¹ Mukutendeka, Lesa alengele imyulu ne isonde. ² Ne sonde lyalifye icimfulumfulu umwabulu nangu cimo. Imfimfi yali pamulu we tenga. Nomupashi wakwa Lesa waleshinguluka pamulu wa menshi. ³ Lesa alandile, ''Lekeni kube ulubuto,'' kabili kwali nolubuto. ⁴ Lesa amwene ulubuto, ati naluwama. Aakenye ulubuto ukufuma ku mfifi. ⁵ Lesa akutile ulubuto ''akasuba,'' nemfifi aitile ''ubushiku.'' Ici cali cungulo no lucelo, ubushiku bwantashi. ⁶ Lesa alandile, ''Lekeni pabe umupaka pa menshi, kabili lekeni kulekanye amenshi na menshi yabiye. ⁷ Lesa apangile umupaka no kulekanya amenshi ayo ayali pesamba lya mupaka ukufuma kumenshi ayali pamulu wa mupaka. Efyo cali. ⁸ Lesa aitile umupaka ''ulwelele.'' Ici cali cungulo no lucelo, ubushiku bwalenga cibilii. ⁹ Lesa alandile, ''Lekeni amenshi pesamba lya lwelele yakolongane pamo pancende imo, kabili lekeni umulundu uwa uma umonekele.'' Efyo cali. ¹⁰ Lesa aitile umulundu uwauma ''isonde,'' na menshi akolongana ayetile, ''babemba.'' ¹¹ Lesa alandile, ''Lekeni pesonde pameshe ifimena fyonse: Imiti ishi ponye nseke ne miti yafisabo iitwala ifisabo umuli inseke shafisabo, ukulingana mu misango ya iko.'' Efyo cali. ¹² Pesonde pafumishe ifimena fyonse, imiti ishiponya inseke ukulingana ne misango yashiko, ne miti iitwala ifisabo ifyo inseke shabamo, mu misango yashiko. Lesa amwene ati naciwama. ¹³ Ici cali cungulo no lucelo, ubushiku bwalenga shitatu. ¹⁴ Lesa alandile, ''Nakube ulubuto mulwelele ulwakulekanya akasuba kubushiku kabili lekeni fibe ifilangililo, kunshita, kunshiku ne myaka. ¹⁵ Lekeni fyena fibe lubuto mulwelele kukupela ulubuto pesondo.'' Califyo. ¹⁶ Lesa abumbile fibili ifyakubutisha ifikalamba, ulubuto ulukalamba ukuteka mu kasuba, nakulwacepesha ulubuto ukuteka munshitaya bushiku. Alipangile intanda kabili. ¹⁷ Lesa afibikile mulwelele kukupela ulubuto pe sonde, ¹⁸ kukuteka akasuba no ukuteka ubushiku, no kulekanya akasuba ku mfifi. Lesa amwene ati cawama. ¹⁹ Ici cali cungulo no lucelo, ubushiku bwalenga cine. ²⁰ Lesa alandile, ''Lekeni amenshi yesule ne mpendwa iikalamba iya fyamweo, kabili lekeni ifyuni fipupuke pamulu we sonde mumipaka walwelele.'' ²¹ Lesa alengele ify mweo ifikalamba ifya mu menshi, pamofye nefya mweo fyonse mumisango ya fiko, nefibumbwa ifisenya ifyaisula konse mumenshi, na fyonse ifipupuka ifya mapindo mu misango ya fiko. Lesa amwene ukuti naciwama. ²² Lesa alibapalile, alandile, ''Fyaleni kabili fuleni, no kukumana mu menshi yamulu bemba. Lekeni fyuni fifule pe sonde.'' ²³ Ici cali cungulu no lucelo, ubushiku bwakulenga busano. ²⁴ Lesa alandile "Lekeni sonde lifumye ifibumbwa fya mweo, cila cintu ukulingana mu musango wa ciko, ifitekwa, ifintu ifikulaika, ne fiswango fyape sonde, cila cintu ukulingana nomusango waciko.'' Cali ifyo fine. ²⁵ Lesa abumbile ifiswango pe sonde mumisango yafiko, ne fitekwa mu misango yafiko, na fyonse ifikulaika panshi mumisango ya fiko. Amwene ati naciwama. ²⁶ Lesa alandile, ''Natubumbe umuntu mucata cesu, uwakupalana naifwe. Nabakabe ukuteka isabi lya muli bemba, napa fyuni fyamulwelele, napa nama, nape sonde lyonse, napali fyonse ifikulika ifyo ifi kulika pesonde:'' ²⁷ Lesa alengele umuntu mucata cakwe. Ni mucata cakwe amulengele. Umwaume no mwanakashi efyo abalengele. ²⁸ Lesa abapalile no kulanda kuli bo, ''Fyalanani, no kufula. Isuleni pe sonde, no kuliteka. Kwateni ukuteka sabi lya muli bemba , napafyuni fya mulwelele, napali fyonse ifya mweo ifyenda pe sonde.'' ²⁹ Lesa alandile, ''Mona, Ine nimipela fyonse ifilimwa ifiponya inseke ifo ifili pamulu we sonde, na fyonse ifimuti ifitwala ifisabo ifyabamo inseke. Fikaba filyo kuli mwe. ³⁰ Kufiswango fyonse ifya mwi sonde, ku fyuni fyonse ifya mu mulu, na fyonse ifisenya pe sonde, kabili nakuli fyonse ifibumbwa ifipema ifya mweo namipela nemisalu yonse kukube filyo.'' Efyo cali. ³¹ Lesa amwene fyonse ifyo abumbile. Moneni, fyalifye bwino. Ici cali cungulo no lucelo, ubushiku ubwalenga mutanda.