Ichipandwa 25
1
Yahweh wasosele kuli Mose pa lupili lwa sinai, ukuti,
2
''Sosa ku bena Israeli nokulanda kuli bo auti ilyo mwaisa mu calo namipela, elyo icalo cifwile ukusunga isabata iyakwa Yahwe.
3
Mufwile ukubyala amabala yenu pa myaka mutanda, kabili pa myaka mutanda mufwile mwatumyula umyangashi elo nokulonganoka ifitwalo.
4
Lelo mumwaka wa cine lubali, isabata lyakutusha uya calo lifwile ukuko, isabata lyakwa Yahweh. Tamufwile kubyala mabala yenu nangu kutungula imyangashi.
5
Tamufwile kusombola conse icakuimenena kabili tamufwile kusombola imyangashi shitwele ku miti mutatungwile. uyu ukaba mwaka wakutushamo uwacalo.
6
Conse icakuimenena mumabala yenu mumwaka we sabata cikaba cilyo cenu. Mwe, ababomfi benu abaume nangu abanakashi, ababomfi bamalipilo elo nabena fyalo abekala namwe kuti balonganika ifilyo,
7
ne fitekwa fyenu pamo nenama mpanga kuti fyalya ifyakufuma mumabala.
8
Mufwile ukupenda imyaka yama sabata cine lubali, ici ekutila imiku cine lubali emyaka cine lubali, pakuti kukabe imyaka cine lubali lya masabata, iyo iikalingana nemyaka amakumi yane na pabula.
9
Elo mufwili ukulisha ipenga ilikomfwika konse pabushiku bwalenga ikumi mumweshi walenga cine lubali. Pabushiku bwa mafuto mukalishe ipenga mpanga yonse mucalo cenu.
10
Mufwile ukupalako umwaka walenga amakumi yasano kuli yahweh nokushimika ukulubuka ku calo conse nabekalamo.Uyu ukaba mwaka waku sefya kwenu, umo ifyuma na basha bafwile ukubwekekashi wamo kumukowa yakwe.
11
Umwaka walenga amakumi yasano ukaba wakusefya kwenu.Tamufwile kubyala nangu kusombola, ukulya conse icakuimenena, elo nokulonganika imyangashi shitwele ku miti mushatungula.
12
Pantu mwaka wakusefye, uyo uukaba uwashila kuli mwe. Mufwile ukulya ifitwalo ifya kuimenena kunse yamabala.
13
Mufwile ukubwekesha onse umuntu kuncende yakwe muli uno mwaka wakusefya.
14
Umfwa washitisha incende iili yonse kumwinamupalamano nangu washita incende kuli wo, tamufwile kubepana nangu kuilufyanya.
15
Umfwa washita ibala kumwinamupalamano, ulalekeshe pampendwa yamwaka ne filimwa fingasombolwamo ukufika mumwaka wakusefya mkonkelepo. Umwina mupalamano nao uyo aleshitisha ibala afwile ukulolekeshapo pali ici.
16
Ubwingi bwa myaka mpaka umwaka wakusefye ukalunda ubukumu bwa ncende, kabili ubunono bwa mpendwa mpaka nakukusefye kwakonkapo kukacefya ubukumu,pantu impendwa yabusomboshi ibala likafunisha umwine mupya lilingene nempendwa yamyaka libe ukusefya kumbi takulaisa.
17
Tamufwile kubepana nangu kuilufyanya;lelo,mufwile ukucindika Lesa wenu, pantu nine Yahweh Lesa wenu.
18
Eico mufwile ukubela ifipope fyendi, sungeni amafunde yandi, nokuyakonka.
19
Elo mukekala mu calo umutelelwe. Ibala likatwala ifisabo, elo mukalya nokwikuta nokwikala umutelelwe.
20
Kuti mwalanda amuti,''bushe findo tukalya mumwaka walenga cine lubali? Lolenitekuti tubyale nangu ukulonganika ifilimwa fyesu.''
21
Nkeba amapalo yandi ukwisa pali mwe mumwaka walenga mutanda , elo fikatwala ifisabo fyakulinga mumyaka itatu.
22
Mukabyala mumwaka walenga cine konse konse nokukonkanyapo ukulya ifilyo mwasombwele mumyaka yafymako ifya sungilwe. Mpaka umwaka wakusombola walenge pabula ukese, mukalya ku filyo fyasungilwe mumyaka yafumako.
23
Tamufwile kushitisha impanga yaba ya mutnu umbi pe pantu impanga yandi. Bonse imwe mulibena fyalo kabili mutubilishamofye mumpanga yandi.
24
Mufwile mwakonka insambu shakulubula pali yonse impanga mwakwata; mufwile mwasumunisha impanga ukushitiwa kupwa mwashitileko.
25
Umfwa umwina Israeli munenu waba umubusu pamulandu waico washiko impanga yakwe elyo umo palupwa lwakwe uwapalaminako afwile ukwisa nokulubula ilya mpanga wabo washitishe.
26
Umfwa umuntu takwatalupwa lwakulubula impanga, lelo umfwa wakwata icuma na maka yaku ilubwaila kuti walubula,
27
lelo kuti wapanda imyaka ukufuma apo yashitishiwe nokupela indalama isheleko kuo ashitishe. Elo abweseshe kumwine wa mpanga.
