¹ Nomba Yoab umwana mwaume wakwa Zeruah alishibile ukuti mu mutima wa mfumu muli ukufuluka ukumona Absalomu. ² Eico Yoab atumine ishiwi ku Tekoa no kuyaletako umwanakashi wa mano kuli ye. Walandile kuli wo,''Napapata ilufyanye nga uulelosha no kufwala ifyakula fya malilo. Napapata wisuba mafuta, lelo ube nga mwanakashi uwalosha uwafwa inshitantali. ³ Elyo eyo kufumu no kusosa kuli yo pafyo nalalondolola.''Eico Yoab alimwebele amashiwi ayo alingile ukuya landa ku mfumu. ⁴ Ilyo umwanaka ukufuma ku Tekoa wasosele kumfumu, alilele ukukontamika icinso cakwe panshi no kulanda,''Ngafweni mwe mfumu. '' ⁵ Imfumu yalandile ku o,'' Cindo calubana?'' Walyasukile,'' Icishinka cakuti ndi mukamfwilwa, no mulume wandi ali fwa. ⁶ Ine, ne mubomfi obe, nakwete abana baume babili, kabili balikulwa mwi bala, kabili takwali wabalamwinako. Umo alyumine umubiye no kumwipaya. ⁷ Nomba umukowa onse ulimine umubomfi wenu, kabili bakolanda, ''Tupepe mu minwe yesu umwaume umwaume wabo, pakuti tumwipaye, pakulipila pa mweo wakwa wabo uyo epeye. Epakuti balofye impyani muli co balefunye ilasha ilikoaka ilyo nshelefye nalyo, kabili basha pa mulume umwana kufyalwa pa samba lya calo.'' ⁸ Eico imfumu yalandile ku mwanakashi, ''kabuye ku nga'nda yobe, kabili nkakonkomesha icintu cimo ukucitika pali we.'' ⁹ Umwanakashi wa ku Tekoa alyasukile mfumu, ''Mwe cibinda wandi, Imfumu umulandu kaube pali ine kabili a apa bena tata. Imfumu ne cipuna caiko tafyakwata mulandu.'' ¹⁰ Imfumu yalyasukile, ''Uyo onse uukalanda icintu kuli we, ukamulete kuli ne, kabili takakukumyemo nakabili iyo.'' ¹¹ Elyo alandile, ''Napapata, mba imfumu ingakwata kwibukisha Yahweh Lesa wenu, pakuti kalandula wamulopa ekonaulaponangu umo kabili, pakuti bekonaula umwana wandi.'' Imfumu yalyasukile, ''Napali fye Yahweh umumi, talwakabe nangu umo umushishi wa mwana obe uukaponena panshi.'' ¹² Elyo umwanakashi walandile, ''Napapata lekeni umubomfi wenu asose kabili ishiwi kuli cibinda wandi imfumu. ''Yalandile konkanyapo ukusosa.'' ¹³ Eco umwankashi alandile, Cindo ico mwasangila icintu ca musango uyu ku bantu bakwa Lesa? pantu pakulanda ici cintu, imfumu yali ngo muntu umo uuli no mulandu, pa mulandu wakuti imfumu tayabweseshe nakabili umwana uwatamfiwe. ¹⁴ Pantu fwebo bonse tufwile ukufwa kabili tuli nga menshi ayapongolwelwa pa manshi ayo, batangalonganya pamo nakabili. Nomba Lesa takasende umweo; mu cifulo caifyo alafwailisha inshila ya abao abasendwa ukubweseshiwamo. ¹⁵ Nomba elyo, ukamona ukuti nalishilekusosa ici cintu kuli cibinda wandi imfumu, nico nipamulandu wakuti abantu balindengele ukuba no mwenso. Eco umubomfi wenu ailandile umwine, 'Nalasosa nomba ku mfumu . Kuti caba ukuti imfumu yabombelapo pe lipusho lya mubomfi waiko. ¹⁶ Kuti limbi imfumu yakutikako kuli ne no kupokolola umubomfi waiko ukufuma ku kuboko kwa muntu uwingangonaula pamo no mwana wandi ukufuma mufyabupyani Lesa atupele.' ¹⁷ Elyo umubomfi wenu apepele, 'Yahweh, napapata lekeni ishiwi lya kwa cibinda wandi imfumu limpe ukupemwina, pantu nga malaika wakwa Lesa, efyo na cibinda wandi imfu mu kweba