¹ Nomba icipowe cali citikile mu calo, lubali icipowe cakubalilapo icaliko mu nshiku sha kwa Abrahamu . Isaki walile kuli Abimelek, imfumu yaba Pelishiti pa Gerari. ² Nomba Yaweh walimonekele kuli wo kabili walandile, ''Wiya ukutentemukila ku Egyipito; ikala mu ncende iyo nkwebele ukwikalamo. ³ Ikala muli iyi incende, kabili nkaba nobe kabili ka kupala; pantu kuli we kabili na kubana bobe, nkapela incende ishi shonse, kabili nkafikilisha umulapo uwo nalapile kuli Abrahamu wiso. ⁴ Nkasandulula abana bobe nge ntanda sha mu mulu, kabili nkapela kubana bobe incende ishi shonse. Inko shonse isha pe sonde shikaba ishakupalwa ukupitila mu bana bobe. ⁵ Nkacita ifi pantu Abrahamu wali bebele ishiwi lyandi kabili wali sungile ifyo mfwaya, amafunde yandi, ifipope fyandi kabili na malango yandi.'' ⁶ Eico Isaki walikele mu Garari. ⁷ Ilyo abaume bakuli ilya incende bamwipwishe pa mukashi, walandile, ''Ni nkashiyandi.'' Alitinine ukulanda ati, ''Mukashi wandi,'' pantu watontonkenye, ''Abaume bamuli iyi ncende bako njipaya pakuti basende Rabeka pantu musuma saana. ⁸ Panuma Isaki waikele kulya panshita iyitali, Abimeleki imfumu yaba Pelishitiyaloleshe panse pansolokoto. Wo wamwene mona, Isaki wale cenya Rabeka umukashi wakwe. ⁹ Abimeleki, waitile Isaki kuli ye kabili walandile, ''Lolesha, icine cine mukashi obe. Ninshi walandile, ''Ninkanshi yandi?'' Isaki walandile kuli ye, ''Pantu natontonkenye umo kuti anjipaya noku musenda ye.'' ¹⁰ Abimeleki walandile, ''Findo ifi wacitiklekuli fwe? Umo pali aba bantu nga alele no mukashi obe kabili nga walitupele umulandu.'' ¹¹ Eico Abimeleki wasokele abantu bonse no kulanda , ''Onse uukoikata uyu mwaume nangula umukashi wakwe akepaiwa mu cine.'' ¹² Isaki walibyele ifilimwa mu ncende ilya kabili mumwaka umo wine walisombwelemo umwanda umo pafyo wabyele pantu Yaweh wali mupalile. ¹³ No mwaume waishile kuba umukankala, kabili ifingi mpakafye waishile kuba umukalamba sana. ¹⁴ Walikwete impanga ishingi kabili ne ngáombe, kabili naba bomfi bakwe abengi. Aba Pelishiti bali mufimbile. ¹⁵ Nomba ifishima fyonse ababomfi bakwa shibo baimbile mu nshiku shakwa Abrahamu shibo, aba Pelishiti bali baleseshe mukufishika ne loba. ¹⁶ Abimeleki walandile kuli Isaki, ''Kabiye ufume kuli fwe, pantu uuli namaka saana ukucila fwe.'' ¹⁷ Eco Isaki wafumine kulya kabili waikele mu ciswebebe ca Garari no kwikala kulya. ¹⁸ Nakabili Isaki waimbulwile ifishima fya menshi, ifyo baimbile munshikusha kwa Abrahamu wishi. Abapelishiti bali bakenye panuma yamfwa yakwa Abrahamu. Isaki waitile ifishima amashina yamo yene wishi wa fitile. ¹⁹ Ilyo aba bomfi bakwa Isaki baimbile mu ciswebebe, bali sangile icishima calekupaluluka amenshi. ²⁰ Bakacema bamu Gerari balilakile naba kacema bakwa Isaki, no kulanda, '' Aya Menshi yesu.'' Eco Isaki waitile cilya cishima ''Eseki,'' pantu bali lakile naye. ²¹ Kabili balimbile nacimbi icishima, kabili balilakile pali co, nakabili,eco alicipele ishina lya SItina.'' ²² Walifumine palya kabili walimbile nacimbi icishimbi, lelo tabalakilepopali cilya. Eco wa citile Rehoboti, kabili walandile, ''Nomba Yaweh alipangile umuputule kuli fwe, kabili tukafunguluka mu calo. ²³ Elyo Isaki waile ku Becesheba. ²⁴ Yaweh walimonekele kuli ye pali bulya bwine ubushiku kabili walandile, ''Nine Lesa wakwa Abrahamu wiso. Witina, pantu ndi nobekabili nkakupala kabili nkasandulula nabana bobe, pamulandu wa mubomfi wandi Abrahamu.'' ²⁵ Isaki wakulile icipailo kulya kabili waitile peshina lya kwa Yaweh. Palya epo wa pangile ihema, kabili aba bomfi bakwe bali mbilepo icishima. ²⁶ Elyo Abimeleki waile kuli wo ukufuma ku Gerari, na Ahusati, cibusa wakwe, kabili na fikoli umukalamba waba shilika bakwe. ²⁷ Isaki walandilekuli bo, ''Nindo mukoishila kuli ne, epo mwali mpata kabili mwalintamfya ukufuma kuli mwe?'' ²⁸ Elyo balandile, ''Tuli mwene icine cine ukuti Yaweh aliba muli we. Eco twafwaile ukuti pabe umulapo pakati kesu, ee, pakati kesu nobe. Eco leka tupange icipangano nobe, ²⁹ ukuti tawatonaule, ngefyo tatwakonawile, kabili no ku kutamfya mu mutende. Icine cine, walipalwa na Yaweh.'' ³⁰ Eco Isaki wabapangile umutende, kabili balilile no kunwa. ³¹ Balimine ulucelo celo kabili bali lapile umulapo kuli umo no munankwe. Elyo Isaki waba umine, kabili bali mushile mu mutende. ³² Bulya bwine bushiku aba bomfi bakwa Isaki balishile kabili balimwebele, pa cishima baimbile. Balandile, ''Tulisangile amenshi.'' ³³ Ye waitile icishima shiba, eco ishina lya ulya musumba ni Beresheba ukufika na lelo. ³⁴ Ilyo Esau wafishishe imyaka amakumi yane, walisendele umukashi wakwe, Judi umwana mwanakashi wakwa Beri umwina Hiti, kabili na Besemati umwana mwanakashi wakwa Eloni umwina Hiti. ³⁵ Baliletele isakamiko kuli Isaki na Rebeka.