¹ Elyo Lesa apalile Noah nabana bakwe abaume, no kulanda kuli bo, ''Beni ifisabo, fuleni, nokwisula isonde. ² Umweso nakatina kakwe fikaba pali yonse inama iyapesonde, pa coni conse ica mulwelele, pali conse iciya panshi yamushili, napesabi lyonse ilya muli bemba. Fyapelwa mumaboko yobe. ³ Conse icenda icamweo cikaba icakulya cabo. Nga filyafine namipele umusalu, nomba namipela ifili fyonse. ⁴ Nomba mwilakulya inama nobumi bwaiko - ico mulopa waiko - muli co. ⁵ Nomba pamulopa wenu, ubumi ubwaba mumulopa wenu, nkafwaya amafuto. Kakaboko konse akanama nkafwaya. kukuboko kwamuntu onse, ekutila, ukufuma kukuboko kwaumo uwaipaya wabo, Nkafwailisha umulandu pabumi bwulya muntu. ⁶ Uyo onse uwasumya umulopa wakwe uka suminwa ico nimucata cakwa Lesa umuntu apangilwe. ⁷ Pali mwe, beni nobufyashi nokufula salanganeni pesonde nokufula pali co. ⁸ Elyo Lesa asosele kuli Noah naku bana bakwe abaume abali nankwe, atile, ⁹ ''Nga nebo, ufweni! Nala fikilisha icipangano candi namwebo nabana benu panu yenu, ¹⁰ kabili na conse icibumbwa icamweo ico icili namwebo, ne fyoni, nefitekwa, na conse icibumbwa cesonde icili namwe, ukufuma kuli fyonse filya ifya fumine mu bwange, kuli conse icibumbwa camweo pesonde. ¹¹ Ine pano nafikilisha icipangano na mwebo icakuti tacakatale nakabili ifyamubili ukonaulwa kumenshi aya lyeshi. Takwakatale nakabili akuba ilyeshi kukonaula isonde. ¹² Lesa alandile, ''Ici ecilangililo ica cipangano ico ndepanga pakati kandi namwe na conse ica mweo icili na mwe, nakuli shonse inkulo ishili kuntashi. ¹³ Nimfuma umukolamfula wandi niwikumbi kabili ukala icakumwenako ica cipangabo pakati kandi ne sonde. ¹⁴ Cikaba ukuti ilyo naleta ikumbi pesonde nomukolamfula wamoneka mumakumbi, ¹⁵ elyo nkebukisha icipangano candi, icili pakati kandi na mwe na conse icibumbwa camweo icamubili. Amenshi tayakatale nakabili ukuba ilyeshi lyakonaula conse ica mubili. ¹⁶ Umukolamfula ukalaba muma kumbi kabili nkala umona, pakwibukisha icipangano camuyayaya pakati kakwa Lesa ne cibumbwa conse icamweo icamisango yonse pesonde.'' ¹⁷ Elyo Lesa alandile kuli Noah, ''Ici ecilalingilo cacipangano ico nafikilisha pakati kandi napali fyonse ifyamubili ifyo ¹⁸ Abana abaume bakwa Noah balya abafumine mubwato bali ni Shemu, Hamu, na Yafeti. Hamu ewali wishi wakwa kenani. ¹⁹ Aba batatu ebali abana abaume abakwa Noah, kabili nikuli bo eko isonde lyonse lyafulile. ²⁰ Noah atampile ukuba umulimi, kabili alimine ibala lya myangashi. ²¹ Alinwine umwangashi kabili alishile kukolwa. Alilele nofimba mwi ema lyakwe. ²² Elyo Hamu, wishi wakwa Kenani, amwene ubwamba bwakwa wishi no kweba bawabo panse. ²³ Nomba Shemu na Yafeti basendele insala nokubika pamabeya yabo bonse, nokwenda cifutanuma no kuafimba ubwamba bwakwa wishibo. Ifinso fyabo baloseshe kumbi, eico tabamwene ubwamba bwakwa shibo. ²⁴ Elyo Noah abukile kumwangashi wakwe, aishibe ifyo umwana wakwe umwaice acitile kuli o. ²⁵ Eco alamdile, ''Itipo libe kuli Canani. Engaba umubomfi wababomfi bakwa wabo.'' ²⁶ Alandile nefi, ''Yaweh enga, Lesa wakwa Shemu, abe uwapalwa, nakabili, Kenani engaba umubomfi wakwe. ²⁷ Lesa enga kusha incende yakwa Yafeti kabili mulekeni apange umushi muma ema lyakwa Shemu. Enga lenga Kenani ukuba umubomfi wakwe. ²⁸ Panuma ya lyeshi, Noah aikile imyaka imyanda itatu namakumi yasano. ²⁹ Shonse inshiku shawa Noah shali imyanda pabula na makumi yasano, kabili elyo afwile.