kapitulo mõr ãp jua ãb awia jayap 35
1
Jacobag Ẽwandamau jaaujim: "Phiiduba, Betelag peta, maimua agai sisi. Wauba agai kaidis Ẽwandam athee, pu khiin phee ootarr pu Esaú pu omdeem gayamua durwei."
2
Jacobau magbanaawei jaaujim ich degam khʉʉn nag maimua ich dʉi narr khʉʉn nag: "Igaau aukherbad chi por naan dewamkhʉʉn paanee puinʉm, paach mon ʉ apuithʉ, maimua dewam put jua apuithʉ.
3
Magkhan wet taarrauthʉ Betelag. Murua wauju kaidis jagai Ẽwandam athee, mu iek ukhatarr khʉʉn mu japhier chiraawei, maimua mu mam pier mu dʉi siejem."
4
Mag Jacobag deejierram thʉnwe chi por pomaam dewam khʉʉn pien ich jua ee nar khʉʉn, maimua chi sortig i khach gaai nar khʉʉn. Jacobau beg puijim Siquem beg sier dakha.
5
Mag manʉm ee, Ẽwandamau jãphier puijim chi phobor igaau nar khʉʉn, chi oonag Jacob iewa ekha pi maau gau.
6
Mag Jacob barchejim lus ai (ja Betelau), Canaán jeb gaaita sim, ich awia thʉnwe chi oon idʉi nar khʉʉn.
7
Ich dʉi waujim kaidis jagai maimua chi jeb thʉn thʉnjim El Betel, mag jagai Ẽwandamua ich iewa naanig jaaujim ich den, mag ich dur wei ich omdeem den.
8
Débora, oon monaau jem Rebeca den, thojim. Chi uui jeb ee beg puijim Betel ee gar pabu ee gar, mag ta thʉnjim Alón Bacut.
9
Jacob Padán Aram amua beewei, Ẽwandam dee maai i khiin phee ich oopijim maimua i mon waupui jim wajãpha.
10
Irig Ẽwandamau jaaujim: "Pu thʉn thʉʉnjem Jacob, mamu pu thʉn muimugua Jacob khabam. Pu thʉn Israel lau." Maimugua Ẽwandamau i thʉn thʉn jim Israel.
11
Irig Ẽwandamau jaaujim: "Mu Ẽwandamau juapapomsiejem. nejo jom deeba maimua neminag khapan apiba. oon amach enter sitheen khʉʉn dʉi khapan maimua tag oon khapan beejuarau pu ee, maimugua mug atag chaain udʉrʉm khʉʉn ee thʉnaagau reyes naan.
12
Chi jeb murua deetar Abraham maimua Isaac cag, murua purigta deeju. Pu chaain mʉgatag ʉdʉrʉm khʉʉn nag akho murua deeju jeb."
13
Ẽwandam waaudujim i den dʉi amach iekha tar ai.
14
Jacobau aukherjim pilar Ẽwandamau irig iekha tar ai, pilar mog dauy den. Ich iekhajim dobuun doojemden maimua i ʉn choopuijim neukhau.
15
Jacobau thʉn puijim Ẽwandam idʉi iekhatar ai, Betel.
16
Amach wetjierram Betel mua. Mag chagatha wab sim ee Efrata ar baraag, Raquel chaai thabuug athee bich machkhabaadejim. Phithʉrr ajim chaai thabu awaag.
17
Mag phithʉr chaai thabu awaag thʉnʉm ee, chi chaain jur khaawei uui yau jaaujim: "Oo ewag khinʉgam, dewam iewa pu par paag pam."
18
Mag thomamua mag mon thʉʉ thʉnʉmua ich tiu thʉnjim Benoni, mamu chi aai yau thʉn jim Benjamín.
19
Raquel thojim maimua bet puijierram Efrata khʉt ee (ja Betén nau).
20
Jacobau Raquel bet tar ʉn pilar aukherjim. Ma au chi marka Raquel den mug khãai ee.
21
Mag majim Israel maimua ich neminag peraag athee waujim chi torre ʉ̃gthaag jeeu jemkhʉʉn den armua.
22
Mag Israel chi jeb gaai joobasim ee, Rubén khãijim Bilha dʉi ich jaai jua ãwad mia chi aaiden, Israel aukherjim. Mag is Jacob weisiejim jua ãb awia nʉmi iewanaan.
23
Ich iewa naan Lea jur Rubén ajim, chi juapa theeg sim Jacob den, maimua Simeón, Leví, Judá, Isacar, maimua Zebulón.
24
Ich iewa naan Raquel jur José maimua Benjamín ajim.
25
Ich iewa naan Bilha, chi neminag waau jem Raquel den, Dan maimua Neftalí ajim.
26
Chi Zilpa iewa naan, chi neminag waau jem Leah den, Gad maimua Aser ajierram. Thʉnwe mukhʉʉn Jacob chaain nau Padám Aram thaabʉgkha tar khʉʉn.
27
Jacob beejim Isaac kag, i aai, Mamre Quiriat ar (Hebrón joo), Abraham mai Isaac jooba tar ar.
28
Isaac joobajim siento ochenta ayos.
29
Isaac ʉ̃ijim monthʉʉ thʉnʉmua maimua meejim, maimua chi Jacob aujierram ich jooin naan gar, jooi raa khithʉn ayo thʉnwe ãwãd jim. Esaú maimua Jacob, ich iewa naan, dʉi mua beg puijierram.