¹ Ico ne ngo mufungwa wakwa shikulu, nkomikonkomesha ukwenda abalungami no bwite ubo mwaitilweko. ² Nkomukonkomesha ukwikala mukuicefya ukukulu no kumakilila no mutekatima, ukumfwila umo nomutekatima, ukumfwila umo no munankwe mu citenwiko, ³ Mulekutita icisuma pakusunga ukwikatana kwa mu mupashi mukuba pamo mu citemwiko. ⁴ Kuli fye umubili umo no mupashi umo nge fyo nemwe mwaiitilwe mwisubilo limo ilya bwite bwenu. ⁵ Kabili kulifye shikulu umo , icicetekelo cimo, no liubatisho lumo, ⁶ na Lesa umo na tata wa bonse uwacila fyonse no kupitila muli fyonse nokuba muli fyonse. ⁷ Kuli umo na umo pali fwe icakuku calipelwa ukulingana ne cipimo ca bupe bwa kwa Kristu. ⁸ Cilingefyo amalembo yalanda:"Ilyo waninine mu mulu, watungulwile ba nkole mu mulu, kabili wapele ifyabupe ku bantu. ⁹ Cikopilibula shani, waninine ,'' ngacakuti walikile mufitungu fya panshi ifya pesonde? ¹⁰ Uwakile emuntu umo wine kabili uwaninine umutali ukucila yonse imyulu, ukuti wingesusha fyonse ifintu. ¹¹ Kristu wapele bamo ukuba abatumwa, bamo nga bakasesema , bamo nga ba kashimik, kabili bamo ngaba shimapepo naba kafundisha. ¹² Wapele ifi fiputulwa pa kubangasha abantu abamushilo bakwa Lesa ku mulimo wakutumika, pa kukula umubili wakwa Kristu. ¹³ Walikonkanyepo ukukula umubili wakwe mpaka fye bonse twafika ku kwikatana kwa citetekelo na mano ya mwana wakwa Lesa, no kutila takwaba abakushipa kufika pa cipimo cakwisulamo Kristu. ¹⁴ Kristu alatukula pakuti twiba abana banono abo bakosunka ku maba kunuma na kuntanshi, abakosendwa no mwela onse uwafishilano no bufi bwa bantu mu nshila sha bucenjeshi bwabo. ¹⁵ Lubali, ukulanda icishinka mu citemwiko, tuli no kukula mu nshila yonse muli ye uli e mutwe, uyu ni Kristu. ¹⁶ Kristu ulakuula umubili onse, kabili ulasuntinkanishiwa no kwikatishiwa pamo ne misepela shonse ishitungilila, kabili ilyo conse icipandwa cabombela, pamo, cilalenga umubili ukukula pakuti caikuula icine mu citemwiko. ¹⁷ Eico, nkolanda no ku konkomesha pali ici muli shilkulu ukuti mwilekwenda ifyo abena fyalo benda, muli bumpelwa mano yabo. ¹⁸ Balifilishiwa mukumfwa kwabo, ukufumaku bwikashi bwakwa Lesa ku mulandu wa bututu ubwabo mulibo, mulandu wa bunkosa mitima yabo. ¹⁹ Balisanguka abakubula insoni no kuinkumika abene kulingolola lwa lunkumbwa. Kabili balesha umusango onse uwa bubifi no bukako. ²⁰ Lelo ifi tefyo wasambilile pali Kristu. ²¹ Nkocetekela ukuti walyumfwapo pali ye, no kutilawalifundilwepo muli ye, ngefyo icishinka caba muli Yesu. ²² Walifundilwepo ukufula ifyalola kumano ya bwikashi bobe ubwa kunuma, ukufula umuntu wakale. Ni yu muntu wakale uwanaka pa mulandu no bucenjeshi bwa lunkumbwa. ²³ Walifundilwe ukuba umupya mu mupashi wa mano yabe, ²⁴ no kufwaya umuntu umupya uwapangwa mu cimpasho cakwa Lesa-mu bulungami ubwa cine na baushilo. ²⁵ Eico fumya ubufi, no kuleka onse pali mwe asose icishinka no mwina mjupalamano, tuli bamo bene umo no munankwe. ²⁶ Fulwa lelo wibembuka. wileka akasuba kawe mukufulwa kobe. ²⁷ Wipela ciwa ishuko. ²⁸ Uwalikwiba elekwiba nakabili. Lubali, alekubomba, alekubombela pa cisuma na maboko yakwe, pakuti engakwata ifya kwakanya nabo abakobulisha. ²⁹ Wileka isonso ibi ifume mukanwa kobe. Bomfya fye amashiwi ayasuma yekayeka pakusumbula abo abakofwaya, pakuiti amashiwi yobe yapele icikuku kuba koyomfwa. ³⁰ kabili wikalifya mupashi wa mushilo wakwa Lesa, pantu ni muli ye emo wa cingililwa pa bushiku bwe pusukilo. ³¹ Fula ubukali bonse, icifukushi, ukufulwa ukutalikana, ne nsele, no musango onse ubi. ³² Beni abasuma kuli cila umo abanakulila imitima, ukwelela umo no mjunankwe, ngefyo Lesa muli kristu aelele mwe.