¹ Mu mwaka wa bubili uwa mfumu Yoashi umwana mwaume wakwa Yehoahasi, imfumu ya Israeli, Amasia umwana mwaume wakwa Yoashi, imfumu ya mu Yuda, aishile kutampa ukuteka. ² Ena ali ne myaka ibili na isano isha kufyalwa uluntu aishile kutampa ukuteka; aishile kuteka imyaka amakumi yabili na pabula mu Yerusalemu. Banyina ishina lyabo bali ni ba Yehoadani, aba mu Yerusalemu. ³ Ena aishile kucita ifya bune mu menso yakwa Yahweh, lelo tafyali nga ifyakwa Davidi wishi. Acitile fyonse ifyo Yoashi, wishi, acitile. ⁴ Lelo incende sha kusumbuka isha kupepelamo tashalikupokwa. Abantu bakonkenyepo ukupela amalambo elo ne fyakoca ifya cena cabune pa ncende shakusumbuka ishakupepelamo. ⁵ Caishile mukwisa icakuti lilya linefye ubutekeshi bwakwe bwaishile kutunguluka ena aishile kwipaya ababomfi abo abaipeye wishi, imfumu. ⁶ Lelo ena talengele ukuba abaipaiwa abana baume bakepaya; lelo ena aishile kucita ukulingana nefyalembelwe mwi buku lya mafunde ilya kwa Mose, nga fintu Yahweh akonkomeshe, ukulanda ati, ''Bashibo tabafwile ukwipaiwa pa bana babo, nangula abana ukwipaiwa pa mulandu wa bafyashi babo. Lelo, cila umo alingile ukwipaiwa pe sambi lyakwe. ⁷ Ena aishile kwipaya abashilika amakana ikumi limo aba mu Edomu mu mupoka poka wa Mucele, ena kabili aishile kusenda na Sela mu bulwi nokwisa kucita ukuti Yoktele, ifi efyo citwa ukufika napali lelo. ⁸ Eluntu Amasia aishile kutuma inkombe kuli Yoashi umwana mwaume wakwa Yehu imfumu ya Israeli, ukulanda ati, ''Isa, leka fwebo tubonane amenso na menso mu bulwi.'' ⁹ Lelo Yoashi aishile kutuma inkombe ukubwelelamo kuli Amasia imfumu ya Yuda, ukulanda ati, ''Icimenwa camyunga icali mu Lebanoni caishile kutuma inkombe ku Kedari uwali mu Lebanoni, ukulanda ati, ''Peleni abana banakashi benu ku bana baume bandi abaume ku kuba abakashi,' lelo icinama ca mpanga calyendele no kunyanta icimenwa camyunga. ¹⁰ Webo mucine cinefye uli sanshile Edomu, elo no mutima obe uli kusansabike webo. Ulisendele icilumba mukucimfya kobe, lelo ikala pa ng'anda, bushe cindo wingailetela amafya no kuwa, bonse pamo na Yuda uuli nobe?'' ¹¹ Lelo Amasia taumfwile. Eico Yoashi imfumu ya Israeli ya sanshile elo ena na Amasia imfumu ya Yuda bakumene amenso na mesno pa Beti Shemeshi, icali kulubali lwakwa Yuda. ¹² Yuda bali mucimfishe kuli Israeli, elo na onse umwaume aishile kufulumuka ukubwekela ku ng'anda. ¹³ Yoashi imfumu ya Israeli, yaikele Amasia, imfumu ya Yuda umwana mwaume wakwa Yehoashi umwana mwaume wakwa Ahasia, pa Beti Shemeshi. Aishile kwisa ku Yerusalemu no kwisa kutoba ukuponya ifibumba fya Yerusalemu ukufuma pa Mpongolo ya Efulemu ukufika na pe tungi lya Mpongolo, imikono imyanda yine mu ntamfu. ¹⁴ Ena aishile kusenda yonse golide elo na silfere, ne fipe