¹ Nomba mu mweshi walenga ikumi na ibili uyu emweshi wa Adar, pabuashiku bwa lenga ikumi na shitatu, iyo ifunde lya mfumu ne cipope cali mupepi no kucitwa, pa bushiku ilyo abalwani ba ba Yuda balikusubila ukukwata amaka pali bo, calipilib ukile. Aba Yuda baishile ku kwata amaka pali bo aba aba bapatile. ² Aba Yuda balikolongee mu misumba yabo mufitungu fyonse ifya mfumu Ahasuerus, ku kubika pali abo abangesha ukuleta ubusanso pali bi. Tapali nangu umo uwingeminina na bo. Pantu umwenso wabo waliponena pa bantu bonse. ⁴ Fyonse eifilolo mu fitungu, abalashi ba fitungu, abalashi, kabili naba bomfi, balikwafwa aba Yuda pantu umwenso wakutina Mordekai wwaliponene pali bo. ³ Pantu Mordekai alicindikilwe mu ngánda ya mfumu, kabili no lulumbi lwakwe lwalisangene mu fitungu fyonse, pantu umwaume mordekai walikukuliko. ⁵ Aba Yuda balisanshile abalwani babo ku lupanga ukwipaya no kubonaula, kabili balicitile ifyo balikufwaya kuli abo ababapatile. ⁶ Mwisana lya Susa mwine aba Yuda balipaile no konaula abaume imyanda isano. ⁷ Balipaile Parshandatha, Dalphan, Aspotha, ⁸ Poratha, Adalia, Aridatha, ⁹ Parmashta, Arisai, Aridai, Vaizatha, ¹⁰ kabili balipaile abana abaume ikumi aba kwa Hamani umwana mwaume wakwa Hannedatha, umulwani waba Yuda. Nomba tabapitilepo ifipe. ¹¹ Ubo bishiku impendwa ya bo abaipaiwe mwisano lya Susa, yalyebelwe ku mfumu. ¹² Imfumu yalilandilwe kuli namfumu Esther, ''Aba Yuda balipaile abaume imyanda isano mwisano lya Susa, ukubikapo na bana baume bakwa Hamani ikumi. Nomba kabili cindo batile mufitungu ifyashala ifya mfumu? Nomba cindo ukofwaya? Cikopelwa kuli webo. Cindo ukulomba? cikipelwa kuli webo.'' ¹³ Esther walandile, "Nga cikosekesha imfumu, lekeni aba Yda abali mu Susa bapelwe insambu shakucita icipope cabuno bushiku na mailo na kabili lekeni imibili ya bana baume ba kwa Hamani ikumi ikulilwe pa fimuti.'' ¹⁴ Eco imfu yalipingwilwe ukuti ico cicitwe. Icipope cali pelwe mu Susa kabili abana abaume bakwa Hamani ikumi bali kulilwe. ¹⁵ Aba Yuda vabali mu Susa balishilepamo pa bushiku bwalenga ikumi na shine mu mweshi wa Adar, kabili no kwipailapo abaume imyanda itatu mu Susa, nomba vpa fipe fye kupita tabaiketepo. Aba ¹⁶ Yuda bambi abali mufitungu fya mfumu balishile pamo mukucingilila imyeo yabo, kabili balisangile ukutusha ku balwani babo no kwipaya amakana cine lubali na yasano ababapatile, nomba tabaikete kufipe fyaabo baipeye. ¹⁷ Ici cacitikile pa bushiku bwalenga ikumi na shitatu mu mweshi wa Adar. Pa bushiku bwalenga ikumi na shine balitishile no kucita ubo bushiku bwa mutebeto ne sansa. ¹⁸ Nomba aba Yuda abali mu Susa balikolongene pamo pa bushiku bwalenga ikumi na shitatu no bwalenga ikumi limo na shine. Pa bushiku bwalengaikumi na shisano balitushishe no kubucita ubushiku bwamutebeto ne nsansa. ¹⁹ Eico aba Yuda ba mumishi, abacita imishi yabo mu misumba inono iya mumishi, basunga ubushiku bwalenga ikumi na shine ubwa mweshi wa adar ngo bushiku bwa nsansa no mutebeteto, kabili ubushiku ubo batumina ifyabupe fyakulya kuli umo no mjnankwe. ²⁰ Mordekai walilembele fyonse ifi nokutuma ba kalata ku ba Yuda bonse abali mu fitungu fyonse ifya mfumu Ahasuerus, konse ukwipi no kutali, ²¹ ukubakonkomesha ukuti balekusunga ubushiku bwa lenga ikumi na shine no bushi bwalenga ikumi na cisano mu mweshi wsa Adar cila mwaka. ²² Inshi e nshiku ilyo aba Yuda balikusanga ukutusha ukufuma ku balwani babo, kabili no mweshi ilyo ubulanda bwabo bwali kusanguka insansa, kabili no kulosha ukuba ubushiku bwa kusefya , kabili ukutuma ifyabupe fya kulya kuli umo no munankwe, kabili ne fyabupe ku balanda. ²³ Eco aba Yuda balikonkenyepo ifyo bakucita , ifyo Mordekai wabalembele. ²⁴ Pali ilya nshita Hamani umwana mwaume wakwa Hammedatha umwina Agagi, umulwani waba Yuda bonse , walikupangila aba Yuda kukubalofya. ²⁵ Nomba ilyo umulandu waishile pa cinso ca mfumu, alipele amafunde ukupitila mu makalata ukuti ipange lya bubi ilyo Hamani akwatile aba Yuda lifwile ukwisa pa mutwe wakwe, kabili ena na bana bakwe abaume bakofwaika ukubakulika pa fimuti. ²⁶ Eco balikwita ishi nshiku ati Purim, panuma yeshina lyakwa Pur. Pa mulandu wafyonse ifyalembelwe muli uyu kalata, kabili na fyonse ifyo balikumona nefyali kucitika kuli bo, ²⁷ aba Yuda balisumine ulutambi no mulimo upya. Ulu lutambi lukaba lwabo, abana kufyalwa babo, kabili na onse uwailunda kuli bo. Cikalekuba ukuti bakale kusefya ishi nshiku shibili cila mwaka. Bakalekushisefya mu nshila imo pa nshita imo ine cila mwaka. ²⁸ Ishi shinku shifwile bakalekushibukisha no kushisefya mu nkulo shonse. cila lupwa, cila citungu, kabili cila musumba ishi nshiku sha ku Purim tashifwile ukushifilwa ukufuma paba Yuda, kabili no kwibukisha kwabo takufwile ukupwa ku bana kufyalwa babo. ²⁹ Na mfumu Esther umwana mwanakashi wakwa Abihail na Mordekai umu Yuda walilembele ne nsambu shonse ku kusuminisha uyu kalata wa cibili pali Purim. ³⁰ Bakalata bali tuminwe ku ba Yuda bonse mu fitungu 127 ifya bufumu bwakwa Ahasuerus, ukufwaila aba Yuda umutende ne cishinka. ³¹ Aya makalata yali kusuminisha inshiku sha Purim panshita sha shiko ishasontelwe, ngefyo Mordekai umu Yuda na namfumu Esther wakonkomeshe aba Yuda. Aba yuda balisuminishe uku kukomesha pal bo na bana kufyalwa babo, ngefyo fya basumine inshita sha kufunga ne sha bulanda. ³² Amashiwi yakwa Esther yali kusuminisha aya mafunde ya pali Purim kabili yalilembelwe mu citabo.