¹ Uvayevudzire kuti vazviise pasi pevabati nevanesimba, kuti vateerere, kuti vave vanhu vakazvigadzira kubata mabasa eshe akanaka, ² varegere kurevera mumwe zvakaipa, varegere kuva negakava, vave vanyoro, vaitire vanhu veshe vunyoro bweshe. ³ Nokuti nesuvo kare taiva vekusafunga, tisingateereri, takarashika, tiri varanda vekuchiva kujinji nevezveshe zvinofadza, tigere mukati mekushata negodo, tichivengwa, tichivengana. ⁴ Asi vunyoro bwaMwari, Muponesi wedu, nerudo rwake kuvanhu, zvakati zvavonekwa, ⁵ Ena wakatiponesa, nenjira yekushambidzwa kokuberekwa kutsva nokuvandudzwa neMweya Mutsvene, asingazviiti nekuda kwamabasa akanaka, etakanga taita , asi ngekuda kwenyasha dzake. ⁶ Ishe waakadurura echiwanza pamusoro pedu Mweya Mutswene, naJesu Kristu Muponesi wedu, ⁷ kuti isusu, ticheneskwe nenyasha dzake, tiitwe varhii venhaka nekuda kwetariro yeupenyu usingaperi. ⁸ 8 Ishoko rechokwadi. Ndinoda kuti urekete kwazvo zviro izvi, zvokuti avo vakatenda Mwari vachenjere kuti varambe vechiita mabasa akanaka. Ndizvo zvakanaka, zvinobatsira vanhu. ⁹ Asi unzvenge mubvunzo yeuupenzi, nemazita emadziteteguru, negakava, nokukakavara pamusoro pemurairo, nokuti hazvina maturo, hazvinabasa. ¹⁰ Munhu unodzidzisa zvakatsauka, kana arairwa kamwe norwechipiri, umurambe, ¹¹ zvaunoziya kuti wakadaro wakatsauka, unotadza, wazvipa mhosva emene. ¹² Kana ndechituma Artema kwauri, kana Tikiko, ushingaire kuvuya kwendiri Nikopori, nekuti ndiko kwendichagara chando. ¹³ Kasikira nekutumira Zenasi, nyanzvi yemutemo, naAporo, nezviro zveshe zvavanoda. ¹⁴ Vanhu vedu ngavadzidzevo kuramba vechiita mabasa akanaka, kuti vabatsire panoshaikwa zvinofanira kuvapo, kuti varegere kuva vanhu vasinazvibereko. ¹⁵ Veshe vari kwendiri vanokukwazisa. Ndikwazisire avo vanotida pakutenda. Nyasha ngadzive nemwi mweshe.