¹ Phauri, mupostori waKristu Jesu ngekuda kwaMwari, vakacheneswa vari muEfesu, avo vanogondeka munaKristu Jesu. ² Mwari Baba edu naMambo Jesu Kristu ngavamupe nyasha nekunyarara. ³ Ngaakudzwe Mwari naBaba aMambo wedu Jesu Kristu, uwo wakatifumisa munaKristu ngezvifumiso zveshe zvomweya mundau dzomudenga. ⁴ Kusati kwasikwa nyika, Mwaari wakatisarudza munaKristu kuti tiwe vakacheneswa nevasina ndaa pamberi pake. ⁵ Mwari Wakatiemesa kare kuti tiiwe vana vake kubudikidza ndiJesu Kristu, kudai runaka rokuda kwake. ⁶ kuti tikudze Mwari ngendaa youthende wenyasha dzake dzaakatipa pasina muripo kubudikidza ngoUnodikanwa. ⁷ Muna Jesu Kristu, tinakwo kuripirwa kubudikidza ngengazi yake, ndikwo kukungurirwa kwezvishaishi mzvedu, kudai ngouwandu hwenyasha dzake. ⁸ idzo dzaakapa ngokuwanzisa kwetiri. Muungwaru weshe nokuzwisisa. ⁹ Mwari wakaita kuti tizie kushamisa kwakafishika kwekuda kwake, kudai ngebiningidzo rake raakaemesa munaKristu, ¹⁰ kudai ngourongwa hwokuzarisika kwenguva, kuti aunganidze zviro zveshe mwaari Kristu, zviro zvemudenga nezviro zvemunyika. ¹¹ MunaKristu takaitkwa nhaka, takaketwa kare dai ngebiningidzo reuwo unoshanda zviro zveshe kudai ngekuronga kwekuda kwake. ¹² kuti tiite kukudzwa kwouthende wake, isusu takatanga kutenda kuna Kristu. ¹³ MunaKristu, imwimwiwo, mwakazwa izwi regwinyiso, vhangeri rekuponeswa kwenyu, nemwi mwakatendawo mwaari, mwakaiskwa ruphau reMweya Wakachena womwakagondiswa, ¹⁴ uwo ndiwo chigondiso chenhaka yedu, metsa kuripirwa kwenhaka yemene, kuita kukudzwa kwouthende wake. ¹⁵ Ngeyii ndaa neniwo, ndakati ndazwa ngokugonda kwenyu munaMambo Jesu nerudo renyu kunevakacheneswa veshe, ¹⁶ andirekeri kubonga ngendaa yenyu, ndechimukarakadza mumikumbiro yangu, ¹⁷ kuti Mwari waMambo wedu Jesu Kristu, Baba vouthende, vamupe mweya weungwaru newokuoniswa muruziyo rake. ¹⁸ Munemadziso omwoyo yenyu akavhenekerwa, kuti imwimwi muzie biningidzo regonda rokumudaidza kwake, neroupfumi hwouthendewenhaka yake kwavari vakacheneswa, ¹⁹ neukuru wakakurisa usina chipimo wesimba rake kwetiri isusu tinotenda, kudai ngEkushanda kwesimba rake guru. ²⁰ Raakashanda munaKristu, apo paakamumusa kubva kwevakafa, akamugadzika ngekumurho kwake mundau dzemudenga, ²¹ padera pokutonga kweshe noukuru weshe nesimba reshe neumambo weshe, nepadera pemazina eshe anodudzwa, haiwa omunyika muno mwega, asi neeiyozve inouya. ²² Mwari wakaisa zveshe pashi petsoka dza Kristu nekumuita soro padera pezveshe ngendaa yechiara. ²³ Chiara ndicho muiri wake, kudzara kweuwo unodzarisa zveshe mune zveshe.