1
Jakob ich aai jẽb gaai ãba joobaan majim, Kanaán jẽb gaai.
2
Mʉ khʉʉnta Jãkob dakhĩir neminaam wautarr khʉʉnau. José, maagwai ẽwan ajim 17 ãyo wai sieejim. Ich naam khʉʉn dʉi obejata thʉanaajeejim. Ich siejeejim anʉm Bilha iewaan dʉi maigmua Zilpa iewaan dʉi, ma khʉʉn ʉʉin i aai ʉʉin ajim. Joséu aubeejim anʉm iek akhãragam ich aai aig ich naam khʉʉn den.
3
José Israelpieenau khõsi aajeejim i naam khʉʉn khãyãu khan jãgwie ají ichta jooiraa khʉtʉm iewaa atarr aawai. Ich diu irʉg khãjũa dam ooimʉ khadeejim.
4
Chi naan khʉʉnau oojeejim am aayau ʉ̃ncha khõsi aajeejim chi naam khʉʉn khãyãu. mag gaai muata i oomapha aadejim idʉija iekhaba aajeejim anʉm.
5
José khãaikhõrkhajim, mag khãaikhorkhatarr ich naam khʉʉnag jaaujim. Amach diu magbaadeewaichara warag i oomapha aadejim.
6
Ich diu deeu amag jaaujim: " Mʉ aphʉʉ khitʉm mʉ khãaikhõrkhatarr iek ũrbat.
7
Oobat, marãu jua ãau ãb chi dau param khʉʉn phenaa khõor jʉ̃gkha naajim maigmua, oobat mua khõorjʉ̃tarr phiidʉwia dʉnʉi sisijim, maigmua oobat pãrau khõorjʉ̃gkhatarr khʉʉn mʉ den bigaauta nʉm maigmua mʉ den khõorjʉ̃ simʉgta phũrrbagkhajierram."
8
Chi naam khʉʉnau irig jaaujim: "¿Chadchata pʉ maar rei khaagpa ¿ chadcha pʉ maar por khaagpá " Amach diu warag i oomapha nʉisijierram ich khãaikhõrkhatarr gaaimua maigmua ich iek gaaimua.
9
Ich deeu khãaikhõrkhatarr ma ich naamʉgta jaaujim. Ich diu magjim: " Oobat, mʉ deeu khãaikhõrkhajim: Chi edau maigmua edau edaram 11 phĩdag mʉ rigta ãphegkhajierram."
10
Joséeu ich aayag jaaujim ich naam khʉʉnag jaautarrjoo awia. Chi aayau ibʉʉrwauwia. Ich diu magjim: " ¿ Khan khãaikhõrkhaata pʉ khãaikhõrkhajimma. ¿ Pʉ ãd maigmua mʉ maigmua pʉ naam khʉʉn pʉ khĩir phee mʉg jẽb gaai maar phõgkhajú? "
11
Chi naam khʉʉnau i ooparaa naajierram, mamʉ chi aayau magʉm iek ich khĩirjũg eepai wai siejim.
12
I naam khʉʉn obeja amach aai den Siquem anʉm aar thʉan majierram anʉm
13
Israelau Joseég magjim: "¿ Pʉ naam khʉʉn Siquem khaba nʉ´obeja thʉawai ? Pidú, maigmua mua pʉ deepʉijú am aar. " Joseéu irig magjim: " magan mʉ khĩir khaug chirʉm. "
14
Ich diu jaaujim: Ooba nau, oonʉʉ aba wajapha ich naam ich naam khʉʉn dʉi maigmua thumwe obeja dʉi maig mʉ ithee chi iek aupidú. " Magta Jakobau deepʉijim dawag khʉtag Hebrón a thʉ̃r sim eemua magta José Siquemag patajim.
15
Magta woun ãbmua José oojim. Ooba, José neminaamja wauba sĩ kampo ee nʉrraajeejim. Chi wounau irig jeeujim: " ¿ Khanta jʉrnʉʉrʉ ? "
16
Joseéu magjim: Mua mʉch naam khʉʉnta jʉr chirʉm. Mʉrʉg jaauba, mʉ dau aukhaubá, amach jampaita nʉmma obeja thʉawai. "
17
Chi waunau jaaujim: " Mʉigmua ereujierram. Mua am iekha nʉm ũrjim: Dotanag wettarraut ajim. " José ich naam khʉʉn ẽudee majim chadcha Dotanta ooi majim.
