¹ Elyo Yosefu aishile ingila mukati elo no kweba Farao ati, ''Batata elo naba wesu, ifitekwa fyabo, ing'ombe shabo, elo nafyonse ifyo bakwata, balafikile ukufuma ku calo ca Kenani. Bona, bena bali mu calo ca Gosheni.'' ² Alisendele ba wabo ba sano elo no kuya kuba londola kuli Farao. ³ Farao asosele kuli ba wabo ati, ''Buahe ni ncito ndo mu bomba? ''Baishile kulanda kuli Farao ati, ''Aba bomfi bobe ni bakacema, kwati fikolwe fyesu.'' ⁴ Elyo baishile kweba Farao ati, ''Fwebo twishile nga abekashi abatalebebelela ukwikala mu calo. Takuli umulemfwe wa fitekwa fyaba bomfi bobe, pantu icipowe cilibipishe mu calo ca Kenani. Eco kanshi, twapapata leka aba bomfi bobe bekaleko mu calo ca Egypto.'' ⁵ Elyo Farao aishile kulanda kuli Yosefu, ukutila, ''Ba wiso elo naba wenu balishile kuli webo. ⁶ Icalo ca Egypto caba mu nsambu shobe. Ikalika ba wiso elo naba wenu ku ncende iyabune, mu calo ca Gosheni. Nga ulishibilepo abaume baku ncenjela pali bo, ubabike nga bakulolekeshapo pa fitekwa fyandi.'' ⁷ Elyo Yosefu ailekuleta Yakobo wishi no kumulangisha kuli Farao. Yakobo aishile kupala Farao. ⁸ Farao aishile kulanda kuli Yakobo ati, ''Wikala imyaka inga?'' ⁹ Yakobo aishile kulanda kuli Farao ati, ''Imyaka ya lwendo lwandi ili umwanda umo na makumi yatatu. Imyaka ya bwikshi bwandi ilifye iinono elo iyakukalipwa. Tashilepele kwati sha fikolwe fyandi.'' ¹⁰ Elyo Yakobo apalile Farao elo aishile kufuma ku cinso cakwe. ¹¹ Elyo Yosefu apele wishi elo naba wabo. Alibaputwilile incende mu Egypto, incende iya bune nganshi, mu calo ca Ramesses, pamo ngefyo Farao abakonkomeshe. ¹² Yosefu alikupela wishi ifilyo, ba wabo, elo naba mu ng'anda yakwa wishi bonse ukulinga nabo balikusunga. ¹³ Nomba tamwali ifyakulya mu calo conse; pantu icipowe calicililemo. Icalo ca Egypto elo ne calo ca Kenani fyalyonaikile pa mulandu ne cipowe. ¹⁴ Yosefu alikolongenye indalama shonse isho ishali mu calo ca Egypto elo namu calo ca Kenani, mukushitisha ing'ano kubekala calo. Elyo Yosefu atwele indalama kuli Darao ku cipango. ¹⁵ Ilyo indalama shonse ishamu calo ca Egyptoelo namu Kenani shapwile abena Egypto bonse balishile kuli Yosefu no kulanda abati, ''Tupeko ifyakulya! Cindo twinga fwila apoli pantu indalama shesu na shilipwile.''' ¹⁶ Yosefu aishile kulanda ati, ''Nga cakuti indalama shenu shilipwile, leteni ifitekwa fyenu elo na ndibo nala mipela ifyakulya mukukabushanya ne fitekwa fyenu.'' ¹⁷ Eico baliletele ifitekwa fyabo kuli Yosefu. Yosefu alibapele ifyakulya paku kabushanya naba punda, pafitekwa, elo naba kabalwe. Alibalishishe no mukate no kukabushanya ne fitekwa fyabo fyonse muli ulya mwaka. ¹⁸ Ilyo ulya mwaka wa pwile, baishile kwisa kuli ye mu mwaka wakonkelepo elo no kulanda kuli ye ati, ''Fwebo tatwafise nangu cimo kuli shikulu ukuti indalama shesu fwebo shilipwile, elo ne mikuni ya ng'ombe shonse shakwa shikulu. Takuli nangu cimo icishele ku menso yakwa shikulu, ukufumyakofye imibili yesu elo ne mpanga shesu. ¹⁹ Cindo twinga fwila mu menso yenu, fwebo elo ne mpanga shesu mukukabushanya ne fyakulya, elo fwebo ne mpanga shesu twalaba aba bomfi kuli Farao. Tupeni fwebo imbuto pakuti fwebo tube no mweo elo twifwa, elo ne mpanga shesu shi ikalafye.'' ²⁰ Eico Yosefu ashitile icalo conse ica mu Egypto ukushitila Farao. Eico umwina Egypto onse alishitishe inconde cakwe, pantu icipowe calicililemo. Muli iinshila, icalo conse caishile kuba cakwa Farao. ²¹ Lelo ku abantu bena, aishile kubacita abasha ukufuma ku mpela ya Egypto ukufika na kumpela ya mupaka umbi. ²² Ifyonde fye fya bashimapepo fyeka efyo Yosefu atashitile, pantu bashimapepo balikupoka amalipilo. Balikuya mu fyonde ifyo Farao abapele. Eico kanshi bena tabashitishe impanga shabo. ²³ Elyo Yosefu aishile kulanda ati, ''Moneni, Ndi mishitile elo ne mpanga shenu lelo muli Farao. Lelo buleni ishi imbuto, elo mubyale mu mabala. ²⁴ Pakusombola, mwebo muli nokupela icakulenga busano kuli Farao, kabili ne fiputulwa fine fikaba fyenu, ku mbuto shamu fyonde elo ne fyakulya fya bomusunga elo nefya bana benu.'' ²⁵ Bena bashile kulanda tai, webo wapususha imyeo shesu. Nga twingasanga uluse pa menso yenu. Fwebo tukabafye aba bomfi bakwa Farao.'' ²⁶ Eco Yosefu alipangile ifunde ilyo ilikonkwa mu calo ca Egypto ukushinta na pali lelo. Icakuti icakulengaa busano cakwa Farao. Fondefye fya bashimapepo efitali fyakwa Farao. ²⁷ Eco Israeli aikele mu Egypto, mu calo ca Gosheni. Abantu bakwe bali nonkelemo ifyuma mulya. Bena balifyalene elo no kusanduluka apakulu. ²⁸ Yakobo alikele mu calo ca Egypto imyaka ikumi limo na cine lubali, eco imyaka ya bumi bwakwa Yakobo yali umwanda umo na makumi yane na cine lubali. ²⁹ Ilyo inshta ya palamine iya kufwa kwakwa Israeli, aishile kukuta umwana wakwe Yosefu kabili no kwisa kumweba ati, ''Nga cakuti ndisangile uluse pa menso yobe, bika ukuboko kobe munshi ya matanta yandi, elo unange icishinka elo ne cicetekelo. Napatata nebo wikanshika mu Egypto. ³⁰ Ilyo nebo nkalala naba shifwe, webo ukampite ukumfumya mu Egypto elo no kunshika ku ncende ya fikolwe fyandi.'' Yosefu aishile kulanda tai, ''nebo nkacita ngefyo fine walanda.'' ³¹ Israeli aishile kulanda ati, ''Lapa kuli nebo,'' elo Yosefu aishile kulapa kuli ye. Elyo Israeli akontamikile umutwe musanshi bwakwe.