Salmo 36 Para o director do coro. Salmo de david, servo de Iahveh.

1 O pecado fala ao impío dentro do seu corazón;

no hai temor de Deus diante dos seus ollos.

2 Porque nos seus propios ollos engánao o pecado,

para descubrir a súa iniquidade e aborrecela.

3 As palabras da súa boca son iniquidade e pecado,

deixou de ser sabio e de facer o ben.

4 Na súa cama argalla a iniquidade;

mantense nun camiño que non é bo,

pois non odia o mal.

5 A túa misericordia chega até aos ceos;

e até as nubes a túa fidelidade.

6 A túa xustiza seméllase aos montes de Deus,

os teus xuízos, ao profundo abismo.

Ti conservas, ó Iahveh, o home e o animal.

7 Que fermosa é a túa misericordia, ó Elohim!

por iso os homes refúxianse baixo a sombra das túas ás.

8 Saciaranse da fartura da túa casa,

e daraslle a beber do río das túas delicias.

9 Porque a fonte da vida está en ti;

na túa luz vemos a luz.

10 Alonga a túa misericordia aos que te coñecen,

e a túa xustiza, aos de corazón recto.

11 Que o pé do orgullo non me colla,

nen a man dos impíos me mova.

12 Entón caerán os que obran maldade,

serán derrubados e non se poderán levantar.