18
Amach diu warphaata oojierram, maigmua amdakha beeju nawe, khĩirjũg jʉr aujierram i thõopʉyaag ithee.
19
Chi naam khʉʉn amach ee pai iekhaphobaadejim anʉm. Oobat, khãaikhõrkhamie acha maach dagpa urum.
20
Mau pidút, magnaawia, i thõopʉitarrau maig pos ee ibarpʉijú. Maach diu jaaujú: " Pabʉ eem neminaammua i khopʉijim. " Maach diu maigta oojú i khãaikhõrkhaajerr."
21
Rubenau mag ũrwia i jua gaai eudʉ aujim. Ich diu magjim: " Maach diu i thõobam. "
22
Rubenau jaaujim: " Bag oopimiet. Ar weug ee pos sim eeta i barapʉit, mamʉ oob igaai mas waumiet, " i ithee ich juau peerdʉ auwia maigmua ich aai aar warrwia deehimaag ajim.
23
Magtajim José ich naam khʉʉn aar barwia, amach diu khecheu aujim i khãjũa oomʉ khitʉm.
24
Deeu i pʉrauwia pos ee barpʉijierram. Chi pos khor sim ee do chukhu siejim.
25
Amach pan khoog ithee jubjierram. Amach diu naag oonʉʉ awai maigmua oowain, ismaelitanaan khapaana wedurajierram anʉm Galaadmua, amach kameyo gaai waidurajierram jʉ̃gdee maigmua pabʉ thũpam gayam oorphegkha auwia jʉ̃gdee wau aubeejierram. (mirra ) Amach diu Egiptogta warr maajierram.
26
Judau chi naam khʉʉnag jaaujim: " ¿ Khanta maach diu ganjukhai maach ẽudeem thõo nʉm jũrr maigmua i bagja oopiba aag ithee ?.
27
Pidut, maigmua Ismaelitapienag perpʉitarraut maach diu i juau thõojũ khãyau. Khanjagwia aga ich maach ẽudeem aawai, maach ãbam khʉʉnau. " Chi naam khʉʉnau i iek ũrjierram.
28
Chi madianitapien neminaam perjem khʉʉn dich jierram anʉm. Chi naam khʉʉnau José pos eem dawag jiir aujierram anʉm. Amach diu José perpʉijierram Ismaelitapienag mag jũrr phatkhon dau 20 deejim anʉm. Chi Ismaelitapienau José Egiptoog arrjierram anʉm.
29
Rubenau chi pos aar deeu oon mawia, maigmua ũrbat, José pos ee ooba sim. Ich khãjũa warag thʉrreu pʉijim.
30
Ich naam nʉʉn aig deeu beewia maigmua majim: " ¿ Jampaita mʉg chaai si ? maigmua mʉ, ¿ jamagta mʉ maag agá ?
31
Amach diu chibdam thõopʉiwia maigmua José khãjũa pʉrauwia bagau ompʉijierram.
32
Pari amach diu chi aai aig aubeejierram maigmua magjierram: " Marau chamʉ baaujim. Wajapha oonʉʉ aba chadcha pʉ iewaa khãjũa wa arkhabá."
33
Jakobau khaug auwia maigmua magjim: " Chadcha mʉ iewaa khãjũau . Pabʉ eem neminaam mua thʉrreunaa khopʉijim. José chadcha thʉrreu pʉijierram."
34
Jakob ich khãjũa thʉrreupʉiwia ich sako ich upheeu gaai deeba siujim anʉm. Ich iewaa ithee khãai khapan biejim anʉm.
35
Thumwe chi iewaanau chi kharannaanau dau aukhaan majierram, mamʉ ich diu ich dau aukhaupiba siejim. Ich diu magjim: " Chadcha mua mʉch chaai khĩirjũg baadeewai Seolag majũ ajim. " Chi aai bĩejim i athee.
36
Chi madianitapienau Egiptota Potipharrag per pʉijierram anʉm