¹ Pali bulya bushiku imfumu Ahasuerus yalipele na mfumu Esther ifipe fya kwa Hamani, umulwani waba Yuda, kabili Mordekai alitendekele ukubomba pa cinso ca mfumu, pantu Esther alyebele imfumu ifyo Mordekai ali lupwa lwakwe. ² Imfumu yalifulile ininda minwe yakwe iyakufwatikilako nakuli Hamani, kabili walipele Mordekai. Esther alisontele Mordekai ukuba uwakwangalila inganda yakwa Hamani. ³ Elo Esther walisosele kabili ku mfumu. Alilele ubunkupeme panshi nokulila ilyo alikumupapatila ukuti engalesha ukupekanya ukwabubi ukwakwa Hamani umwina Agagi, kumapange acitile paba Yuda. ⁴ Elo Imfumu yalimishe inkoto kuli Esther, alimine no kwiminina pa cinso ca mfumu. ⁵ Walilandile, ''Nga cilisekeshe imfumu, kabili nga ndisangile ububile mu menso yakwe, nga icintu na cilinga pa cinso ca mfumu, kabili nga nkowamina mu menso yakwe, lekeni icippe cilembwe mukukanya ba kalata balembelwe na Hamani umwana umwaume wakwa Hammadatha umwina Agagi. Bakalata walembele ukuti bonaule aba Yuda mu fintu fyonse ifya mfumu. ⁶ Kuti nashipikisha shani ukumona ububi bukoponena pantu bandi? kuti nashipikisha shani ukumona uko balupwa bandi bako onaulwa?'' ⁷ Imfumu Ahasuerus walandile kuli na mfumu Esther na kuli Mordekai umu Yuda, Moneni, ndipele Esther ing'anda yakwa Hamani, kabili balimukulikile pafimuti, pantu ali nokusansa aba Yuda. ⁸ Lembeni icipope cimbi ica ba Yuda mwishina lya mfumu no ku cipampamika ne ninda minwe ya mfumu. Pantu icipope icalembelwe kale kale mwishina lya mfumu, no kupampamikwa ne ninda minwe ya mfumu tekuti calulwe ⁹ Kabili ba kalemba ba mfumu balitilwe pali ilya nshita, mumweshi wa butatu, uyu e mweshi wa Sivan, pa bushiku bwa lenga amakumi yabili na shitatu mu mweshi. Icipopee calilembelwe na fyonse ifyo Mordekai ali kulada palwa ba Yuda. CAlilembelwe ku balashi ba fitungu ifyali ukufuma ku India ukufika ku Cush, ifitungu 127. Kucitungu conse mumilembele ya ciko, kabili bonse mu lulimi lwabo kabili na ku ba Yuda mumilembele no lulimi lwabo. ¹⁰ Mordekai walilembele mwishina lya mfumu Ahasuerus no ku cipampamika ne ninda minwe ya mfumu iyakufwatikilako. Walitumine inkombe shapali bakabalwe bakalata, bakabalwe ba bulwi aba bali kubomfya mu milimo ya mfumu, abafyelwe kuli bakabalwe bakubufumu. ¹¹ Imfumu yalipele kuba Yuda mu musumba onse insambu shakulongana pamo no kwiminina mukupususha imweo yabo: Kukufwa, ukwipaya, kabili na mukonaula aba bulwi bonse ukufuma ku bantu nangu citungu icingabasansa, abana nabanakashi pamo, nangu mukubasampa ifipe fyabo. ¹² Ici cali no kucitwamu fitungu fyonse ifya imfumu Ahasasuerus, pa bushiku bwe kumi vlimo na shitatu mu mweshi we kumi na ibili uyu e mweshi wa Adar. ¹³ Icayambwilwe ica cipope cali nokupelwa nge funde mufitungu fyonse nokucingisha ku bantu bonse. Aba Yuda bali nokwipekanya ku kuilandwila ku balwani babo. ¹⁴ Eco inkombe shalininine pali bakabalwe ba kubufumu abo bali kubomfya ku mulimo wa mfumu. Balile ukwabula ukushingashinga. Icipope ca mfumu kabili calipelwe ukufuma mwisano lya Susa. ¹⁵ Kabili Mordekai walifumine pa cinso ca mfumu alifwele ifya kufwala fya bufumu ifya makumbi makumbi nokubuta, ne cilongwe icikalamba ica Golide ne cakufwala ica kashikila ica nsalu iya bune, kabili umusumba wa Susa waliweleshe no kusekelela. ¹⁶ Aba Yuda bali no lubuto ukusekelela, kabili insansa no kucindikwa. ¹⁷ Mucitungu conse na mu musumba onse, konse uko ishiwi ne cipope ca mfumu cafikile, kwali ukusekelela no kwanga pakati kaba Yuda, pantu umwenso wakutina aba Yuda waponene pali bo.