¹ Pamulandu nefi ine, Paulo, umufungwa wakwa Kristu Yesu pamulandu wenu. ² Nga cine cine mwalyumfwa ukulashikwa kwa kusenaminwa kwa kwa Lea uko napelwe kuli ne nakuli mwe. ³ Ndelemba ukulingana no busokololo bapangile ubwaishibikwe kuli ne. Ifi ifyankama fya cishinka efyo nalembele mubwipi kuli mwe. ⁴ Nga mwa belenga ifi, mukaba abakumfwikisha mukati kafya nkama yacishinka pamulandu wakwa Kristu. ⁵ Munkulo shimbi ici icishinka tyacapangilwe ukwishibwa kubana babantu. Nomba casokolwele mumupashi kuba mushilo abatumwa bakasesema. ⁶ Ici cishinka cafiswe cakuti abena fyalo banesu bakapyana , kabili abanesu ba mwibumba lya mubili, kabili balikwete cakaniko cabulayo muli Kristu Yesu ukupitila mumbila nsuma. ⁷ Pantu nabelele umusha wa iyi mbilansuma ku bupe bwa luse lwakwa Lesa uwapelwe kuli ne ukupitila mu kubomba kwa maka yakwe. ⁸ Kuli ne-nangula ndi uwakucepesha pali bonse abantu abashila aba kwa Lesa-ukusenaminwakwalipelwe, ku kubila ku bena fyalo ubukankala bwakwa Kristu, ⁹ kabili ukubuleta palwalala ku muntu onse ubutantiko-Icankama icafiswa ku nkulo ne nkulo muli Lesa, uwapangile ifintu fyonse. ¹⁰ Ubu butantinklo bwalengelwe ukwishibikwa ukupitila mulukuta pakuti bakateka na ba mulopwe mu ncende sha mu myulu bengalekwishiba imbali ishingi isha mano yakwa Lesa. ¹¹ Ici ca citikile ukulingana no butantiko bwa muyayaya ubo apwilishishe muli Kristu Yesu shikulu wesu. ¹² Pantu muli Kristu tulikwete ukupama ne ncende no kushininkisha pamulandu wa citetekelo cesu muli ye. ¹³ Eico nkomipusha ukuti mwiba abakunenuka pamulandu wakupakaswa kwandi pali mwe, ukuli ebukata bvwenu. ¹⁴ Nipali ici nkopetekela amakufi yandi kuli Tata, ¹⁵ uo shinse ndupwa mumulu panonse shainikilwako. ¹⁶ Nkopepa ukuti engamipela, ukulingana no bukankala bwa bukata bwakwe, ukukoseleshiwa na maka ukupitiula mu mupashi wakwe, uli mu muntu wa mukati kenu. ¹⁷ Nkopepa kuli Kristu engekala mu mitima yenuukupitila mucicetekelo, ne nshila yenu no mufula mu cicetekelo cakwe, ¹⁸ pakuti mwingalekumfwikisha, pamo na bantu bonse abashila bakwa Lesa, ifili ubwipi, ukulepa, ubutali, kabili no kushika, ¹⁹ kabili no kwishiba icitemwiko cakwa Kristu, icikocila ukwishiba, pakuti mwingesushiwa no kufula ukwa kwa Lesa. ²⁰ Nomba kuli ye uyo uwingacita fyonse ukucila nefyo twipusha nangu ukutontonka, ukulingana namaka yakwe aya kubomba mulifwe, ²¹ kuli ye kube ubukata mufilonganino na muli Kristu Yesu ku nkulo shonse umuyayaya no muyayaya. Ameni