icabune kufuma ku cabubi.' Kanshi Yahweh Lesa wenu abe nenu.'' ¹⁸ Elyo imfumu ya asukile no kulanda kumwanakashi, ''Napapata wimfisa nangu kamo paco nalakwipusha.'' Umwanakshi alyasukile, ''Lekeni cibinda wandi imfumu nomba isose.'' ¹⁹ Imfumu yalilandile, ''Bushe takuli kuboko kwakwa Yoab uli nako muli ifi fyonse?'' Umwanakshi alyasukile no kulanda, ''Napalifye umweo wenu mwe cibinda wandi imfumu, tapali nangu umo ku kuso ukufuma kucintu conse ico cibinda wanadi imfumu yasosa mubomfi wenu Yoab ewacinkonkomesha no kunjeba ukulanda ifi fintu ifyo umubomfi wenu asosele. ²⁰ Umubomfi wenu Yoab acitile ifi pakwalula umulandu wacikocitika. Cibinda wandi wandi wa mano, nga amano yakwa malaika wa kwa Lesa, kabili alishibile ifintu fyonse ifikocitika mu calo.'' ²¹ Eco imfumu yasosele kuli Yoab, ''Lolesha nomba, Nalacita ici cintu. kabuye elyo, kabili kabweshe umulumendo Absalom.'' ²² Eco Yoab akontamikile cinso cakwe panshi mukucindika no kusansamusha imfumu. Yoabu wasosele, ''Lelo umubomfi wenu aishiba ukuti ndisangile ububile mu menso yenu, cibinda wandi imfumu, muli ci cakutiimfumu ilicitile ico umubomfi waiko epwishe.'' ²³ Eco Yoab alimine, aile ku Geshuri, kabili no kubwesha Absalom ku Yelesalemu. Imfumu yalandile, ''Kuti abwelelamo ku ng'anda kwakwe, nomba talingile kumona impumi yandi. '' ²⁴ Eco Absalom ayalukile ku ng'anda kwakwe, nomba tamwene impumi ya mfumu. ²⁵ Nomba mu Isreali monse tamwali nangu umo uwingatatakulwa pakuyemba kwakwe ukucila Absalom. Ukufuma panshi yalukasa lwakwe ukushinta fye napa mulu wa mutwe wakwe tapalipo ubulema muli wo. ²⁶ Ilyo alikubeya imishishi ya ku mutwe wakwe pakupwa kwa cilia mwakwa, pantu yalikumufinya, alikupimisha imishishi yakwe;ukulema kwaiko kwalikuba amashekele cikanga imyanda ibili, iyalikupiminwa pa cipimo ca mfumu icasuminishiwa. ²⁷ Kuli Absalom kwafyelwe abana baume batatu no mwana mwanakashi umo, uyo ishina lyakwe ali ni Tamari. Ali umwanakshi uwayemba. ²⁸ Absalom aikele imyaka ibili iituntulu mu Yelusalemu, ukwabula ukumona impumi ya mfumu. ²⁹ Elyo Absalom atumine ishiwi kuli Yoab ku ku utuma ku mfumu, nomba Yoab taishile kuli wo. Eco Absalom alitumine ishiwi umuku wa bubili, nomba Yoab nalyoline taishile. ³⁰ Eco Absalom alandile ku muba bomfi bakwe, ''Moneni, ibala lyakwa Yoab lipalaminefye ne lyandi, kabili alikwete imyangashi kulya. Kabuyeni no kuyasontekamo umulilo. ''Eco ababomfi bakwa Absalom balisontekelemo umulilo mwibala. ³¹ Elyo Yoab alimine no kwisa kuli Absalom ku ng'anda yakwe, kabili walandile kuli wo, ''Cindo ababomfi bobe basontekele ibala lyandi ku mulilo?'' ³² Absalom alyasukile Yoab, ''Lolesha, Nacituma ishiwi kuli we nacilanda , 'Isa kuno pakuti ntume ku mfumu ku kuyalanda, ''Nindo naishile ukufuma ku Geshuri? Nga calibgwamine nebo nanombaliline ukuba kulya. Nomba kanshi leka mbone impumi ya mfumu, kabili nga nasangwa no mulandu, kaikanjipaye fye.''''' ³³ Eco Yoab walile ku mfumu no kuya yeba. Ilyo imfumu yakutile Absalom walishile ku mfumu nokukontama panshi ukufika fye na pa mushili ku cinso ca mfumu, kabili imfumu yatomwene Absalom.