28
Lelo umfwa umwine takwete maka yakulula iampanga nishi impanga washitishe ikashalafye muminwe yawashitile mpaka umwaka wakusefya.Mu mwaka wakusefya, impnga ikabweseshiwa kuwashitishe, elo nomwine akabwekele pancende yakwe.
29
Umfwa umuntu washitisha ingánda mumusumba we linga kabili kuti waishita nakbili mumwaka umo uutuntulo ukufuma apo washitishishe.Mu mwaka uutuntulu ali namaka yakulubula.
30
umfwa ingánda tailubwilwe mumwaka umo wine uutuntulu, lelo ingánda iili mumusumba welinga ikaba ningánda ya washitile pamo nabana kufyalwa bakwe pe nape. Yena taifwile kubweseshiwa ku mwaka wakusefya.
31
Lelo amayanda yamu mishi ayashashingulukwa ne linga yana yakabikwa nga mababala yamu calo . kuti yalubulwa, kabili nokubwe seshiwamo mumwaka wakusefya.
32
Lelo amayanda yabena Levi ayakulwa mumisumba yabo kuti bayalubula panshita iili yonse.
33
Umfwa umo uwa mubena Levi talubwile ngánda ashitishe, ninshi ingánda iya shiitishiwe iyakulilwe mumusumba kuti yalubulwamumwaka wakusefya, pantu amayanda yaba mumisumba yabena Levi fyuma fyabena Israeli.
34
Lelo amabala yashinguluka imisumba yabo tayafwile kushitishiwa pantu fyuma fya bena Levi pe na pe.
35
Umfwa uwamu calo cenu waba umubusu, icakuti tekuti aifwaile ,elo mufwale ukumwafwa ngefyo mwingafwa umwina fyalo nangu onse ngowkunse pakati kenu.
36
Tamufwile kumupingula nangu kwesha kansonsela kuli wo mumusango onse, lelo cindikeni Lesa wenu pakweba atinao ekale pamo namwe.
37
Tamufwile kumupa kaloba wandalama nokumupingula kansonsela, nangu kumushitisha ifilyo fyenu pakuti mupange kansonsela.
38
Nine Yahweh Lesa wenu ,uwamifumishe mu calo ca Eygpito pakutiningaba Lesa wenu.
39
Ilyo uwamu calo cenu waba umubusu elo aishitisha umwine kuli mwe, tamufwile kumulenga alebomba ngomusha.
40
Muciteni ngomubomfi wamalipilo. Afwile ukuba ngo muntu uletulubalisha pali mwe. Akabomba namwe mpaka umwaka wakusefya.
41
Elo akafume pali mwe, ye pamo nabaana bakwe, akabwelela kumukowa wakwe nakufyuma yaba shibo.
42
Pantu babamfi bandi abo nafumishe mu calo ca Egypito . Tabakashitishiwe nabasha.
43
Tamufwile kubateeka mubunkalwe, lelo cindikeni Lesa weno.
44
Kubasha benu abaume nangu abanakashi, abo mwingafumya munko shamishinguluka, emo mwingashita abasha.
45
Kuti mwashita abasha ukufuma pabena fyalo abaleikala namwe elo nokufuma kufikolwe fyabo abaleikala namwe, abafyalilwa mu ncende yenu, kabili bengesa kuba ifyuma fyenu.
46
Kuti mwabacita ngabasha bacishilano kubana benu bamikonkapo, cikaba nge cuma, nokubapanga ngabasha ba pe nomba tamufwile kuteeka bawenu mu bunkalwe pakati kabantu bakwa Israeli.
47
Inga umwina fyalo nangu umo uutulubalisha muli mwe aba nobunonshi, elo umfwa umo umwina Israeli munenu aba umubusu nokuishitisha umwine kuli ulya umwina fyalo, nangu ka muntu umo uwamu mukowa wa mwina fyalo,
48
panuma umwina Israeli munobe ashitwa kuti abweshwa.Umo pali balupwa lwakwe kuti amulubula.
49
Kuti cab nilupwa waba nyina lume, nangu umwana mwaume wabanyina lume, uubalubala, nagu umo uwamamukowa wakwe. Nangu waba umunoshi, kuti ailusula umwine eka.
50
Afwile ukumfwana no muntu uwamushitile;bafwle ukupenda imyaka ukufuma apo waishitishishe ku wamushitile ukufika mumwakawakusefye. Umutengo waatulubwilwamo ufwile waba cimo cine nomutengo wakupela umubomfi wama lipilo, paupendwa yaka engakonka nyapo ukubombela uwamushitile.
51
Inga kulishele imyaka yakufula ukufika mumwaka wakusefya, afwile ukupela indalama ukulingana ne mpendwa yamyaka isheleko nge cuma cakulubuluwa.
52
Inga kuli fye imyaka iinono ukufika kumwaka wakusefya, elyo afwile ukumfwana nakashita wakwe ku kulolesha impendwa ya myaka isheleko libe umwaka wakusefya taulafika akbili afwile ukulipila pakumulubula mu kusunga ne mpendwa ya myaka.
53
Afwile ukumubomfya ngo muntu wamalipilo cila mwaka mufwile ukushinikisha ukuti talebomfiwa mubuluku.
54
Inga talubwilwe muliuyu musango, eico afwile ukubomba mpaka umwaka wkusefya wo nabana bakwe abali na wo.
55
Kuli nebo abanru bakwe Israeli babomfi.Babomfibandi abo nafumishe mucalo ca Egypito . Nine yahweh Lesa wenu.''