fyonse ifyalekusalangwa mu ng'anda yakwa Yahweh, elo ne fintu fyonse ofya cindama ifyali mu cipango ca mfumu, pamo na banatu abo basendele muli bu nkole, nokubwelelamo ku Samaria. ¹⁵ Lelo pa milandu imbi iikumine Yehoashi, na fyonse ifyo acitile, amaka yakwe, elo na fintu alwile na Amasia imfumu ya Yuda, bushe tafyalembwa mu mabuku ya ficitwa fya mfumu sha bena Israeli? ¹⁶ Eluntu Yehoashi aishile kulala pamo ne fikolwe fyakwe no kumushika mu Samara pamo ne mfumu sha Israeli, na Yeroboamu, umwana mwaume wakwe, aishile kuba imfumu pa cifulo cakwe. ¹⁷ Amasia umwana mwaume wakwa Yoashi, imfumu ya Yuda aikele imyaka ikumi limo na isano panuma yamfwa yakwa Yehoashi umwana mwaume wakwa Yehoahasi, imfumu ya Yuda. ¹⁸ Lelo pamilandu imbi iikumine Amasia, bushe tafyalembwa mu mabuku ya ficitwa fya mfumu sha bena Yuda? ¹⁹ Bena balimupingile Amasia mu Yerusalemu, na ena epakufulumukila ku Lakishi. Ena aishile kufulumukila ku Lakishi, lelo bena baishile kumutumina abaume ku Lakishi no kumwipaila kulya kwine. ²⁰ Bena balimuseshe pa maceleta, elo ena bamushikile pamo ne fikolwe fyakwe mu musumba wakwa Davidi. ²¹ Bonse abena Yuda baishile kubula Asaria, uwali ne myaka ikumi limo na mutanda, no kumubika ukuba imfumu pa cifulo cakwa wishi Amasia. ²² Ni Asaira ewaishile kukula Elati elo no kubwesesha yena kuli Yuda, panuma imfumu Amasia afwile no kulala pamo ne fikolwe fyakwe. ²³ Mu mwaka walenga ikumi limo na isano uwakwa Yoashi imfumu ya Yuda, Yeroboamu umwana mwaume wakwa Yehoashi imfumu ya Israeli yalitampile ukuteka mu Samaria; ena atekele imyaka amakumi yane na umo. ²⁴ Aishile kucita ifibi mu menso yakwa Yahweh. Tapatwikeko kwi sambi nangula limo ilya kwa Yeroboamu umwana mwaume wakwa Naboti, uwalengele Israeli ukuba ne sambi. ²⁵ Aishile kubwekeshapo imipaka ya Israeli ukufuma ku Lebo Hamati kuli Bemba wa Arabati. mukukonkana na mafunde ya mashiwi yakwa Yahweh, Lesa wakwa Israeli, ayo alandile ukupitila mu mubomfi wakwe Yona umwana mwaume wakwa Amihai, kasesema, uwaku Gati Hefere. ²⁶ Pantu Yahweh alibwene ukucula kwakwa Israeli, ukuti kwali ukwabipa kuli onse, abasha na ba ntungwa, elo nokuti tapali uwakupususha Israeli. ²⁷ Eico aishiel kulanda ati ntakafumyepo ishina lyakwa Israeli panshi ya calo; lelo ena aishile kubapususha bena kukuboko kwakwa Yeroboamu umwana mwaume wakwa Yehoashi. ²⁸ Lelo pamilandu yimbi iikumine Yeroboamu, na fyonse ifyo acitile, na maka yakwe, ifyo ena ali kulwa ubulwi no kupokolola Damascus elo na Hamati, ifyo ifyali fyakwa Yuda, kuli Israeli bushe tafyalembwa mu mabuku ya ficitwa fya mfumu sha Israeli? ²⁹ Yeroboamu aishile kulala pamo ne fikolwe fyakwe, pamo ne mfumu sha Israeli, elo na Sakaria umwana mwaume wakwe aishile kuba imfumu pa cifulo cakwe.