¹ Caishile panuma ya ifi fintu, ulo umo asosele kuli Yusufu, ''Lolesha, wiso alilwele.'' Elo wo wasendele abana baume babili , Manasse na Ephraim. ² Ilyo Yakobo waebelwe, ''Lolesha, umwana obe Yusufu alifikile ku kukumona, ''Isreali walikolongenye amaka no kwikalako mu busanshi . ³ Yakobo walandile kuli Yusufu, ''Lesa wamaka yonse wamonekele kuli ne ku Luz mumpanga ya Canaan. Wo walimpalile ⁴ elo wasosele kuli ne, 'Mona, Nkokulenga ukutwalisha no kukusandulula. Nkokulenga ukuba icakulonganimo abanko. Nkopela iyi mpanga ku bufyashi bobe icikwatwa cakubelelela. ⁵ Nomba abana bobe babili, abafyalilwe mumpanga ya Egypito ulo ntalaisa kuli we mu Egypito, bo bandi. Ephraim na Manasse bakoba bandi, nga filya Reuben na Simeon baba bandi. ⁶ Abana abo ukukwata panuma yabo bakaba bobe, bakatantikwa panshi yamashina yakuba wabo mu bupyani bwabo. ⁷ Lelo nga kuli ne, ulo nafumine ku Paddan, kucamupamba wandi Rachel wafeilile mumpnga ya Cannan mu shila, ilyo kwali kuciliko intamfu ku kuya ku Ephraim. Nalimushile wo kulya pakuya ku Ephraim'' (ilya ni Bethlehem). ⁸ Ilyo Isreali wamwene abana baume bakwa Yusufu, walandile ati, ''Bakwani aba?'' ⁹ Yusufu wasosele kuli Wishi, ''Bana baume bandi, abo Lesa umpele kuno.'' Isreali walandile ati, ''Balete kuli nebo, pakuti mbapale.'' ¹⁰ Nomba amenso yakwa Isresali yakofilwa pamulandu wa mushinku , elo tekuti amone. Elo Yusufu esbaletele mupepi na wo, elo walibatomwene nokubafukatila. ¹¹ Isreali wasosele kuli Yusufu, ''Nshacetekele ukumone mpumi yobe na kabili, lelo Lesa ulisuminishe ukumona abana bobe.'' ¹² Yusufu wabaletele panse ukufuma kuli Isreali mu makufi yakwe, elo nomba washibile impumi yakwe panshi. ¹³ Yusufu wasendele bonse pamo, Ephraim kukoboko kwa kuylo kukwa kuboko kwa kwa Isreali, elo Manasse kukuboko kwa kuso kukwa kulyo kwakwa Isreali, elo walibaletele bonse pamo kuli wo. ¹⁴ Isreali wasumbwile ukuboko ukwa kulyo wakubikile pa mutwe wakwa Ephraim, uwali umwaice, no kuboko kakwe ukwa kuso pa mutwe wakwa Manasse. Wapusenye amaboko , epakuti manasse wali e beli. ¹⁵ Isresali wapalile Yusufu, nokutila, ''Les uo batata Abraham na Isaki balikwendako, Lesa uwansakamana ukufika nakubwa lelo, ¹⁶ Malaika uwampokolwele kufyakucena, enga pala aba balumendo. Lekeni ishina lyandi likenishiwe muli bo, elo namashina yaku batata Abraham na Isaki. Lekeni bakule ukufika ku mintapendwa mwi sonde.'' ¹⁷ Ilyo Yusufu wamwene Wishi wabiko ukuboko kwa kulyo pa mutwe wakwa Ephraim, tacamusansamwishe. Walibulile ukuboko kwa kwa Wishi nokusesesha pa mutwe wakwa Manasse. ¹⁸ Yusufu walandile kuli Wishi , ''Tafili fyo tata wandi; pantu uyu ebeli. Bikeni ukuboko kwa kulyo pa mutwe wakwe.'' ¹⁹ Wishi walikene watile, ''Ndishibile, we mwana wandi, Ndishibile. Nao akoba luko, nao akabo mukalamba. Lelo uwa mwaice akabo mukaamba ukucila wo, naba mubufyashi bwakwe bukaba imintampendwa munko.'' ²⁰ Isreali walibapalile bonse bulya bushiku muli aya mashiwi, ''Abantu ba mu Isreali, bakalanda amapalo mu mashina ukuti, 'Lekeni Lesa amucite ukuba ati Ephraim elo kwati ni Manasse.'' Muli uyu musango, Isreali wabika Epramu pamo pene na Manasse. ²¹ Isreali walandile kuli Yusufu, ''Mona, Ndi mupepi no kufwa, lelo Lesa akoba nobe, elo akakubwesesha kumpanga yaba wiso. ²² Kuli we, nga umo uli pa mulu waba wenu, nkokupela umutentemuko wa lupili uwo napokele ukufuma kuba Amorites ku lupanga naku buta.''