¹ Pauro, muapositora waShe Kristu Jesu nekuraira kwaMwari, Muponesi wedu, naKristu Jesu, tariro yedu, ² kunaTimotio, mwana wangu chaiye pakutenda: Nyasha, nengoni, nerugare, zvinobva kunaMwari Baba, naKristu Jesu, Ishe wedu ngazvive newe. ³ Sezvandakakumbira zvikuru kwauri, ndechienda Makedhonia, ndinoti, usare paEfeso, kuti uraire vamwe varegere kudzidzisa dzimwe dzidziso. ⁴ Kana kurangarira ngano nemazita emadzitetegeru asingaperi, zvinongomusa nharo, zvisingatendisi zvakarairwa naMwari, zviri mukutenda. ⁵ Asi chinovavarirwa nemurairo ndirwo rudo rInobva pamoyo wakachena, nepahana yakanaka, nepakutenda kusinganyengeri. ⁶ Vamwe vakarashika pazvinhu izvi, vakatsaukira mukutaura kusinamaturo; ⁷ vechitsvaka kuti vave vadzidzisi vemurairo, vasingazii zvevanoreva kana zvevanosimbisa. ⁸ Asi tinoziva kuti murairo wakanaka kana munhu achiita nawo sezvinoreva murairo. ⁹ Nokuti tinoziya kuti: murairo hauna kuitirwa wakanaka, asi vasinehanya nemurairo, nevasingateereri, nevasingadi Mwari, nevatadzi, nevasiri vatsvene, nevasinehanya naMwari, nevanorova madzibaba, nevanorova madzimai,nevanouraya vanhu, ¹⁰ navanopombora nevarume,navanoba vanhu, nevanonyepa, nevanopika nhema, uye kana chimwe chiriko chinopesana nedzidziso yakanaka. ¹¹ Sezvinoreva evhangeri yekugwinya kwaMwari wemufaro, yendakapuwa inini. ¹² Ndinobonga Kristu Jesu, Ishe wedu, wakandipa simba, nekuti wakati ndakatendeka, akandiisa pabasa rake. ¹³ Kunyange ini ndaimhura Mwari kare, nemutambudza ndechiteera vanhu zvakaipa, asi ndakaitirwa ngoni, nokuti ndakanga ndechizviita nekusaziva pakusatenda. ¹⁴ Asi nyasha dzaShe wedu dzakawanda zvikuru nokutenda, nerudo ruri munaKristu Jesu. ¹⁵ Iri shoko rinofanira kutendwa kwazvo, kuti: Kristu Jesu wakauya panyika kuzoponesa vatadzi avo, inini ndiri mukuru wavo. ¹⁶ Asi nazvo ndakaitirwa ngoni, kuti Jesu Kristu aratidze moyo wake weshe murefu mandiri, inini mukuru wevatadzi, kuti ndiee chiratidzo kuna vanozotenda kwaari, zvinovaisa kuupenyu bwusingaperi. ¹⁷ Hino ena Mambo asingaperi, asingafi, asingawonekwi, Mwari umwe wega, wakachenjera ngaave nokukudzwa nokuewinya nokusingaperi-peri. Ameni. ¹⁸ Ndinokupa basa iri, iwewe Timotio, mwana wangu, kuti sezvazvakaprofitwa kare pamusoro pako, urwe pfumo rakanaka mazviri. ¹⁹ Wakabata kutenda nehana yakanaaka; iyo yakarashwa nevamwe, vakarashikirwa nekutenda, ²⁰ vamwe vavo ndiHimenio naArekizandro, vandakaisa kunaSatani, vadzidziswe kuti varegere kumhungura Mwari.