo fya fiko. ²¹ Nga mwaendela mukupusana nandi no kukana kumfwa kuli ne, Nkaleta imiku cine lubali ifikuko pali mwe, ukulingana na masambi yenu. ²² Nkatuma inama shampanga pali mwe, kabili fikalenga mwebo ukulufua abana, fikonaula ifitekwa fyenu, kabili fikalenga mukabe abanono mu mpendwa ukkuti imisebo yenu ikashala apabula akantu . ²³ Nga namuli fyonse ifi fintu mucili tamukopokelela ukulungika kwandi no kukonkanyapo ukwendela mu nkasa kuli ne, ²⁴ nandiwine nkendela munkasa kuli mwe, kabili ine ne mwine nkamikampula imiku cine lubali pa mulandu wa masambi yenu. ²⁵ Nkaleta ulupanga pali mwe ulupanga ulukaleta icilandushi ulukatoba icipangano. Mukalonganishiwa pamo mu misumba yenu, kabili nkatuma ubulwele pakati kenu kulya, kabili elyo mukapelwa mu maboko ya mulwani wenu. ²⁶ Ulo nkaputulako ifya kulya, abanakashi ikumi bakalekukwanishiwa ukwipikila pe shiko limo, kabili bakalekumupela ifyakulya pa cipimo. Mukalekulya nomba tamwakalekwikuta. ²⁷ Nga tamukoumgfwa kuli ne nangula cingabefi, nomba mwakonkanyapo ukwenda mu kansa na ndi, ²⁸ elo nkendela mubukali pali mwe, kabili nkampusha nkamusunka imiku cine lubali ukucilapo pa membu shenu. ²⁹ Mukalya iminofu yabana benu abaume; mukalya iminofu yabana benu abanakashi. ³⁰ Nkamyonawila apakupepela penu., nkawisha napo mupepela, amalambo, kabili nkaposa ifitumbi fyenu pa fitumbi fya tulubi twenu ine ne mwine nkamupata. ³¹ Nkapilibula imisumba yenu ukuba ifibolya nokonaula umwashila mwenu. Ntakasekele ne cena ca mitulo yenu. ³² Nkonaula icalo. Abalwani abakalekwika kulya bakale kupapa pa bonaushi. ³³ Nkamisalangamishisha munko, kabili nkafumya ulupanga lwandi, no kukonka mwebo. Icalo cenu cikalekeleshiwa, kabili ne misumba yenu ikba ifibolya. ³⁴ Elyo icalo cikalekusekelela ama sabata inshita yonse cikekala icakulekeleshiwa namwe muli co calocabalwani benu. Muli iyo nshita, icalo cikatusha no kusekelela amasabata ya ciko. ³⁵ Lyonse ilyo cikaba icakulekeleshiwa, cikalekutusha, icikaba ukutusha uko tacalikukwata mu masabata yenu, ilyo mwalikwikalamo. ³⁶ Namwebakashala mu calo ca balwani benu ,Nkatuma umwenso mu mitima yenu icakuti nokulila kwebula ililepupuka mu mwela likale kumitinya, kabili mukalekubutuka nga balebutuka ukufuma ku lupanga. Mukalekuwa, nelyo tapali nangu umo ulemipepeka. ³⁷ Mukalekuipununa kuli umo no munankwe kwati mukofulumuka ku lupanga, nangulafye tapali uko mipepeka. Tamwakakwate maka yakwiminina pa cinso cabalwani benu. ³⁸ Mukapwa mukati kanko, kabili icalo ca balwani icine cikamilya. ³⁹ Bonse abakashala pali mwe bakonaikila mu masambi yabo mulya mu calo cabalwani benu, kabili umulandau wa masambi yaba shibo bakonaika nabo bene. ⁴⁰ Nomba nga bashininwa kumasambi yabo na ya ba wishibo, kabili na bucisanguka bwabo ubo tabali na cishinka kuli ne, kabili na mukwenda munkasa nandi- ⁴¹ Icalengele nebo ukupusana nalibaletele mu calo ca balwani babo- nga imitima yabo iyakubula ukusembululwa yaishile kuba iyakupetama, kabili nga kuti basumina ukuliminwa pa masambi yabo, ⁴² elyo ine nkebukisha icipangano na Yakobo, icipangano candi na Isaki, kabili cipangano candi na Abrahamu, kabili nkebukisha Icalo. ⁴³ Icalo cikalekeleshiwa kuli bo, eico cikalasekelela amasabata ya ciko ilyo cili icalekeleshiwa ukwabula bena. Bafwile ukukandwa pa masambi yabo pa tu bena balikene ifipope fyandi no kusula amafunde yandi. ⁴⁴ Lelo nangula cingaba ifi, ulo bali mu calo cabalwani babo, nshakabakane, nenlyo ukubasula nga mukupwililisha ukubonaula no kusula icipangano nabo, pantu Nine Yahweh Lesa wabo. ⁴⁵ Nomba pa mulandu wabo nkebukisha icipangano ne fikolwe fyabo, abo nafumishe mu calo ca Egypito mu menso ya nko, pakuti ningaba Lesa wabo. Nine Yahweh.'' ⁴⁶ Aya mafunde, ifipope, kabili ifipope Ifyo Yahwehe acitile pakati kakwena bantu bakwa Isreali pa lupili lwa Sinai ukupitila muli Mose.