Salmo 32 Salmo de David. Masquil

1 Que feliz é aquel que lle é perdoada a transgresión,

e cubriuselle o seu pecado !

2 Que feliz é o home a quen Iahveh non lle imputa iniquidade,

e no seu espírito non hai engano.

3 Mentres calei, os meus ósos consumíronse,

por xemer todo o día.

4 Porque de día de noite a túa man pesaba sobre min.

O meu vigor esmorecía como en sequedade de verán.

5 Manifesteite o meu pecado,

e non escondín a miña iniquidade

dixen: Confesarei as miñas transgresións a Iahveh,

e Ti mesmo, cargaches coa maldade do meu pecado.

6 Por isto orará a ti todo santo no tempo que te poida achar.

De certo que na inundación de moitas augas,

estas non chegarán a el

7 Ti es o meu refuxio, gardarasme da angustia,

rodearasme con cantigas de vitoria.

8 Eu fareiche saber e ensinareite o camiño no que debes andar.

Aconsellareite e sobre ti fixarei os meus ollos.

9 Non sexades como mulo ou cabalo,

sen entendemento;

que a boca ha ser freada con bozal e freo,

para que se acheguen a ti.

10 Para o impío haberá moitas dores,

pero o que confía en Iahveh,

rodéao a misericordia.

11 Alegrádevos, ó xustos, en Iahveh, dade voces de xúbilo, todos os de corazón recto.