¹ Lesa aishile ibukisha Noah, inama shonse ishampanga, elo nefitekwa fyonse ifyali nao mubwange. Lesa aishile kupanga umwela ukupuupa icalo conse, elo namenshi yalitampile ukuya panshi. ² Utumfukumfuku twapakushika elo notupunda twamumulu twaliselwe, kabili yalilekele ukuloka. ³ Ilyeshi lyamenshi lyalile likocepa panono panono ukufuma pacalo, elo panuma yakupwa kwanshiku 150 amenshi yalile panshi. ⁴ Ubwange bwaishile ikala mumwenshi walenga cine lubali, pabushiku bwakulenga ikumi limo nacine lubali mumwenshi, pamulu wampili sha Ararati. ⁵ Amenshi yalikonkenyepo ukuya panshi mpka namumwenshi wakulenga ikumi. Pabushiku bwantanshi ubwamwenshi, pamulu wampili palishile kuboneka. ⁶ Icacitikile cakuti panuma yanshiku amakumi yane Noah aishile kwisula utupunda twabwange ubo apangile. ⁷ Aishile kutuma mwankole kabili alipupukile nokuya mpaka amenshi yauma pacalo. ⁸ Elyo aishile kutuma inkunda ukuya kumona ngacakwebati amenshi yalile panshi ukufuma pamulu wacalo, ⁹ Lelo inkunda tayailekusanga papkubika amakasa yaiko, elo yaishilekubwelulukila kuliye mubwange, pantu yali yacili yalifimbile icalo conse. Aishile jufumya ukuboko kwakwe, elo nokwisa kulubula elo aishile kululeta mubwange o. ¹⁰ Alipembele nashimbi inshiku cine lubali elo nakabili alitumine inkunda ukufuma mubwange. ¹¹ Inkunda yabwelulukile kuliye icungulo. Moneni! mukanwa kaiko kuli ibula lyamuolife ilibishi. Eico Noah alishibile ukwebati amenshi yalile panshi ukufuma pacalo. ¹² Aishile kulolela inshiku nashimbi cine lubali, elo aishile kutuma inkunda nakabili. Tayaishilekubwela nakabili kuliye. ¹³ Icacitikile cakuti mumyanda mutanda kbili mumwaka wakutampilapo, pamwenshi wakutampilapo, pabushiku bwakutampilapo mumwenshi, ukuti amenshi yalyumine ukufuma pacalo. Noah aishile kufumyapo icakwisala pabwange, aishilekulolesha panse, elo amwene, boneni, pamulu wamushili palyumine. ¹⁴ Mumwenshi wabubili, mushiku bwakulenga amakumi yabili mumwenshi, Icalo calyumine. ¹⁵ Lesa aishile kulanda kuli Noah ati, ¹⁶ '' Kabuye fuma mubwange, webo, umukashi obe, abana bobe abaume, nabakashi babana bobe abaume nawebo. ¹⁷ Senda pamo nawebo icamweo conse icili nawebo-- ifyuni, inama, elo nefikulaika fyonse ifyo ifiikula pacalo-- pakwebati fifule saana pacalo, pakwebati fisandaluke elo nokufula pacalo.'' ¹⁸ Eico Noah aishile kufuma nabana bakwe abaume, abakashi bakwe, abakashi babana bakwe abaume o. ¹⁹ Icamweo conse, icikulika conse, elo nefyuni fyonse, conse icenda pacalo, ukulingana nolupwa lwafiko, fyalishile ubwange. ²⁰ Noah aishile kukula ubulambo bwakwa Yaweh. Aishile kubulapo inama shimo ishishakowela elo nefyuni fimo ifishakowela, elo nokutula ifyakuninika ifyakocewa kubulambo. ²¹ Yahweh aishile kununsha icena icabune elo aishile kulanda mumutima ati, '' Nshakatipwilepo umushili pamulandu wamuntu, nangu amapange yakumitima yabo yaba ayabubi ukufuma kubwaice. Nangu ukonaula nakabili ifyamweo fyonse, ngefi nacita. ²² Ilyo icalo cashele, inshita yakubyala elo neyakusombola, iyakutalala elo neya kukaba, neya lusuba elo neya mupepo elo neyakasuba elo nobushiku tafyakatipwe.''