¹ Yalishile inshita panuma ya ici ukuti Absalom alipekenye iceleta na ab kabalwe bakwe umwine, kabili na baume amakumi yasano aba kubutuka nao. ² Absalom alyalamukile lucelocelo no kwiminina lubali lwanshila iyalikuya ku mpongoloya musumba. Ilyo umuntu uuli onse ukwete ifikansa ku mfumu ku kupingulwa Absalom alemukuta no ku mweba, ''Nikumusumba nshi wafuma?'' Elyo umuntu amwasuka, Umusha wenu afumine mu musumba umo mu misumba yamu Isreali.'' ³ Eco Absalom kuti alanda kuli o, ''Mona, umulandu obe ulifye bwino no kutambalala, nomba takuli nangu umo uyo imfumu yapela amaka ku kumfwa umulandu obe.'' ⁴ Absalom alundilepo, ''Nkomona ukuti nga nine nali imfumu mu calo, pakuti umuntu onse uukwete ifikansa nangu umulandu kuti aisa kuli ne, kabili kuti namuletela umulinganya!'' ⁵ Eco cali ukuti ilyo umuntu onse alikwisa kuli Absalom mukumucindika, Absalom alikufumya ukuboko kwakwe no ku mwikata no kumufyompa. ⁶ Absalom alikucita muli uyu wine musango kuli onse umwina Isreali uwalikwisa ku mfumu mukupingulwa. Eco Absalom walibile imitima ya bantu ba mu Isreali. ⁷ Cali ukuti pampela ya myaka yine elyo Absalom alandile ku mfumu, ''Napapata lekeni ndekuya no kuya pela umulapo uyo nacitile kuli Yahweh mu Hebroni. ⁸ Pantu umubomfi wenu alilapile ilyo nalikwikala pa Geshuri mu Aram, alandile, 'Nga Yahweh mu cishinkafye akambwesehse nakabili ku Yerusalemu elyo nkashishimuna Yahweh.''' ⁹ Eco Imfumu yalandile kuli o, ''Kabuye mu cibote.'' Absalom alimine no kuya ku Hebron.''' ¹⁰ Nomba elyo Absalom atumine inengu ukupita monse mu mikowa yakwa Isreali walandile, ''Ilyofye mukomfwa ukulila kwe penga mukalande, 'Absalom ni mfumu mu Hebroni.''' ¹¹ Absalom aile pamo na baume imyanda ibili ukufuma ku Yerusalemu, abaitilwe. Baile muli bukaele bwabo, ukwabula ukwishiba icili conse ukuti absalomalikwete amapange. ¹² Ilyo Absalom acili akopela amalumbo atumine Ahitofele ukufuma ku mushi wakwe ku giloh. Ali cilolo wakwa david. ukwikatana kwa bali na Abasalom kwakosele nganshi , pantu abantu abalemukonka balefulilakofye. ¹³ Inkombe yalishile kuli David no kulanda, 'Imityima ya bantu bakwa Isreali ikokonka Absalom.'' ¹⁴ Eco David alandile ku ba bomfi bakwe abali na o pa Yerusalemu, ''Imeni kabili natubutuke nga teifyo pali fwebo tapabe nangu nangu umo uukubutuka ukufuma kuli Absalom. Pekanyeni tulekuya nombaline, atemwa akoangufyanya ukutwikata, kabili akoleta ubusanso pali fwebo no kusansa umusumba ku lupanga.'' ¹⁵ Ababomfi ba mfumu balandile ku mfumu, 'Moneni ababomfi benu bali abakuipekanya ukucita conse ico cibinda wesu imfumu yasala.'' ¹⁶ Imfumu yalile no lupwa lwaiko panuma yaiko, nomba imfumu yalishileko abanakashi ikumi limo, abali impokeleshi mukusunga icipanga. ¹⁷ Panuma imfumu yalile na bantu bonse abo yali nabo balimine pa ng'anda ya kulekeleshako. ¹⁸ Abashilika bakwe bonse baile nao kabili aile na bonse abena Kereti, kabili na onse aba Peleliote, kabili na bonse aba gittile-abaume imyanda mutanda abamukonkele ukufuma ku Gati. ¹⁹ Elyo imfumu yalandile kuli Ittai umwina Gittite, ''Nindo watukonkela? Bwekelamo no kuyaikala ne mfumu, pantu uli mwina fyalo kabili uli nkole bwekelamo ku ncende