¹ Hino iwewe, taura zvakafanira dzidziso yakanaka. ² Varume vakuru ngavave vakasvinuka, vanokudzwa, vakangwara, vakachena pakutenda, neparudo, napekutsungirira ³ Sezvo vakadzi vakuru ngavave nemufambire wakafanira vatsvene, vasingacheri, kana kuda waini zinji, asi vave vadzidzisi vezvakanaka; ⁴ kuti vadzidzise vakadzi vadoko, kuti vade varume vavo, nekuda vana vavo, ⁵ nekuva vakangwara, vakachena, vanogara pamusha, vakanaka, vanoteerera varume vavo, kuti shoko raMwari risahungurwa. ⁶ Ndizvo ndizvo, varume vadoko uvaraire kuti vave vakangwara. ⁷ Pazviro zveshe newe wumene uvaratidze kombidzo yemabasa akanaka; uve nokusakanganisa pakudzidzisa, nemugarire unokudzwa, ⁸ nekutaura kwakanaka, kusingagoni kushoorwa, kutiunopesana nesu anyadziswe, asi nechiro chakashata chaangareva pamusoro pedu. ⁹ Varanda ngavazviise pasi pavatenzi vavo, vavafadze pazviro zveshe, vasingakakavari; ¹⁰ asingabi, asi varatidze kutendeka kwakanaka keshe, kuti vashongedze dzidziso yaMwari, Muponesi wedu, pazveshe. ¹¹ Nokuti nyasha dzaMwari dzakaonekwa, kuti dziponese vanhu veshe, ¹² Dzechitidzidzisa isusu kuti tirambe kusanamata Mwari nekuchiva zvenyika, tirarame nekungwara, nekunaka, nokunamata Mwari panguva ino, ¹³ takatarira tariro inofadza, nokuvonekwa kekugwinya kwaMwari mukuru, neMuponesi wedu, Kristu Jesu. ¹⁴ Wakazvipa nekuda kwedu, kuti atidzikinure pazvisakanaka zveshe, kuti azvinasire vanhu vave vake chaivo, vanhu vanoshingairira pamabasa akanaka. ¹⁵ Dzidzisa zviro izvi, uraire nekuanga nesimba reshe. Pasina anoku yeisa.