yobe. ²⁰ Apo wafumineko mailo, nondo ningakulekela ulekululumbafye pamo nafwe? Nteshibile noko nkoya. Eco bwelelamo nokuya kubula abena fyalo banobe, kabili kuti baya nobe mu citemwiko icapwililika ne chishinka.'' ²¹ Nomba Ittai alyasukile imfumu no kulanda, ''Napalifye Yahweh, kabili napalifye cibinda wandi imfumu, icine cine fye kuncende iili yonse uko cibinda wandi imfumu ikaya, kulya kwine eko no mubomfi wenu akaya, nangula cipilibule umweo nangu imfwa.'' ²² Eco David alandile kuli Ittai, ''Kabuye kuntanshi no kuya na fwebo.'' Eco Ittai umwina Gittite waile ne mfumu, capamo na baume bonse abali nao ne ndupwa shonse ishali nao. ²³ Icalo conse calililile na mashiwi yakupundisha ilyo abantu bonse balikutapuka nelyo imfumu ine kumo kwine yalikutapuka. Abantu bonse balikwenda mu musebo ukulungama ku ciswebebe. ²⁴ Na Zadok pamo na bena levibonse, nabasenda ne cipao ca cipangano icakwa Lesa, epo bali. Babikile icipao icakwa Lesa panshi, kabili elyo Abiata ailundileko kuli bo. Balipembele mpakafye abantu bonse bapita ukufuma mu musumba. ²⁵ Imfumu yalilandile kuli Zadoki, ''Sendeni icipao cakwa Lesa mucibwekeshe mu musumba. Nga nasanga ukusenaminwa mu menso yakwa Yahweh, akambwesesha kuno kwine no kunangisha nakabili icipao ne ncende uko ekala. ²⁶ Nomba nga alanda, 'nshisansamukilemo muli webo, mona, pano epo ndi, kuti ancita icili conse ico amana kuti cisuma umwine.'' ²⁷ Imfumu nayo yalandile kuli Zadoki shimapepo, ''Bushe takuli kamona? Bwelela mu musumba mu cibote , nabana baume bobe babili, Ahimas umwana obe na yonatani umwana mwaume wakwa Abiatta. ²⁸ Mona, nkolekupembela pa mawanga ya Araba mpakafye ishiwi likafumekuli we ku kungibukisha.'' ²⁹ Eco Zadoki na Abiatta basendele icipao cakwa Lesa ukucibwesesha mu Yerusalemu no kwikala kulya kwine. ³⁰ Nomba David walitentemukile ne nkasa shekashekafye no kuya mukulosha palupili lwa Miolife, no kumutwe wakwe alifimbileko. umuntu onse uwali nao alifimbile ku mutwe, kabili balikuya bakolila ilyo balikwenda. ³¹ Umo baebele David no kulanda, ''Ahitofele ali pabekatene na absalom.'' Eco David alipepele, ''Yahweh napapata pilibuleni ukupanda amano kwa kwa Ahitofele mu bungwa.'' ³² Cali ilyo David afikile pa mulu wa musebo, apo baleshinshimwina Lesa, hushai umwina Arkiti waishile ku kumukumanya ne saba lyakwe ilyakulepuka no lukungu pa mutwe wakwe. ³³ David alandile kuli o, ''Nga mwaenda nandi, lyena kuti mwaba icisendo kuli ne. ³⁴ Nomba nga wabweliulukila ku musumba no kulanda kuli Absalamu, 'Nalaba umubomfi obe, we mfumu, ngefyo nali umubomfi wakwa wiso mushinta yapita, eco efyo nalaba umubomfi obe; elyo ukamfulunganishishako ukupanda amano kwa kwa Ahitofele. ³⁵ Bushe tauli naba shimapepo Zadoki na Abiata pamo nobe? Eco conse ico ukomfwa mu musumba wa mfumu, ukebeko Zadoki na Abiata bashimapepo ico cintu. ³⁶ Umone ukuti bali pamo na bana babo babili abaume, Ahimas, umwana mwaume wakwa Zadoki, kabili na yonatani umwana mwaume wakwa Abiata, Ufwile ukutuma kuli ne mu minwe yabo icintu conse ico ukomfwa.'' ³⁷ Eco Hushai, cibusa wakwa David, waishile mu musumba ilyo Absalom afikile mu musumba ilyo Absalom afikile no kwingila mu mu Yerusalemu.